ناعمہ کا چائے خانہ

[شمشاد]

اس میں یہی تو مزہ ہے کہ پیدا ہونے سے پہلے ہی اس کو کھا جاتے ہیں۔

 

[mfdarvesh]

نوید ٹی سٹال پہ ایسی بحث کرکے گاہگوں کے دل خراب نہ کیے جائیں

 

[شمشاد]

وہ کیسے جی؟ انڈے تو کچھوے کے بھی حلال ہیں اور بطخ کے بھی، مرغی کے ہیں ہی۔

 

[ساجد]

ماشاء اللہ ، ہم تو یہاں چائے پینے آئے تھے لیکن باتیں اتنی دلچسپ ہو رہی ہیں کہ چائے پینے میں بھی اتنا مزہ نہ آتا۔

 

[mfdarvesh]

ہائیں، کچھوے کے انڈے حلال ہیں، شمشاد بھائی، کبھی کھا کے دیکھے ہیں ؟

 

[شمشاد]

کھائے تو کبھی نہیں۔ ہو سکتا ہے کراچی والوں نے کھائے ہوں۔ یہاں تو کچھوا ہی نہیں تو اس کے انڈے کہاں سے آئیں گے۔

ساجد بھائی آپ بھی اپنی رائے دیں۔

 

[ساجد]

سنا ہے کہ کراچی میں مرغی کے انڈوں کے نام پہ کچھوے کے انڈے بیچے جاتے ہیں۔ ویسے یہ کام تو مرغیوں کا ہے کہ اس "انیائے" پر احتجاج کریں۔

 

[شمشاد]

احتجاج ساجد بھائی پورا ملک سراپا احتجاج بنا ہوا ہے اور کسی کے کان پر جُوں تک نہیں رینگتی، مرغیاں بیچاری کیا کر لیں گی۔

 

[ساجد]

آج کل کی جوئیں رینگتی نہیں ہیں کیوں کہ ان کے پر نکل آئے ہیں۔ مُرغیاں بمعہ ازواج سڑکوں پہ آئیں اور اپنے "انہوں" سے اتنی بانگیں دلوائیں کہ ان کی ککڑوں کوں ہو جائے پھر دیکھنا احتجاج کتنا مؤثر ہو گا۔ سب سے پہلے میں کوشش کرتا ہوں کہ کچھ "کُکڑیوں" کو اس پہ قائل کر سکوں۔

 

[ناعمہ عزیز]

میرا تو لسی پینے کا جی کر رہا ہے

 

[شمشاد]

ساجد بھائی جماعت اسلامی اور جمیعت علمائے اسلام کی عیش ہو جائے گی جو مرغے وافر مقدار میں سڑکوں پر نکل آئے۔

 

[ساجد]

جماعت اسلامی تو شاید نہیں البتہ مذکور ثانی اس کو "آئین کے تناظر میں" اپنے پیٹ میں قید کرے گا۔
ویسے کیا خیال ہے محفل کے چائے خانہ میں ایک گوشہ مرغ مسلم کے پکوان کے لئیے مخصوص نہ کر دیں؟۔

 

[شمشاد]

اللہ دا واسطہ

ساجد بھائی یہ مرغ مسلم ‘کچن کارنر‘ میں ہی رہنے دیں تو اچھا ہے، ورنہ یہاں مرغے کھا کھا کر اسلام پر بحث شروع ہو جائے گی۔

 

[ساجد]

تو ٹھیک ہے نا جی ، پیٹ بھرے ہوں تو اس قسم کی باتیں ہی نکلتی ہیں منہ سے۔ اگر ہم چین اور کوریا کی طرح مفلوک الحال ماضی کے مالک ہوتے تو آج بندے کے پتر نہ بن گئے ہوتے۔

 

[شمشاد]

رزق دینا تو اللہ نے ہی ہے لیکن بندہ حیلہ تو کرتا ہی ہے لیکن بقول مشتاق احمد یوسفی ‘مرغ اور مُلا کے رزق کی فکر تو اللہ کو بھی نہین‘۔

اب بتائیں انہیں کیا ضرورت ہے کچھ حیلہ کرنے کی، ان کے پیٹ تو بھرے ہی ہوں گے۔

 

[شمشاد]

چائے خانے میں آج کی گرما گرم خبر کہ شاہد آفریدی نے بین الاقوامی کرکٹ سے استغفٰی دے دیا ہے۔

 

[ساجد]

کیا انہوں نے استعفٰی بھی نقطہ لگا کر دیا ہے؟۔

 

[شمشاد]

کپتانی سے ہٹا دیا ہے تو استغفٰی دے دیا ہے۔ کپتانی کر چکے ہیں تو اب عام کھلاڑی کے حثیت سے نہیں کھیلنا۔ پاکستان کے لیے تو ویسے بھی نہیں کھیلتے۔

 

[ساجد]

"استغفٰی" تصحیح کا شکریہ ہم تو ہمیشہ استعفٰی ہی لکھتے اور پڑھتے رہے۔

 

[شمشاد]

ساجد بھائی آپ درست ہیں۔

اصل لفظ یوں ہے :

اِستِعفا (اِس۔تِع۔فا)
عربی لفظ ہے
اسم ہے
مذکر ہے
مطلب ہے
1) معافی مانگنا
2) نوکری کرنے سے معافی مانگنا