کتابچۂ لطائف و مزاحیہ تحاریر (بلا تبصرہ - احباب صرف اپنا تاثر دیں۔ شکریہ)

[شعیب گناترا]

شوہر کو کبھی اتنی راحت نہ دو کہ وہ شادی کو اچھی چیز سمجھ کر ایک اور کا سوچے۔۔۔

(پہلی بیوی کی ڈائری سے اقتباس)

 

[شعیب گناترا]

عورتوں کی لمبی اور پر سکون زندگی کا ایک راز یہ بھی ہے کہ انکی کوئی بیوی نہیں ہوتی۔

 

[شعیب گناترا]

مردوں کی سب سے شریف قسم وہ ہے جنہوں نے فیس بُک پہ اپنی بیگم کو ایڈ کر رکھا ہے۔

 

[شعیب گناترا]

دنیا میں ایسی بیگمات بھی ہیں جو شوہر سے بات چیت بند کرکے یہ سمجھتی ہیں کہ اسے سزا دے رہی ہیں۔

 

[شعیب گناترا]

شادی کیا ہوتی ہے اس کو سمجھنے کے لیے ایک سائنسدان نے شادی کر لی، اب اس کو سمجھ نہیں آ رہا کہ سائنس کیا ہوتی ہے۔

 

[شعیب گناترا]

بیوی اور بے عزتی میں ایک قدر مشترک ہے وہ یہ کہ یہ دونوں بہت اچھی لگتی ہیں جب دوسروں کی ہو۔

 

[شعیب گناترا]

مشرقی روایات کی خوبصورتی دیکھیے کہ میاں بیوی کے حالات جتنے بھی تلخ ہوں مگر بچّے باقاعدگی سے پیدا ہوتے رہتے ہیں۔

 

[شعیب گناترا]

جتنی مرضی انگریزی سیکھ لو، خواب پھر بھی اردو میں ہی آنے ہیں۔

 

[شعیب گناترا]

شادی کے بعد پہلا سال فخر سے دوسرا صبر سے اور باقی کے جبر سے گزرتے ہیں۔

 

[شعیب گناترا]

گھی کے ڈبے سے کبھی کبھی کار نکل آتی ہے مگر خالص گھی کبھی نہیں نکلتا۔

 

[شعیب گناترا]

”اجی سنتے ہو“ سے لیکر ”بہرے ہو گئے ہو کیا“ تک کے روحانی سفر کو شادی کہا جاتا ہے.

 

[شعیب گناترا]

اتوار کے بعد آنے والا پیر واحد پیر ہے کہ جس کا کوئی مرید نہیں ہے۔

 

[شعیب گناترا]

مرد کو شادی کے پہلے دن ہی اندازہ لگا لینا چاہیے کہ بندہ 500 بندوں کی بارات لے کر جاتا ہے اور وہ شیرنی اُدھر سے اکیلی ہی چلی آتی ہے۔

 

[شعیب گناترا]

پہلی شادی کے لیے والدین، دوسری کے لیے بیوی اور تیسری کے لیے حکیم صاحب سے اجازت لینا ضروری ہے۔

 

[شعیب گناترا]

’’صنفِ نازک‘‘ نکاح نامے پر دستخط ہوتے ہی ’’صنف ناجھک‘‘ بن جاتی ہے۔۔ یعنی شوہر کے آگے کبھی نہ جُھک۔

 

[شعیب گناترا]

بادام بِھگو کے رکھے تھے یاداشت بڑھانے کے لئے اب یاد نہیں آرہا رکھے کہاں تھے؟

 

[شعیب گناترا]

محبت ہمیشہ سُست انسان سے کرنی چاہیے تاکہ آپ کو چھوڑ جانے کا سوچ کے ہی تھک جائے۔

 

[شعیب گناترا]

جب آپ کسی سے بحث میں نہ جیت سکیں تو اسے بلاک کر دیں۔

 

[شعیب گناترا]

میں ایک سوٹ لینے گئی تھی بازار لیکن مجھے بہت خوبصورت جوتے نظر آگئے تو اس لیے میں یہ ہینڈ بیگ لے آئی ہوں۔

 

[شعیب گناترا]

مڈل کلاس محبوبہ کا ایک مسئلہ یہ بھی ہے کہ اس کی گود میں پیار سے سر رکھو تو وہ جوئیں نکالنا شروع کر دیتی ہے۔