پانی

[عیشل]

اب ان آنکھوں میں کوئی کہانی نہیں
کیسے دریا ہوئے جن میں پانی نہیں
ریزہ ریزہ بکھرنا مقدر ہوا
ہار کر بھی کبھی ہار مانی نہیں​

 

[شمشاد]

پانی پر تصویر اتارا کرتے تھے
ہم تالاب میں پتھر مارا کرتے تھے
(رام ریاض)

 

[نوید صادق]

تہہ کشائی کا محب کس کو دماغ
کر کے تہہ اپنے کنائے رکھئے
اب یہی فن ہے کہ پایابی کو
گدلے پانی سے چھپائے رکھئے

شاعر: محب عارفی

 

[شمشاد]

شست و شو کا اُس کے پانی جمع ہو کر مہ بنا
اور منھ دھونے کے چھینٹوں سے ستارے دیکھیے

 

[نوید صادق]

راستہ، دوسرا نکالا ہے
اب تو پانی پہ چل رہا ہوں میں

شاعر: منظور ہاشمی

 

[شمشاد]

وقت کے ٹھہرے ہوئے پانی میں پتھر یاد کا
دائرہ در دائرہ کاٹے گا کائی دیکھئے
(ناہید ورک)

 

[ظفری]

گرمی اس کے ہاتھوں کی
چشمہ ٹھنڈے پانی کا

 

[شعیب خالق]

ہے ماہئی بے آب کو پانی کی ضرورت
مچھلی کو کبھی دشت میں پلتے نہیں دیکھا
جمیل عظیم آبادی

 

[شمشاد]

یوں بعدِ ضبطِ اشک پھروں گرد یار کے
پانی پیے کسو پہ کوئی جیسے وار کے
(چچا)

 

[نوید صادق]

پانی پانی ہوئے مرقد پہ مرے آ کے وہ جب
شمع کو نعش پہ پروانے کی، گریاں دیکھا

شاعر: شیفتہ

 

[شمشاد]

میں نےرو رو کےکیا اپنےلہو کو پانی
آگ میں اپنی ہی جلتےرہےنشتر تم بھی
(جاوید ندیم)

 

[راجہ صاحب]

مجھ کو وہ دو کہ جسے کھا کے نہ پانی مانگوں
زہ۔۔ر کچھ اور س۔۔ہی، آبِ بق۔۔۔ا اور س۔۔۔۔۔۔ہی

 

[شمشاد]

وہ عکس بن کے مری چشمِ تر میں رہتا ہے
عجیب شخص ہے پانی کے گھر میں رہتا ہے
(بسمل صابری)

 

[ہما]

اک آنسو نے ڈبویا مجھ کو اُن کے بزم میں
بوند بھر پانی سے ساری آبرو پانی ہوئی ​

 

[راجہ صاحب]

کل بھی بوندیں برسی تھیں
کل بھی بادل چھائے تھے
۔۔۔اور کوی نے سوچا تھا

بادل یہ آکاش کے سپنے ان زلفوں کے سائے ہیں
دوش ہوا پر میخانے ہی میخانے گھر آئے ہیں
رت بدلے گی پھول کھلیں گے جھونکے مدھ برسائیں گے
اُجلے اُجلے کھیتوں میں رنگین آنچل لہرائیں گے
چرواہے بنسی کی دھن سے گیت فضا میں بوئیں گے
آموں کے جھنڈوں کے نیچے پردیسی دل کھوئیں گے
پینگ بڑھاتی گوری کے ماتھے سے کوندے لپکیں گے
جوہڑ کے ٹھہرے پانی میں تارے آنکھیں جھپکیں گے
الجھی الجھی راہوں میں وہ آنچل تھامے آئیں گے
دھرتی، پھول ، آکاش ، ستارے سپنا سا بن جائیں گے

کل بھی بوندیں برسی تھیں
کل بھی بادل چھائے تھے
اور کوی نے سوچا تھا

 

[نوید صادق]

شفیق اس بار تو آنکھیں بھی صحرا ہو گئی ہیں
کہیں پانی نہیں ہے اب کے وہ سوکھا پڑا ہے

شاعر: شفیق سلیمی

 

[راجہ صاحب]

یہ سچ ہے پانی بجھاتا ہے آگ کو
اشکوں سے دل میں‌آگ لگاتا رہا ہوں میں‌

 

[نوید صادق]

یہ پانی خامشی سے بہہ رہا ہے
اسے دیکھیں کہ اس میں ڈوب جائیں

شاعر: احمد مشتاق

 

[راجہ صاحب]

پانی وضو کو لاؤ، رخِ شمع زرد ہے
مینا اٹھاؤ ، وقت اب آیا نماز کا

 

[محمداحمد]

تارے جو کبھی اشک فشانی سے نکلتے
ہم چاند اُٹھائے ہوئے پانی سے نکلتے

سلیم کوثر