محمد یعقوب آسی
محفلین
133۔ اِٹ کُتے دا وَیر
اردو میں بھی معروف ہے: اینٹ کتے کا بَیر
134۔ نالے دیوی دے درشن، نالے ونجھاں دا وِپار
یہ کہاوت بریلی کے حوالے سے بنی ہے۔ آج کا تو علم نہیں، کسی زمانے میں بریلی میں بانس کا کاروبار بہت تھا، کسی دیوی کا مندر بھی رہا ہوگا۔ ایک دور دراز مقام سے بریلی جانے کے حوالے سے کسی نے بات کی کہ "دیوی کے درشن بھی اور بانسوں کا کاروبار بھی" یعنی ایک پنتھ دو کاج"۔ اس سے ملتی جلتی کہاوت اردو میں ہے: "آم کے آم گٹھلیوں کے دام"۔
135۔ چوپڑیاں، تے دو دو
بات روٹی کی ہے۔ کہ چُپڑی ہوئی بھی ہوں اور کم از کم دو ہوں۔ کسی قیمتی چیز کی بہتات کی خواہش کا اظہار ہے۔
136۔ ڈھڈوں بھکھی، میلا دَکھ نہ دے
ڈھڈ : پیٹ ۔ بھکھی: بھوکی۔ دَکھ نہ دے: لطف نہ دے۔ ایک بی بی اپنے میاں کے ساتھ میلہ دیکھنے گئی، میاں صاحب کو میلے کی رونق میں احساس ہی نہیں ہوا کہ بی بی کی بھوک چمک اٹھی ہے۔ وہ کہتے، یہ چیز دیکھو، وہ چیز دیکھو، اور روٹی کا کوئی ذکر بھی نہیں۔ بی بی نے تنگ آ کر یہ بات کہی۔
ضرور جناب! جاؤ وی، تے بولو وی! 
