پسند کے لفظ پر شاعری

[راجہ صاحب]

شب فرقت کٹی یا عمر فانی
اجل کے ساتھ آمد ہے سحر کی

فانی بدایونی

 

[شمشاد]

اے نسیمِ سحری اُس سے یہ کہیو کہ ترا
رات سے اب تو بدلتا نہیں کروٹ عاشق

اک غزل اور نئے قافیہ میں کہہ انشا
جس کے سُنتے ہی وہ معشوق ہو جھٹ پٹ عاشق
(سید انشاٗ اللہ خان انشأ)

 

[محمد شعیب خٹک]

بے درد سننی ہو تو چل، کہتا ہے کیا اچھی غزل
عاشق تیرا، رسوا تیرا، شاعر تیرا، انشا تیرا
(انشاء جی)

 

[شمشاد]

مجھے دفن کرنا تُو جس گھڑی، تو یہ اس سے کہنا کہ اے پری
وہ جو تیرا عاشق زار تھا، تہہ خاک اسے دبا دیا
(بہادر شاہ ظفر)

 

[محمد شعیب خٹک]

مجھے دفن کرنا تُو جس گھڑی، تو یہ اس سے کہنا کہ اے پری
وہ جو تیرا عاشق زار تھا، تہہ خاک اسے دبا دیا
(بہادر شاہ ظفر)

واہ واہ ، بہت خوب

دفنانہ دیکھ بھال کر حسرت زدہ کی لاش کو
لپٹی ہوئی کفن سے کوئی آرزو نہ ہو

 

[شمشاد]

فریبِ آرزو کی سہل انگاری نہیں جاتی
ہم اپنے دل کی دھڑکن کو تری آوازِ پا سمجھے
(فیض احمد فیض)

 

[محمد شعیب خٹک]

ارادہ تھا تر کِ محبت کا لیکن, فر یب تبسم میں پھر آ گئے ہم
ابھی کھا کے ٹھو کر سنبھلنے نہ پائے, کہ پھر کھائی ٹھوکر سنبھلتے سنبھلتے

 

[شمشاد]

عشق کی یہ خود فریبی، الامان و الحفیظ!
جان کر ورنہ بھلا خود کون ٹھوکر کھائے ہے؟
(سرور عالم راز ‘سرور‘)

 

[محمد شعیب خٹک]

کیا سبزی والے کو اس نے اشارہ
اور ہم خوش فہم رک گئے چلتے چلتے
صدا اس کی سن کر نکل آئے گھر سے
کوئی آٹھ بھائی اچھلتے اچھلتے
سمجھ کر ہمیں کوئی فٹ بال گویا
یوں لاتوں پہ رکھا تھا سب بھائیوں نے
ابھی کھا کے ٹھوکر سنبھلنے نہ پائے
کہ پھر کھائی ٹھوکر سنبھلتے سنبھلتے

 

[شمشاد]

کسی آنکھ کو صدا دو کسی زلف کو پکارو
بڑی دھوپ پڑ رہی ہے کوئی سائباں نہیں ہے
(مصطفٰی زیدی)

 

[محمد شعیب خٹک]

اس زلف پہ پھبتی شب دیجور کی سوجھی
اندھے کو اندھیرے میں بڑی دور کی سوجھی

 

[شمشاد]

مرے نجوم پہ اب مستقل اندھیرا ہے
تری نگاہ میں کب چاند رات بنتی ہے
(رام ریاض)

 

[محمد شعیب خٹک]

وہ اور ہوں گے جنہیں موت آ گئ ہو گی
نگاہ یار سے پائی ہے زندگی میں نے

 

[شمشاد]

زندگی! میں تجھے مر مر کے جئے جاتا ہوں
کچھ تو انعام دے اس قافیہ پیمائی کا
(سرور عالم راز)

 

[محمد شعیب خٹک]

نہ یہ زندگی مری زندگی، نہ یہ داستاں مری داستاں
میں خیال و وہم سے دور ہوں، مجھے آج کوئی صدا نہ دے

 

[شمشاد]

یہ نفرتوں کی فصیلیں جہالتوں کے حصار
نہ رہ سکیں گے ہماری صدا کے رستے میں
(حبیب جالب)

 

[شمشاد]

یہ نفرتوں کی فصیلیں جہالتوں کے حصار
نہ رہ سکیں گے ہماری صدا کے رستے میں
(حبیب جالب)

 

[محمد شعیب خٹک]

میں کٹ مروں کہ سلامت رہوں، یقیں ہے مجھے
یہ حصار ستم کوئی تو گرائے گا
(فراز)

 

[شمشاد]

نئی طرزِ ستم وہ بھی اگر ایجاد رکھیں گے
تو ہم اب کے نئی لے نالہ و فریاد رکھیں گے
(نزہت عباسی)

 

[محمد شعیب خٹک]

نالے بلبل کے سنوں اور ہمہ تن گوش رہوں
ہم نوا ميں بھی کوئی گل ہوں کہ خاموش رہوں