میرے پسندیدہ اشعار

[شمشاد]

زندگی تو نے تو سچ ہے کہ وفا ہم سے نہ کی
ہم مگر خود تجھے ٹھکرائیں ضروری تو نہیں
زاہدہ زیدی

 

[شمشاد]

انجام وفا یہ ہے جس نے بھی محبت کی
مرنے کی دعا مانگی جینے کی سزا پائی
نشور واحدی

 

[شمشاد]

ناحق ہم مجبوروں پر یہ تہمت ہے مختاری کی
چاہتے ہیں سو آپ کریں ہیں ہم کو عبث بدنام کیا
(میرتقی میر)

 

[مظہرمظہری]

ساری دنیا یہ سمجھتی ہے کہ سودائی ہے
اب مرا ہوش میں آنا تری رسوائی ہے
محمد علی جوہرؔ

بہت خوب

 

[شمشاد]

آئی ہوا نہ راس جو سایوں کے شہر کی
ہم ذات کی قدیم گپھاؤں میں کھو گئے
(عبد الاحد ساز)

 

[شمشاد]

داغ دل شب کو جو بنتا ہے چراغ دہلیز
روشنی گھر میں مرے رہتی ہے اندر باہر
مصحفی غلام ہمدانی

 

[شمشاد]

تھی وصل میں بھی فکر جدائی تمام شب
وہ آئے تو بھی نیند نہ آئی تمام شب
مومن خاں مومن

 

[شمشاد]

شام ڈھلنے سے فقط شام نہیں ڈھلتی ہے
عمر ڈھل جاتی ہے جلدی پلٹ آنا مرے دوست
اشفاق ناصر

 

[سیما علی]

ماجدؔ جی جب آنچ بھنور کی پہنچی تو
پانی میں بھی کشتی کے پتوار جلے
ماجد صدیقی

 

[شمشاد]

جب کشتی ثابت و سالم تھی ساحل کی تمنا کس کو تھی
اب ایسی شکستہ کشتی پر ساحل کی تمنا کون کرے
معین احسن جذبی

 

[سیما علی]

گیا رقِیب کے گھر بارہا شبِ وعدہ
بہت ذلیل مجھے تیری جستجو نے کیا

داغ دہلوی

 

[سیما علی]

جس کے بغیر سانس بھی لینا محال تھا
ہم نے تمام عمر ہی اس کے بغیر جی
میثم علی آغا

 

[شمشاد]

کیا کہوں اس سے کہ جو بات سمجھتا ہی نہیں
وہ تو ملنے کو ملاقات سمجھتا ہی نہیں
فاطمہ حسن

 

[شمشاد]

محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
جلیل مانک پوری

 

[شمشاد]

ہمیں ہیں سوز ہمیں ساز ہیں ہمیں نغمہ
ذرا سنبھل کے سر بزم چھیڑنا ہم کو
معین احسن جذبی

 

[شمشاد]

پتے پتے سے نغمہ سرا کون ہے
اے ہوا تیرے اندر چھپا کون ہے
عبدالصمد تپشؔ

 

[مومن فرحین]

دل لے کے مجھ سے دیتے ہو داغ جگر مجھے
یہ بات بھولنے کی نہیں عمر بھر مجھے

جگر مرادآبادی

 

[مومن فرحین]

نہیں سنائیں گے جو سننا چاہتے ہو تم
وہی سنائیں گے جو ہم سنانا چاہتے ہیں

سماعتوں کو ذرا آنسوؤں سے تر کر لو
کہ ایک سلسلہ نم سنانا چاہتے ہیں

وہ آج خوش ہے بہت اور مسلہ یہ ہے
کہ آج ہی اسے ہم غم سنانا چاہتے ہیں

فرحت احساس

 

[سیما علی]

جان گھبراتی ہے اندوہ سے تن میں کیا کیا
تنگ احوال ہے اس یوسفِ زندانی کا!!!!
میر تقی میر

 

[سیما علی]

اس کو دیکھا تو سیر چشم ہوئے
اس کو چاہا تو اور چاہ نہ کی!!!!!

فیض احمد فیض