میرے پسندیدہ اشعار

[محمل ابراہیم]

سید طاہر علی رضوی کا یہ شعر محولہ بالا شکل میں درست نہیں ہے، بلکہ صحیح یوں ہے:

مکتبِ عشق کا دستور نرالا دیکھا

اس کو چُھٹی نہ ملے جس کو سبق یاد رہے

شکریہ
یہ شعر میں نے محض حافظے کی بنیاد پر لکھا تھا کسی تقریر میں اوچھا سا سنا تھا۔

 

[شمشاد]

سید طاہر علی رضوی کا یہ شعر محولہ بالا شکل میں درست نہیں ہے، بلکہ صحیح یوں ہے:
مکتبِ عشق کا دستور نرالا دیکھا
اس کو چُھٹی نہ ملے جس کو سبق یاد رہے

یہ بھی صحیح نہیں ہے۔ صحیح شعر یوں ہے اور یہ میر طاہر علی رضوی کا کلام ہے :

مکتب عشق کا دستور نرالا دیکھا
اس کو چھٹی نہ ملی جس کو سبق یاد ہوا
(میر طاہر علی رضوی)

 

[سیما علی]

یہ بھی صحیح نہیں ہے۔ صحیح شعر یوں ہے اور یہ میر طاہر علی رضوی کا کلام ہے :

مکتب عشق کا دستور نرالا دیکھا
اس کو چھٹی نہ ملی جس کو سبق یاد ہوا
(میر طاہر علی رضوی)

یہ ہوئی نا بات

 

[شمشاد]

اس سنگ دل کے ہجر میں چشموں کو اپنے آہ
مانند آبشار کیا ہم نے کیا کیا
(انشا اللہ خاں انشا)​

 

[عطاء اللہ جیلانی]

یہ بھی صحیح نہیں ہے۔ صحیح شعر یوں ہے اور یہ میر طاہر علی رضوی کا کلام ہے :

مکتب عشق کا دستور نرالا دیکھا
اس کو چھٹی نہ ملی جس کو سبق یاد ہوا
(میر طاہر علی رضوی)

جزاک اللہ خیر

 

[محمل ابراہیم]

یہ بھی صحیح نہیں ہے۔ صحیح شعر یوں ہے اور یہ میر طاہر علی رضوی کا کلام ہے :

مکتب عشق کا دستور نرالا دیکھا
اس کو چھٹی نہ ملی جس کو سبق یاد ہوا
(میر طاہر علی رضوی)

تب تو میں نے صحیح لکھا تھا

 

[شمشاد]

نہ پاک ہوگا کبھی حسن و عشق کا جھگڑا
وہ قصہ ہے یہ کہ جس کا کوئی گواہ نہیں
(حیدر علی آتش)

 

[شمشاد]

کیا کہوں اس سے کہ جو بات سمجھتا ہی نہیں
وہ تو ملنے کو ملاقات سمجھتا ہی نہیں
(فاطمہ حسن)

 

[شمشاد]

ارادے باندھتا ہوں سوچتا ہوں توڑ دیتا ہوں
کہیں ایسا نہ ہو جائے کہیں ایسا نہ ہو جائے
(حفیظ جالندھری)

 

[شمشاد]

ہزار رخ ترے ملنے کے ہیں نہ ملنے میں
کسے فراق کہوں اور کسے وصال کہوں
(روش صدیقی)

 

[شمشاد]

جن سے انساں کو پہنچتی ہے ہمیشہ تکلیف
ان کا دعویٰ ہے کہ وہ اصل خدا والے ہیں
(عبد الحمید عدم)

 

[شمشاد]

تب تو میں نے صحیح لکھا تھا

جی بالکل آپ نے صحیح شعر لکھا تھا۔

سرگوشی

بس شاعر کا نام نہیں لکھا تھا۔

 

[عطاء اللہ جیلانی]

جی بالکل آپ نے صحیح شعر لکھا تھا۔

سرگوشی

بس شاعر کا نام نہیں لکھا تھا۔

ہر دلعزیز شخصیت جناب محترم شمشاد صاحب
ڈیلی پاکستان ویب سائٹ پر ناصر چوہدری نے اس شعر کی تصحیح ان الفاظ کے ساتھ کی ہے
ممتاز کالم نویس پروفیسر ڈاکٹر اجمل نیازی نے اپنے کالم ”بے نیازیاں“ میں ذیلی عنوان ”بڑے شہروں سے دور ایک تعلیمی جنت“ میں کسی کالج یا مکتب کا ذکر کرتے ہوئے ایک مشہور زمانہ شعر مکتب کے حوالے سے بغیر شاعر کے نام کے اس طرح رقم کیا ہے:
|
مکتب عشق کا دستور نرالا دیکھا

اُس کو چُٹھی نہ ملی جس نے سبق یاد کیا

پہلے بھی کئی بار اپنے کالموں میں تصحیح کر چُ کا ہوں کہ عموماً مومن سے منسوب کیا جانے والا سید طاہر علی رضوی کا یہ شعر ہرگز مذکورہ بالا شکل میں درست نہیں ہے، بلکہ صحیح یوں ہے:

مکتبِ عشق کا دستور نرالا دیکھا

اس کو چُھٹی نہ ملے جس کو سبق یاد رہے

 

[شمشاد]

ریختہ کی ویب سائیٹ نیز ورچوئل یونیورسٹی آف پاکستان کی سائیٹس پر دوسرا مصرعہ "اس کو چھٹی نہ ملی جس کو سبق یاد ہوا" درج ہے۔

 

[مومن فرحین]

ناصحا تجھ کو خبر کیا کہ محبت کیا ہے
روز آجاتا ہے سمجھاتا ہے یوں ہے یوں ہے

فراز

 

[شمشاد]

ہے مرے پہلو میں اور مجھ کو نظر آتا نہیں
اس پری کا سحر یارو کچھ کہا جاتا نہیں
(ولی اللہ محب)

 

[مومن فرحین]

یونہی تو نہیں امڈی چلی آتی ہیں غزلیں
پہلو میں مرے زمزمہ خواں ہیں تیری آنکھیں

 

[شمشاد]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
(افتخار عارف)

 

[شمشاد]

تھی تتلیوں کے تعاقب میں زندگی میری
وہ شہر کیا ہوا جس کی تھی ہر گلی میری
(اختر ہوشیارپوری)

 

[شمشاد]

اپنی انا کی آج بھی تسکین ہم نے کی
جی بھر کے اس کے حسن کی توہین ہم نے کی
(اقبال ساجد)