میرے پسندیدہ اشعار

[شمشاد]

تا پھر نہ انتظار میں نیند آئے عمر بھر
آنے کا عہد کر گئے آئے جو خواب میں
مرزا غالب

 

[مومن فرحین]

ہونا تو وہی ہے جو مقدر میں لکھا ہے
لیکن یہ مرے خواب مرے خواب مرے خواب

 

[مومن فرحین]

ہم ہمیشہ کے سیر چشم صحیح
تجھ کو دیکھیں تو آنکھ بھرتی نہیں

احمد فراز

 

[مومن فرحین]

سیما علی اپیا شعروں کے کھیل آپ کی آمد کے بنا سونے سونے لگ رہے ہیں

 

[مومن فرحین]

تیرے بغیر کتنی فسردہ ہے بزم شعر
اے دوست اب کہوں میں غزل کس کو دیکھ کر

 

[سیما علی]

سیما علی اپیا شعروں کے کھیل آپ کی آمد کے بنا سونے سونے لگ رہے ہیں

کونسا طائرِ گم گشتہ اسے یاد آیا
دیکھتا بھالتا ہر شاخ کو صیّاد آیا

 

[سیما علی]

تیرے بغیر کتنی فسردہ ہے بزم شعر
اے دوست اب کہوں میں غزل کس کو دیکھ کر

آپ کی بزم میں سب کچھ ہے مگر داغ نہیں
ہم کو وہ خانہ خراب آج بہت یاد آیا

(داغ دہلوی)

 

[مومن فرحین]

ہائے اپیا کی آمد کیا ہوئی رونق لگ گئی ۔۔
شکریہ تیرا ترے آنے سے رونق تو بڑھی
ورنہ یہ محفل جذبات ادھوری رہتی

 

[سیما علی]

جب تک رہا بیمار میں دم تم کو کیا یاد
تھی اور کسے دردِ محبت کی دوا یاد
قمر جلالوی

 

[سیما علی]

ہوتا قمر کثرت و وحدت میں بڑا فرق
بت خانے بہت سے ہیں نہیں ہے تو حرم اور
قمر جلالوی

 

[سیما علی]

جہاں وہ چاہیں قمر شوق سے ہمیں رکھیں
زمیں سے ہم کو گریز اور نہ آسماں سے گریز
قمر جلالوی

 

[سیما علی]

اتنے ہوئے ہیں جمع مری قبر پر قمر
تاروں کی طرح ہو نہیں سکتے شمار پھول
قمر جلالوی

 

[سیما علی]

اے قمر شام کا وعدہ ہے وہ آتے ہوں گے
شام کہلاتی ہے تاروں کے نکل آنے تک
قمر جلالوی

 

[سیما علی]

قمر وہ رات کو بہرِ عیادت آئیں گے
مگر مریض کی قسمت میں آج، رات کہاں
قمر جلالوی

 

[سیما علی]

لگا بیٹھے ہیں اپنے پاؤں میں وہ شام سے مہندی
انھیں معلوم کیا کس کس کا خونِ آرزو ہو گا

قمر جلالوی

 

[سیما علی]

عکس کس چیز کا آئینۂ حیرت میں نہیں
تیری صورت میں ہے کیا جو میری صورت میں نہیں

اصغر گونڈوی

 

[سیما علی]

ذرے ذرے میں کیا جوش ترنم پیدا
خود مگر کوئی نوا ساز محبت میں!!!!!!

 

[سیما علی]

شائستۂ صحبت کوئی ان میں نہیں اصغرؔ
کافر نہیں دیکھے کہ مسلماں نہیں دیکھا

اصغر گونڈوی

 

[سیما علی]

شائستۂ صحبت کوئی ان میں نہیں اصغرؔ
کافر نہیں دیکھے کہ مسلماں نہیں دیکھا
اصغر گونڈوی

 

[سیما علی]

تبسم کی ادا سے زندگی بیدار ہو جائے
نظر سے چھیڑ دے رگ رگ مری ہشیار ہو جائے

اصغر گونڈوی