میرے پسندیدہ اشعار

[سیما علی]

دریا میں دشت دشت میں دریا سراب ہے
اس پوری کائنات میں کتنا سراب ہے!!!!

ظفر اقبال

 

[شمشاد]

گھر کے باہر ڈھونڈھتا رہتا ہوں دنیا
گھر کے اندر دنیا داری رہتی ہے
(راحت اندوری)

 

[شمشاد]

کچھ غزلیں ان زلفوں پر ہیں کچھ غزلیں ان آنکھوں پر
جانے والے دوست کی اب اک یہی نشانی باقی ہے
(کمار پاشی)

 

[شمشاد]

شام سے پہلے تری شام نہ ہونے دوں گا
زندگی میں تجھے ناکام نہ ہونے دوں گا
(صابر ظفر)

 

[شمشاد]

ہم اپنی زندگی تو بسر کر چکے رئیسؔ
یہ کس کی زیست ہے جو بسر کر رہے ہیں ہم
(رئیس امروہوی)

 

[شمشاد]

گناہ گار کے دل سے نہ بچ کے چل زاہد
یہیں کہیں تری جنت بھی پائی جاتی ہے
(جگر مراد آبادی)

 

[شمشاد]

خدا بچائے تری مست مست آنکھوں سے
فرشتہ ہو تو بہک جائے آدمی کیا ہے
(خمار بارہ بنکوی)

 

[محمل ابراہیم]

تھی سامنے کھلی ہوئی پھر بھی نہ پڑھ سکا
شاید مری کتاب میں لکھا ہی کچھ نہ تھا

سحر

 

[مومن فرحین]

وہ کون تھا جو میری زندگی کے دفتر سے
حروف لے گیا خالی کتاب چھوڑ گیا

 

[ڈاکٹر عظیم سہارنپوری]

جسے میں لکھتا ہوں ایسے کہ خود ہی پڑھ پاؤں
کتاب زیست میں ایسا بھی باب ہوتا ہے

وسیم بریلوی

 

[ڈاکٹر عظیم سہارنپوری]

کاغذ میں دب کے مر گئے کیڑے کتاب کے
دیوانہ بے پڑھے لکھے مشہور ہو گیا

بشیر بدر

 

[شمشاد]

وہ کون تھا جو میری زندگی کے دفتر سے
حروف لے گیا خالی کتاب چھوڑ گیا

یہ کرامت علی کرامت کا کلام ہے۔

 

[شمشاد]

بہار بن کے وہ آیا گیا بھی شان کے ساتھ
کہ زرد پتوں پہ رنگ گلاب چھوڑ گیا

گیا تو ساتھ وہ لیتا گیا ہر اک نغمہ
خلا کی گود میں ٹوٹا رباب چھوڑ گیا
(کرامت علی کرامت)

 

[شمشاد]

کچھ غزلیں ان زلفوں پر ہیں کچھ غزلیں ان آنکھوں پر
جانے والے دوست کی اب اک یہی نشانی باقی ہے
(کمار پاشی)

 

[شمشاد]

شام سے پہلے تری شام نہ ہونے دوں گا
زندگی میں تجھے ناکام نہ ہونے دوں گا
(صابر ظفر)

 

[شمشاد]

نہ ابتدا کی خبر ہے نہ انتہا معلوم
رہا یہ وہم کہ ہم ہیں سو وہ بھی کیا معلوم
(فانی بدایونی)

 

[شمشاد]

وہی پھر مجھے یاد آنے لگے ہیں
جنہیں بھولنے میں زمانے لگے ہیں
(خمارؔ بارہ بنکوی)

 

[شمشاد]

جو ہو سکے تو چلے آؤ آج میری طرف
ملے بھی دیر ہوئی اور جی اداس بھی ہے
(عظیم مرتضی)

 

[محمل ابراہیم]

اُن سے کہنا مری خطا کیا ہے
سچ ہی بولا تھا پھر،سزا کیا ہے

سحؔر

 

[شمشاد]

خیال جن کا ہمیں روز و شب ستاتا ہے
کبھی انہیں بھی ہمارا خیال آتا ہے
(آل احمد سرور)