میرے پسندیدہ اشعار

[مومن فرحین]

خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا
دل لے کے مفت کہتے ہیں کچھ کام کا نہیں
الٹی شکایتیں ہوئیں احسان تو گیا


داغ

 

[مومن فرحین]

اے یاد شب الفت کچھ اور تھپک مجھ کو
پلکوں پر ابھی باقی دن بھر کی گرانی ہے

ظہیر احمد ظہیر

 

[مومن فرحین]

سیما اپیا کہاں ہیں آپ

 

[مومن فرحین]

اب کے یہ سوچ کے بیمار پڑے ہیں کہ ہمیں
ٹھیک ہونا ہی نہیں تیری عیادت کے بغیر

 

[مومن فرحین]

جب گھاؤ سبھی دست مسیحا سے ملے ہوں
پھر کس کے گلے لگیے کسے رو کے بتائیے

 

[مومن فرحین]

جو بھی آتا ہے بتاتا ہے نیا کوئی علاج
بٹ نہ جائے ترا بیمار مسیحاؤں میں

 

[مومن فرحین]

اک ادا سے دل چھلنی اک ادا تسلی کی
یار من ستمگر بھی یار من مسیحا بھی

 

[سیما علی]

اب کے یہ سوچ کے بیمار پڑے ہیں کہ ہمیں
ٹھیک ہونا ہی نہیں تیری عیادت کے بغیر

واہ واہ

 

[مومن فرحین]

مسیحا کر نہ اب اچھا ہمیں بیمار رہنے دے
مرض ہے عشق کا اس کے عوارض خوبصورت ہیں

 

[مومن فرحین]

سنا ہے ایسا مسیحا کہیں سے آیا ہے
کہ اس کو شہر کے بیمار چل کے دیکھتے ہیں

 

[مومن فرحین]

طبیب عشق اب تو کر نہ اچھا
مریض دل ہے اپنے حال میں خوش

 

[مومن فرحین]

آج کل ان کو بھی دعوی ہے مسیحائی کا
ہم جنہیں دور سے ہی دیکھ کے بیمار ہوئے

 

[مومن فرحین]

واہ واہ

شکریہ اپیا

 

[سیما علی]

کیسے کہیں کہ تجھ کو بھی ہم سے ہے واسطہ کوئی
تو نے تو ہم سے آج تک کوئی گلہ نہیں کیا
جون ایلیا

 

[سیما علی]

دل کی تکلیف کم نہیں کرتے
اب کوئی شکوہ ہم نہیں کرتے

جون ایلیا

 

[سیما علی]

رات آ کر گزر بھی جاتی ہے
اک ہماری سحر نہیں ہوتی

ابنِ انشاء

 

[سیما علی]

بڑا مزہ ہو جو محشر میں ہم کریں شکوہ
وہ منتوں سے کہیں چپ رہو خدا کے لیے

داغ

 

[سیما علی]

کیوں ہجر کے شکوے کرتا ہے کیوں درد کے رونے روتا ہے
اب عشق کیا تو صبر بھی کر اس میں تو یہی کچھ ہوتا ہے

حفیظ جالندھری

 

[سیما علی]

محبت ہی میں ملتے ہیں شکایت کے مزے پیہم
محبت جتنی بڑھتی ہے، شکایت ہوتی جاتی ہے

شکیل بدایونی

 

[عطاء اللہ جیلانی]

وہ بکھرانے لگے زلفوں کو چہرے پر تو میں سمجھا
گھٹا میں چاند یا محمل میں لیلیٰ منہ چھپاتی ہے


آسی غازی پوری