پسند کے لفظ پر شاعری

[معاویہ وقاص]

صدق و صفا نے مجھ کو کیا ہے بہت خراب
مُکر و ریا ضرور سکھا دیجئے مجھے

عبدالحمید عدم

 

[شمشاد]

وہ نظر کامیاب ہو کے رہی​

دل کی بستی خراب ہو کے رہی
(فانی بدایونی)

 

[معاویہ وقاص]

ایسے پڑھتی ہے وہ نظر دل پر
جیسے پتھر میں جان پڑھتی ہے

عبدالحمید عدم​

 

[عمر سیف]

دعاؤں میں میری یوں تو بہت تاسیر ہے لیکن
خدا سے اور کیا مانگوں سوالِ یار سے پہلے ۔۔۔

 

[عمر سیف]

جو دل کا زہر تھا، کاغذ پہ سب بکھیر دیا
پھر اپنے آپ طبیعت میری سنبھلنے لگی

 

[شمشاد]

کچھ يہ کہ مدتوں سے ہم بھی نہيں تھے روئے
کچھ زہر میں بُجھا تھا احباب کا دلاسہ
(احمد فراز)

 

[احمد علی]

اُس پیالے میں زہر تھا ہی نہیں
ورنہ سقراط مر گیا ہوتا

 

[شمشاد]

کیوں گردشِ مدام سے گبھرا نہ جائے دل
انسان ہوں پیالہ و ساغر نہیں ہُوں میں
(چچا)

 

[عمر سیف]

رام اب شہر میں رہنے کا ارادہ ہی نہیں
دل لگانے کے تو ہم سارے ہنر جانتے ہیں

 

[شمشاد]

مقطعِ سلسلۂ شوق نہیں ہے یہ شہر
عزمِ سیرِ نجف و طوفِ حرم ہے ہم کو
(چچا)

 

[عمر سیف]

آنکھ رونے کو ترستی ہے تو دل زخموں کو
کوئی آیا نہیں احسان جتانے کب سے

 

[شمشاد]

دل لے کے کہتے ہیں تری خاطر سے لے لیا​

اُلٹا مجھ ہی پہ رکھتے ہیں احسان لیجئے
(اکبر الہ آبادی)

 

[عمر سیف]

یہ ہے خلوصَ محبت کہ حادثاتِ جہاں
مجھے تو کیا میرے نقشِ قدم مٹا نہ سکے​

 

[معاویہ وقاص]

شاید مرے خلوص میں کچھ نقص تھا عٌدم
ان کو مرے خلوص سے کچھ بدظنی رہی

 

[شمشاد]

تو نے مرے خمیر میں کتنے تضاد رکھ دئیے​

موت مری حیات میں، نقص مرے کمال میں
(خورشید رضوی)

 

[معاویہ وقاص]

شاعر ہوں عدم! موت کی تقریب تو ہو کچھ
مے پی کے کسی شوخ کے زانو پہ مروں گا

 

[شمشاد]

اب کے کچھ ایسی سجی محفلِ یاراں جاناں​

سر بہ زانو ہے کوئی سر بگریباں جاناں
(فراز)

 

[سیدہ شگفتہ]

کامل ہے جو ازل سے وہ ہے کمال تیرا
باقی ہے جو ابد تک وہ ہے جلال تیرا

کلام: خواجہ الطاف حسین حالی

 

[شمشاد]

دکھ کا لمحہ ازل ابد لمحہ
وقت کے پار اتر گیا کب کا
(جون ایلیا)

 

[معاویہ وقاص]

ملے جس وقت تم مجھ کو یہ پوچھا میں نے یزداں سے​

ہمیں جنّت میں بھیجا ہے ؟ کہ جنّت سے نکالا ہے !!​

عبدالحمید عدم​