میرے پسندیدہ اشعار

[شمشاد]

خود کو بکھرتے دیکھتے ہیں کچھ کر نہیں پاتے ہیں
پھر بھی لوگ خداؤں جیسی باتیں کرتے ہیں
(افتخار عارف)

 

[شمشاد]

حد ہے اپنی طرف نہیں میں بھی
اور ان کی طرف خدائی ہے
(جوشؔ ملیح آبادی)

 

[شمشاد]

جو دل نشیں ہو کسی کے تو اس کا کیا کہنا
جگہ نصیب سے ملتی ہے دل کے گوشوں میں
(مبارک عظیم آبادی)

 

[شمشاد]

جب آ جاتی ہے دنیا گھوم پھر کر اپنے مرکز پر
تو واپس لوٹ کر گزرے زمانے کیوں نہیں آتے
(عبرت مچھلی شہری)

 

[شمشاد]

زاہد سناؤں وصف جو اپنی شراب کے
پڑھنے لگیں درود فرشتے ثواب کے
(امداد علی بحر)

 

[ڈاکٹر عظیم سہارنپوری]

حد ہے اپنی طرف نہیں میں بھی
اور ان کی طرف خدائی ہے
(جوشؔ ملیح آبادی)

جو خود ہی اپنی طرف نہیں ہے
تو کون پھر اس کی سمت ہوگا

 

[شمشاد]

کس پہ دل آیا کہاں آیا بتا اے ناصح
تو مری طرح پریشان کہاں جاتا ہے
(مبارک عظیم آبادی)

 

[محمل ابراہیم]

اُن سے کہنا مری خطا کیا ہے؟
سچ ہی بولا تھا پھر برا کیا ہے؟

مخلصی میں بھی اب ملاوٹ ہے
سب ہے کھوٹا تو پِھر کھرا کیا ہے؟

ایک ہی دل تھا مر مٹا تُم پر
میرے پہلو میں اب رکھا کیا ہے؟

سحؔر

 

[ڈاکٹر عظیم سہارنپوری]

آندھیاں بھی بجھا نہیں سکتیں
مرے چراغ کو ، یہ ہوا کیا ہے

عظیم

 

[ظفری]

جن کی خاطر ہم نے تما م سرحدیں توڑیں
آج انہی نے کہاہے کہ، اپنی حد میں رہو

 

[ڈاکٹر عظیم سہارنپوری]

محترم جناب ظفری صاحب کے پسندیدہ شعر کو پڑھ کر یہ شعر ہو گیا


پاک والوں کے بھی دل میں ہوں میں ہندی ہو کر
اپنی حد میں بھی ہوں میں آپ کی سرحد میں بھی

 

[محمل ابراہیم]

آندھیاں بھی بجھا نہیں سکتیں
مرے چراغ کو ، یہ ہوا کیا ہے

عظیم

بجھ چکی ہیں تمام قندیلیں
پھر یہ آنکھوں میں جل رہا کیا ہے؟

 

[عطاء اللہ جیلانی]

کوئی تمھارا سفر پر گیا تو پوچھیں گے
کہ ریل گزرے تو ہم ہاتھ کیوں ہلاتے ہیں

تہذیب حافی

 

[ڈاکٹر عظیم سہارنپوری]

اب بھلا کیا ہے اور برا کیا ہے
عشق ہے گر تو سوچتا کیا ہے

اس کی آنکھوں کی کالی کاجل میں
نور اتنا ہے کہ دیا کیا ہے

ہم سنورتے ہیں دیکھ کر اس کو
اپنی نظروں میں آئینہ کیا ہے

دل ہمارا تم ہی نے ہے توڑا
تم ہی بتلاؤ اب سزا کیا ہے

ہم تو دل کب کا دے چکے تم کو
تم بتاؤ کہ فیصلہ کیا ہے

اپنے ھاتھوں سے تم پلاؤتو
زہر پی لینگے ہم دوا کیا ہے

جب ڈبائے خدا ہی خود کشتی
بادباں کیا ہے نا خدا کیا ہے

عظیم سہارن پوری

پوری غزل ابھی ابھی کہی ہے

 

[ظفری]

اس کی آنکھوں کی کالی کاجل میں
نور اتنا ہے کہ دیا کیا ہے

زبردست۔۔کیا بات ہے جناب ۔

 

[ڈاکٹر عظیم سہارنپوری]

اس کی آنکھوں کی کالی کاجل میں
نور اتنا ہے کہ دیا کیا ہے

زبردست۔۔کیا بات ہے جناب ۔

بہت ممنون ہوں آپ کا اس حوصلہ افزائی کا بہت بہت شکریہ
اللہ تعالیٰ آپ کو اپنی رضا عطا فرمائے

 

[ڈاکٹر عظیم سہارنپوری]

بجھ چکی ہیں تمام قندیلیں
پھر یہ آنکھوں میں جل رہا کیا ہے؟

اس کی آنکھوں کی کالی کاجل میں
نور اتنا ہے کہ دیا کیا ہے

 

[ظفری]

بہت ممنون ہوں آپ کا اس حوصلہ افزائی کا بہت بہت شکریہ
اللہ تعالیٰ آپ کو اپنی رضا عطا فرمائے

ڈاکٹر صاحب آپ یقینا سہارنپور سے ہیں ۔ کیا آپ ریحان سہارنپوری کو جانتے ہیں ۔ ؟

 

[ڈاکٹر عظیم سہارنپوری]

ڈاکٹر صاحب آپ یقینا سہارنپور سے ہیں ۔ کیا آپ ریحان سہارنپوری کو جانتے ہیں ۔ ؟

ظفری صاحب میں واقف نہیں ہوں
میں شہر سہارنپور سے ہوں ہو سکتا ہے وہ کہیں آس پاس قصبوں میں سے کہیں کے رہنے والے ہوں یا ان کا کچھ اور نام یہاں مشہور ہو
مجھے بھی لوگ سہارنپور میں ڈاکٹر فیصل نواب کے نام سے جانتے ہیں اور شہر سے باہر عظیم سہارنپوری کے نام سے

 

[عطاء اللہ جیلانی]

ہر چیز دستیاب ہے بازار میں عدم
جھوٹی خوشی خرید کے لا دیجئے مجھے

عبد الحمید عدم