کتابچۂ لطائف و مزاحیہ تحاریر (بلا تبصرہ - احباب صرف اپنا تاثر دیں۔ شکریہ)

[شعیب گناترا]

دو گھنٹے کی بحث، اللہ میاں کی قسمیں، فون کی تلاشی، اور انتہائی عقلی دلائل کے بعد بھی جسے آپ مطمئن نہیں کر سکتے اسے بیوی کہتے ہیں۔

 

[شعیب گناترا]

ابنِ انشاء کہتے ہیں کہ میری بیوی اور مجھ میں بڑا اتفاق ہے کہ، نیند کی گولیاں وہ کھاتی ہے اور سکون مجھے ملتا ہے۔

 

[شعیب گناترا]

ہر کامیاب مرد کے پیچھے عورت کا ہاتھ ہوتا ہے، اگر مزید کامیابیاں چاہئیں تو تعداد بڑھا دیں۔

 

[شعیب گناترا]

دماغ جسم کا اہم حصہ ہوتا ہے اور یہ اس وقت تک کار آمد رہتا ہے جب تک کہ شادی نہیں ہو جاتی۔

 

[شعیب گناترا]

آج ہم نے بریانی کھائی اور تصویر لینا بھول گئے، آپ لوگوں سے التماس ہے کہ یقین کر لیں۔

 

[شعیب گناترا]

ہم ایک عظیم صدی میں رہ رہے ہیں جس میں ’ہسٹری میک‘ سے زیادہ ’ہسٹری ڈیلیٹ‘ کرنا ضروری ہوتا ہے۔

 

[شعیب گناترا]

میں نے جب بھی گھر میں فیملی میٹنگ بلانی ہوتی ہے، بس وائی فائی اوف کر دیتا ہوں۔

 

[شعیب گناترا]

ایسے لوگوں کی صحبت کبھی خوشی کا باعث نہیں بن سکتی جن کے سامنے آپ بسکٹ چائے میں ڈبو کر نہ کھا سکیں۔

 

[شعیب گناترا]

وہ اسٹودنٹ بھی کسی دہشت گرد سے کم نہیں جو کلاس میں یاد کرواتے ہیں؛ ”سر آج آپ نے ٹیسٹ کا بولا تھا۔۔۔“

 

[شعیب گناترا]

اچھے خاصے بندے کی بھوک اس وقت مر جاتی ہے جب بیوی کھانا سامنے رکھتے ہوئے کہتی ہے؛ ”کھانا کھالیں، پھر ایک ضروری بات کرنی ہے۔۔۔“

 

[شعیب گناترا]

آج کل جس عمر میں لونڈوں کے دل کی گھنٹیاں بج رہی ہیں ہم اس عمر میں محلے والوں کے گھر کی گھنٹیاں بجا کر بھاگا کرتے تھے۔

 

[شعیب گناترا]

شکر ہے تحریکِ آزادئِ پاکستان کے دور میں فیس بک نہ تھی، ورنہ ہم جیسوں نے تو باہر ہی نہیں نکلنا تھا، اسٹیٹس اپ ڈیٹ کرتے اور ساتھ لکھتے؛ ”اس میسج کو اتنا پھیلاؤ کہ انگریز برصغیر چھوڑ کر بھاگ جائے۔“

 

[شعیب گناترا]

بعض عاشقوں سے سگریٹ پینے کی وجہ پوچھیں تو آسمان کی طرف منہ کرکے لمبا سا کش لےکر بتاتے ہیں؛ ”ابا نہیں مندا“ (والد نہیں مان رہے)

 

[شعیب گناترا]

قائد اعظم نے فرمایا؛ کام، کام اور صرف کام لیکن بابا جی نے یہ نہیں بتایا کونسا کام، اگر بتا دیتے تو ”میں انی پا دینی سی“۔

 

[شعیب گناترا]

جب سے پنجابی فلمیں بننا کم ہوئی ہیں تب سے گندم کی پیداوار میں اضافہ ہوا ہے ورنہ آدھا کھیت تو ہیروئن ناچ ناچ کر تباہ کر دیتی تھی۔

 

[شعیب گناترا]

آج کل کی نسل فیس بک پر
لڑکی؛ tm ko EG ati h?
لڑکا؛ میری عنگلش اطنی خاس نہیں لیقن
عُردو کا قافی ماحر ہوں۔

 

[شعیب گناترا]

ایک بچّہ گم ہو گیا، کسی نے بچّے کی تصویر فیس بک پر لگا دی کہ جس کو بھی ملے اس پتے پر پہنچا دے، شام کو بچّہ خود ہی گھر آ گیا تاہم آج ایک سال ہو گیا، اس بچّے کی تصویر آج بھی فارورڈ ہو رہی ہے، بچّہ جہاں جاتا ہے، لوگ اسے پکڑ کر گھر چھوڑ آتے ہیں!

 

[شعیب گناترا]

ہمیں جب تک دھوکے اور کھوتے کا پتہ چلتا ہے، ہم اسے کھا چکے ہوتے ہیں۔

 

[شعیب گناترا]

ٹیچر نے بچّے سے پوچھا؛ ”آپ کے پاپا کیا کرتے ہیں؟“
بچے نے معصومیت سے جواب دیا؛ ”جو ماما کہتی ہیں۔“

 

[شعیب گناترا]

ہمارے معاشرے میں لوگوں کو پسند کی شادی کا موقع تب ملتا ہے جب وہ اپنے بچوں کی شادی کر رہے ہوتے ہیں۔