میرے پسندیدہ اشعار

[ام عبدالوھاب]

نہیں منت کشِ تابِ شنیدن داستاں میری
خموشی گفتگو ہے، بے زبانی ہے زباں میری

یہ دستورِ زباں بندی ہے کیسا تیری محفل میں
یہاں تو بات کرنے کو ترستی ہے زباں میری

اٹھائے کچھ ورق لالے نے، کچھ نرگس نے، کچھ گل نے
چمن میں ہر طرف بکھری ہوئی ہے داستاں میری

اڑا لی قمریوں نے، طوطیوں نے، عندلبوں نے
چمن والوں نے مل کر لوٹ لی طرزِ فغاں میری

 

[مومن فرحین]

باغ میں لگتا نہیں صحرا میں گھبراتا ہے دل
اب کہاں لے جا کے بیٹھیں ایسے دیوانے کو ہم

 

[عطاء اللہ جیلانی]

‏قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو

 

[شمشاد]

محبت کی سزا ترک محبت
محبت کا یہی انعام بھی ہے
وامق جونپوری

 

[عطاء اللہ جیلانی]

‏.
اے قہقہے بکھیرنے والے تو خوش بھی ہے؟؟؟
ہنسنے کی بات چھوڑ کہ ہنستا تو میں بھی ہوں...

ڈاکٹر تیمور حسین

 

[شمشاد]

ہم جس کے ہو گئے وہ ہمارا نہ ہو سکا
یوں بھی ہوا حساب برابر کبھی کبھی
آل احمد سرور

 

[مومن فرحین]

یہاں کسی کو بھی کچھ حسب آرزو نہ ملا
کسی کو ہم نہ ملے اور ہم کو تو نہ ملا

 

[مومن فرحین]

‏قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو

بڑے دنوں بعد دکھائی دیئے جیلانی جی ۔۔۔

سرگوشی

خوب گزار کر تو نہیں آرہے

 

[عطاء اللہ جیلانی]

بڑے دنوں بعد دکھائی دیئے جیلانی جی ۔۔۔

سرگوشی

خوب گزار کر تو نہیں آرہے

جی محترمہ صحیح کہا
مصروفیات کی وجہ سے محفل پر زیادہ تر غیر حاضر رہا ہوں
مگر اب کوشش ہے کچھ وقت محفل کے لئے مختص کروں

 

[عطاء اللہ جیلانی]

‏کس واسطے عزیز نہیں جانتے مجھے
لعل و زمرد و زر و گوہر نہیں ہوں میں

مرزا غالب

 

[عطاء اللہ جیلانی]

‏.
اردو جسے کہتے ہیں تہذیب کا چشمہ ہے...
وہ شخص مہذب ہے جس کو یہ زباں آئی...

روش صدیقی

 

[مومن التمش]

رات کے وقت ، میرے دِل پہ تیری یاد کا ھاتھ
اِتنی نرمی سے اُترتا ھے ، کہ جیسے شبنم
اِک چَٹکتی ھُوئی نو رستہ کَلی پر اُترے

"احمد ندیم قاسمی"

 

[سیما علی]

ہے نگاہوں میں کوہ طور میاں
میں نہیں ہوں خدا سے دور میاں

وہ بھی تقریر کر رہے ہیں جنہیں
بولنے کا نہیں شعور میاں

لے نہ ڈوبے تری عبادت کو
زہد و تقویٰ کا یہ غرور میاں

میرے منہ میں نہیں زباں ایسی
بولتی جو ہے جی حضور میاں

رہ کے دلی میں بھی یہ لگتا ہے
اب بھی دلی بہت ہے دور میاں

ایک مقتل تھی محفل یاراں
ہم ہی ظلمت کو سمجھے نور میاں

خوب ہیں سجدہ ریزیاں تیری
نفس پر بھی تو ہو عبور میاں

ڈاکٹر اعظم

 

[شمشاد]

رات کے وقت ، میرے دِل پہ تیری یاد کا ھاتھ
اِتنی نرمی سے اُترتا ھے ، کہ جیسے شبنم
اِک چَٹکتی ھُوئی نو رستہ کَلی پر اُترے

"احمد ندیم قاسمی"

مومن التمش صاحب اردو محفل میں خوش آمدید۔

اپنا تعارف تو دیں۔

 

[شمشاد]

لوگ کہتے ہیں حساب دوستاں در دل شود
آج مرزاؔ یہ مقولہ بھی کہاں رہ جائے گا
اقبال مرزا

 

[مومن التمش]

مومن التمش صاحب اردو محفل میں خوش آمدید۔

اپنا تعارف تو دیں۔

اردو سے کچھ شغف ہے۔۔۔پیشہ محنت مزدوری۔۔۔آپکے پڑوس سے ہوں یعنی انڈیا سے

 

[شمشاد]

اردو سے کچھ شغف ہے۔۔۔پیشہ محنت مزدوری۔۔۔آپکے پڑوس سے ہوں یعنی انڈیا سے

ایسے نہیں صاحب۔

یہ رہا تعارف کا زمرہ

یہاں اپنا تعارف دیں تاکہ اردو محفل کے دوسرے اراکین بھی آپ سے متعارف ہو سکیں۔

 

[سیما علی]

نیرنگئ سیاست دوراں تو دیکھئے
منزل انھیں ملی جو شریک سفر نہ تھے
( محسن بھوپالی )

 

[سیما علی]

شعر تر میرے چھلکتے ہوئے ساغر ہیں ریاضؔ
پھر بھی سب پوچھتے ہیں آپ نے مے پی کہ نہیں

ریاض خیر آبادی

 

[سیما علی]

تھا وہ تو رشک حور بہشتی ہمیں میں میرؔ
سمجھے نہ ہم تو فہم کا اپنے قصور تھا

میر تقی میر