"و" کے ذریعے تشکیل پانے والے مرکبات

[فرخ منظور]

فاصلہ چھوڑیں گے تو پھر ہی رسم و رواج کے مطابق اردو تحریر ہوگی -

 

[شمشاد]

"جو کم بخت عورت خدا کی عزت و حرمت نہ رکھے، وہ دنیا کی ہر طرح کی بے عزتی اور بے حرمتی کی سزاوار ہے۔"
(اقتباس از توبۃ النصوح)

 

[گرو جی]

زندگی و موت

 

[شمشاد]

"اگر تم نے اس کو تھپڑ نہ مارا ہوتا تو میں تم سے پوچھتا کہ تم کیسی دین دار تھیں کہ ایک شخص نے جس کے دفع کرنے پر تم کو قدرت حاصل تھی، تمہارے منہ پر خدا کی شان میں بے ادبی کی اور استخفاف و استہزاء کے ساتھ اس کا نام لیا اور مطلق تم کو برا نہ لگا۔"
(اقتباس از توبۃ النصوح)

 

[ابو کاشان]

رنج و خور
اس لفظ کا استعمال نہیں آتا۔ مدد کریں۔ ثانی الذکر لفظ " خور " کا مطلب بھی بتا دیں۔

 

[گرو جی]

خور کا لغوی معنی تو مجہے بہی نہیں آتا مگر استعمال اسی زمرے میں ہوتا ہے

 

[ابن سعید]

تیرے ہی ہاتھوں میں ہے گردش مہ و خورشید کی
تیرے ہی فرماں کے تابع ہیں سدا لیل و نہار

 

[الف نظامی]

بتان رنگ و بو کو چھوڑ کر ملت میں گم ہو جا
نہ تورانی رہے باقی ، نہ ایرانی نہ افغانی

 

[گرو جی]

خیر خیر و شر کا یہ معرکہ بہت پرانا ہے

 

[شمشاد]

حجاب حسن میں یہ بے حجابی کس طرح آئی
چمن کے رنگ و بو میں یہ خرابی کس طرح آئی
(منیر نیازی)

 

[الف عین]

شمشیر و سناں اول طاؤس و رباب آخر

 

[گرو جی]

واہ جناب کیا شعر ہے شاعرِمشرق کا

 

[شمشاد]

یہ مغل توپ و تفنگ سے کم بات ہی نہیں کرتے۔

 

[سیدہ شگفتہ]

یہ سلسلہ جاری رکھنا ہے ، خواب و خیال میں بھی اور حقیقت میں بھی

 

[شمشاد]

دل و جان سے کوشش کریں گے کہ یہ سلسلہ جاری و ساری رہے۔

 

[ابن سعید]

کاروبار شب و روز میں انسان عہد و پیمان بھول جاتا ہے

 

[شمشاد]

جیہ کی یہ کاوش قابل ستائش ہے کہ اس نے دیوانِ غالب تصحیح شدہ و اضافہ شدہ نسخہ اردو محفل میں رکھ دیا ہے۔

 

[الف عین]

ساحر کہتے ہیں
ہر ایک فتح و ظفر کے دامن پہ خونِ انساں کا رنگ کیوں ہے
جہاں میں جشنِ وفا کے بدلے، یہ جشنِ تیر و تفنگ کیوں ہے

یہ وہ نظم ہے
خدائے برتر تری زمیں پر زمیں کی خاطر یہ جنگ کیوں ہے۔ آواز لتا، فلم۔ سکندرِ اعظم (؟؟؟؟؟؟

 

[شمشاد]

دیوان غالب کی :

ترتیب و تحقیق: اعجاز عبید، جویریہ ریاض مسعود
تصحیح و اضافہ: جویریہ ریاض مسعود ، اعجاز عبید

 

[ابن سعید]

صوم و صلوٰت کو اردو میں روزہ و نماز کہتے ہیں۔ کیوں؟ پتا نہیں!