پانی

[نوید صادق]

یہاں وہ اشعار درج کئے جائیں جن میں لفظ " پانی" آتا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خورشید رضوی کے ایک شعر سے ابتداء کرتے ہیں

میں تجھے دوں تری پانی کی لکھی تحریریں
تو وہ خونناب نوشتے مجھے واپس کر دے

شاعر: خورشید رضوی

 

[محمد وارث]

یوں عرض و طلب سے کب اے دل، پتھر دل پانی ہوتے ہیں
تم لاکھ رضا کی خو ڈالو، کب خوئے ستمگر جاتی ہے

(فیض)

 

[فاتح]

پانی سے سگ گزیدہ ڈرے جس طرح اسد
ڈرتا ہوں آدمی سے کہ مردم گزیدہ ہوں​

(غالب)

 

[عیشل]

دل کو اشکوں کی روانی سے نکالا جائے
ڈوبتے شخص کو پانی سے نکالا جائے
دو ہی کردار کہانی میں ہیں دونوں متضاد
کیوں نہ دونوں کو کہانی سے نکالا جائے

 

[نوید صادق]

پانی پر تصویر اتارا کرتے تھے
ہم تالاب میں پتھر مارا کرتے تھے

شاعر: رام ریاض

 

[شمشاد]

پانی پانی کر گئی مجھ کو قلندر کی یہ بات
تو جھکا جب غیر کے آگے نہ تن تیرا نہ من
(علامہ)

 

[نوید صادق]

ضعف سے گریہ مبدّل بہ دمِ سرد ہوا
باور آیا ہمیں پانی کا ہوا ہو جانا

شاعر: غالب

 

[شمشاد]

پانی ہی پانی تھا زمیں سے آسماں تلک
آنکھیں تھیں میری یا تھی روانی چناب کی؟
(ناہید ورک)

 

[تیشہ]

بے نشاں ہی رہنا تھا جب میری محبت کو
عکس کیوں تھا پانی پر آئینہ میں چہرہ کیوں
دستکوں پہ کیوں پلٹوں آہٹوں پہ کیوں چونکوں
وہ اگر نہیں ملتا کوئی اسکے جیسا کیوں ۔ ؟

 

[شمشاد]

تیرا احساس پانیوں میں رہے
بارشوں کی روانیوں میں رہے
(ناہید ورک)

 

[فرخ منظور]

چاند میں ڈھال کر تیری صورت
گہرے پانی میں عکس دیکھتے ہیں
اور ہلا کر ذرا سا لہروں کو
رات بھر تیرا رقص دیکھتے ہیں

 

[شمشاد]

وقت کے ٹھہرے ہوئے پانی میں پتھر یاد کا
دائ۔۔رہ در دائ۔۔رہ کاٹ۔ے گا کائ۔۔ی دیکھئے
(ناہید ورک)

 

[نوید صادق]

شہرِ جاں میں سناٹا، ہر نفس زوال آثار
کتنی دیر ٹھہرے گی مشتِ خاک پانی پر

شاعر: نوید صادق

 

[شمشاد]

اگ۔ری۔۔وں ہی رہا رنگِ جنونِ ش۔۔وق اے س۔۔رور
تو اک دن آگ اس الفت کو پانی میں لگانی ہے
(سرور)

 

[فرخ منظور]

تمہارا پیار میرے چار سو ابھی تک ہے
کوئی حصار میرے چار سو ابھی تک ہے

میں اب بھی گرتے ہوئے پانیوں کی قید میں ہوں
اک آبشار میرے چار سو ابھی تک ہے

(فرحت عباس شاہ)

 

[شمشاد]

کبھی ہم نیل کے پانی میں اس انداز سے ڈولیں
کہ اپنی داستاں لکھ دیں اسی دجلہ کے دھاروں میں
(نیناں)

 

[نوید صادق]

خاک تھی موج زن جہاں میں اور
ہم کو دھوکا یہ تھا کہ پانی ہے

شاعر:میر تقی میر

 

[شمشاد]

پانی سے سگ گزیدہ ڈرے جس طرح اسد
ڈرتا ہوں آئینے سے کہ مردم گزیدہ ہوں
(چچا)

 

[عیشل]

عکس پانی میں اگر قید کیا جا سکتا
عین ممکن تھا میں اس شخص کو اپنا سکتا
کتنی بے سود جدائی ہے نہ دکھ ہے نہ ملال
کوئی دھوکا ہی وہ دیتا کہ میں پچھتا سکتا​

 

[شمشاد]

نہیں معلوم ، کس کس کا لہو پانی ہوا ہوگا
قیامت ہے سرشک آلودہ ہونا تیری مژگاں کا
(چچا)