میرے پسندیدہ اشعار

[شمشاد]

وہ نئے گلے وہ شکایتیں وہ مزے مزے کی حکایتیں
وہ ہر ایک بات پہ روٹھنا تمہیں یاد ہو کہ نہ یاد ہو
(مومن خان مومن)

 

[مومن فرحین]

دیکھئے اب نہ یاد آئیے آپ
آج کل آپ سے خفا ہوں میں

جون ایلیا

 

[شمشاد]

عجیب شخص ہے ناراض ہو کے ہنستا ہے
میں چاہتا ہوں خفا ہو تو وہ خفا ہی لگے
(بشیر بدر)

 

[محمل ابراہیم]

یہ آنسو نہیں یہ ہیں شبنم کے قطرے
گرا کر کلی پر اسے گل بنائیں

عبادت کدے کو بھی تم نے نہ بخشا
تمہیں اور کتنا نظر سے گرائیں

سحر ٹوٹے دل کو چلو جوڑتے ہیں
یہ دل خانۂ رب ہے اس کو بچائیں


سحر

 

[محمل ابراہیم]

جو مُدّت بعد آئے ہو تو لازم خیر مقدم ہے
جنابِ درد!ٹھہرو تو، ہیں کچھ تیاریاں باقی

سحر

 

[شمشاد]

آنکھوں میں رہا دل میں اتر کر نہیں دیکھا
کشتی کے مسافر نے سمندر نہیں دیکھا

بے وقت اگر جاؤں گا سب چونک پڑیں گے
اک عمر ہوئی دن میں کبھی گھر نہیں دیکھا
(بشیر بدر)

 

[مومن فرحین]

کسی کے منانے میں لذت وہ پائی
کہ پھر روٹھ جانے کو جی چاہتا ہے

 

[محمل ابراہیم]

تنگ و تاریک سا حصار ہوں میں
روح ارضی ترا مزار ہوں میں

کر سکی میں ادا نہ قرض ترا
زندگی تیری قرضدار ہوں میں

سحؔر

 

[مومن فرحین]

جتنی شدت سے تجھ کو دیکھا ہے
اتنی شدت سے کچھ نہیں دیکھا
اپنی آنکھوں میں دیکھنے دو مجھے
میں نے مدت سے کچھ نہیں دیکھا

 

[شمشاد]

میں کہ جس نے ہر صعوبت مسکرا کر جھیل لی
منزلیں آئیں تو کیوں آنکھوں میں آنسو آ گئے

تیرے نا آنے کے دکھ میں شدتیں پھولوں نے کیں
وقت سے پہلے ہی سب گجرے مرے مرجھا گئے
(عابدہ عروج)

 

[مومن فرحین]

گجروں کی کوئی شہر نگاراں میں کمی ہے ؟
اے دوست میری خالی کلائی کا سبب پوچھ

 

[شمشاد]

کہاں تو طے تھا چراغاں ہر ایک گھر کے لیے
کہاں چراغ میسر نہیں شہر کے لیے
(دشینت کمار)

 

[مومن فرحین]

چراغ مانگتے رہنے کا کچھ سبب بھی نہیں
اندھیرا کیسے بتائیں کے اب تو شب بھی نہیں
جو میرے شعر میں مجھ سے زیادہ بولتا ہے
میں اس کی بزم میں ایک حرف زیر لب بھی نہیں

پروین شاکر

 

[شمشاد]

ہونے کو ہے طلوع، صباحِ شبِ وصال
بجھنے کو ہے چراغ شبستان آرزؤُ

اک وہ کہ آرزوؤں پہ جیتے ہیں عمر بھر
اک ہم کہ ہیں ابھی سے پشیمان آرزو
(اختر شیرانی)

 

[مومن فرحین]

آرزو کر نہ سکی ترک تعلق کو قبول
تجھ سے بچھڑے تو تیری یاد کے ہو بیٹھے ہیں

 

[مومن فرحین]

تم زمانے کے ہو ہمارے سوا
ہم کسی کے نہیں تمہارے ہیں

 

[شمشاد]

دل میں نشاط رفتہ کی دھندلی سے یاد ہے
یا شمع وصل ہے تہہ دامان آرزو

اختر کو زندگی کا بھروسہ نہیں رہا
جب سے لُٹا چکے سر و سامان آرزؤُ
(اختر شیرانی)

 

[شمشاد]

تجھ سے ملنے کو بے قرار تھا دل
تجھ سے مل کر بھی بے قرار رہا
(رسا چغتائی)

 

[مومن فرحین]

آ کے مل جا کسی بھی نسبت سے
تجھ سے میرے بہت سے ناطے ہیں

 

[شمشاد]

یہ کعبے سے نہیں بے وجہ نسبت رخ یار
یہ بے سبب نہیں مردے کو قبلہ رو کرتے
(حیدر علی آتش)