کتابچۂ لطائف و مزاحیہ تحاریر (بلا تبصرہ - احباب صرف اپنا تاثر دیں۔ شکریہ)

[شعیب گناترا]

بیوی کے پوچھنے پہ کہ ”سُنا ہے مریخ پہ کوئی زندگی نہیں“، شوہر کا جوا ب؛ ”میری تے زمین تے وی کوئی نئیں“۔

 

[شعیب گناترا]

آپ کے سینڈوچ سے کاکروچ کا برآمد ہونا کوئی مسئلہ نہیں لیکن آپ کے آدھے کهائے ہوئے سینڈوچ سے آدھا کاکروچ کا برآمد ہونا مسئلہ ہو سکتا ہے۔

 

[شعیب گناترا]

کنواروں کی نظر میں ہر مسئلے کا حل شادی ہےجبکہ شادی شدہ لوگوں کی نظر میں ہر مسئلے کی وجہ شادی ہے۔

 

[شعیب گناترا]

آدھی رات کو گلی میں شور سن کر شوہر کی آنکھ کھلی،
باہر نکل کر محلے والوں سے پوچھا کہ اتنا شور کیوں۔۔۔۔؟

انہوں نے کہا:
خبردار رہنا، محلے کے پانی میں زہر آگیا ہے۔۔۔۔

جب یہ سن کر شوہر واپس گھر آیا تو بیوی نے پوچھا:
سنیں، باہر کیا ہوا ہے۔۔۔۔؟

شوہر:
کچھ نہیں ہوا،
سب خیر ہے،
تم پانی پیو اور سوجاؤ۔۔۔۔

 

[شعیب گناترا]

دس میں سے نو ڈاکٹرز کولگیٹ اور سیف گارڈ ریکمنڈ کرتے ہیں۔ دسواں کیوں نہیں کرتا؟ کیونکہ وہ ایماندار ہے!

 

[شعیب گناترا]

دو بندوں سے ملنے کا بہت دل ہے، ایک وہ جو گلی پکی ہونے پر راتوں رات اس میں جمپ بناتا ہے اور دوسرا جو اس جمپ میں موٹر سائیکل کا راستہ۔

 

[شعیب گناترا]

جب دکاندار کہہ رہا ہوتا ہے کہ ”ہم آپ کو زیادہ نہیں لگائیں گے“ تو کچھ لوگ اسے ”ریٹ“ سمجهتے ہیں جبکہ اصل میں وہ ”چونا“ کہہ رہا ہوتا ہے۔

 

[شعیب گناترا]

لسّی واحد حلال مشروب ہے کہ جسے پینے والے ٹن ہوجاتے ہیں۔

 

[شعیب گناترا]

چائے کا احترام کیا کریں کہ یہ سب مشروبات کی مرشد ہے۔

 

[شعیب گناترا]

اگر آپ کسی کو بحث میں مطمئن نہیں کر سکتے تو انہیں کنفیوژ کردیں۔

 

[شمشاد]

یہ سارے صابن 99٫9 فیصد ہی جراثیم کا خاتمہ کیوں کرتے ہیں؟ یہ 0٫1 فیصد جو بچ جاتا ہے وہ کیا کوئی خاص ہوتا ہے؟

 

[شعیب گناترا]

لوگ صبح صبح اپنی جانو کے رات والے میسجز پڑھ رہے ہوتے ہیں اور میں بے نظیر انکم سپورٹ والے ڈیلیٹ کر رہا ہوتا ہوں۔

 

[شعیب گناترا]

جس خاتون نے یہ جملہ دریافت کیا ہے کہ سب مرد ایک جیسے ہوتے ہیں، لگتا ہے اس کا خاوند چین میں گم ہوگیا تھا۔

 

[شعیب گناترا]

کبھی بھی ”کھانا تیار ہے“ کی پہلی آواز پر نہ اٹھیں دراصل آپ کو برتن لگانے کے لیے بلایا جا رہا ہوتا ہے۔

 

[شعیب گناترا]

ایک آنٹی ہر شادی میں مجھےکہتی تھیں؛ ”اگلی باری تمہاری ہے“۔
کل جب میں نے ان سے یہی بات ایک فوتگی پر کہی تو غصہ کر گئیں۔

 

[شعیب گناترا]

بستر پر چھپکلی دیکھو تو کوئی مسئلہ نہیں ہوتا، اصل مسئلہ تب ہوتا ہے جب وہ اچانک کہیں غائب ہوجاتی ہے۔

 

[شعیب گناترا]

جو لوگ ٹک بسکٹ چائے میں ڈبو کر ثابت نکال لیتے ہیں وہ لوگ دنیا میں کچھ بھی کرسکتے ہیں۔

 

[شعیب گناترا]

عورت دنیا کی وہ واحد مخلوق ہے جو اپنا سر درد با آسانی دوسرے کے سر میں منتقل کر دیتی ہے۔

 

[شعیب گناترا]

جدید تحقیق سے یہ بات سامنے آئی ہے کہ اکثر خواتین کاپی پینسل لے کر ٹی وی پروگرام سے کھانے کی ترکیبیں نوٹ کرنے کے بعد بھی ٹنڈے پکا لیتی ہیں۔

 

[شعیب گناترا]

بیوی: میں نے سنا ہے کہ جنت میں مردوں کو حوریں ملیں گی تو عورتوں کو کیا ملے گا؟

شوہر: کچھ نہیں! یہ پیکج صرف مظلوم طبقے کیلئے ہے۔