کتابچۂ لطائف و مزاحیہ تحاریر (بلا تبصرہ - احباب صرف اپنا تاثر دیں۔ شکریہ)

[شعیب گناترا]

پانی پی کر بوتل فریج میں رکھنے کہ بعد بندہ کافی دیر تک اپنے آپ کو ملک کا ذمہ دار شہری سمجھتا رہتا ہے۔

 

[شعیب گناترا]

بیوی کے "I Love You" کہنے کے بعد
شوہر کا "Love You Too" کہنا اتنا ہی ضروری ہوتا ہے٬
جتنا پاکستان کہنے کے بعد زندہ باد کہنا۔

 

[شعیب گناترا]

خان صاحب نے جلتی ہوئی عمارت سے چھ لوگوں کو نکالا، پھر بھی اس کی پٹائی ہوئی، کیوں؟

کیونکہ وہ چھ لوگ فائر برگیڈ والے تھے۔

 

[شعیب گناترا]

اچھی بیوی وہ ہوتی ہے جو جب غلطی کرتی ہے تو خاوند کو معاف کر دیتی ہے۔

 

[شعیب گناترا]

سردی اتنی زیادہ ہو گئی ہے کہ کوئی پانی والی پستول دکھا کر بھی لُوٹ سکتا ہے۔

 

[شعیب گناترا]

ہمارے ہاں اکثر شوہر حضرات کی مونچھیں تو کاکروچ سے بھی زیادہ لمبی ہوتی ہیں لیکن پھر بھی ان کی بیویاں صرف کاکروچ سے ہی ڈرتی ہیں۔

 

[شعیب گناترا]

اگر کوئی بیوی اپنے شوہر کو عظیم کہتی ہے تو یقین کریں کہ اس کے شوہر کا نام عظیم ہی ہوگا۔

 

[شعیب گناترا]

پاکستانی خواتین کے دو بڑے مسائل یہ ہیں کہ جب وہ بہو بنتی ہیں تو ان کو اچھی ساس نہیں ملتی اور جب وہ ساس بنتی ہیں تو ان کو اچھی بہو نہیں ملتی۔

 

[شعیب گناترا]

کسی شخص کو اس کے اچھے لباس اور نفیس گفتگو کی وجہ سے عقلمند اور دین دار مت سمجھو، ہوسکتا ہے وہ عامر لیاقت حسین ہو۔

 

[شعیب گناترا]

شادی وہ واحد زخم ہے جس پہ ہلدی پہلے ہی لگادی جاتی ہے۔

 

[شعیب گناترا]

برصغیر میں ایک کتاب لکھنے والا اتنا پیسہ نہیں کما سکتا ہے جتنا تعویذ لکھنے والا کما لیتا ہے۔

 

[شعیب گناترا]

ایک شخص نے ایک بزرگ سے پوچھا؛
دنیا میں دوست اور دشمن کی پہچان کیسے کی جائے؟

بزرگ نے غور سے سنا، پھر جیب سے ماچس کی ڈبیا نکالی، اس میں سے دو تیلیاں اٹھائیں، ایک تیلی واپس رکھی اور ایک تیلی کو توڑ کر اس کے دو حصے کئے۔ اگلا حصہ پھینک دیا اور پچھلے حصے کو کان میں پھیرتے ہوئے بولے؛
پتر مینوں نئیں پتہ!

 

[شعیب گناترا]

ایک بس کنڈیکٹر مسافر سے جو خراب بس کو دھکا دے رہا تھا؛
”بھائی آپ کا کرایہ پورا ہوگیا ہے اب آپ کو دھکا دینے کی ضرورت نہیں ہے۔“

 

[شعیب گناترا]

لوگوں کی باتوں کی پرواہ مت کیا کرو لوگوں کا کیا ہے، وہ تو تمہارے واش روم سے باہر آنے پر بھی پوچھ لیتے ہیں، ”کیا کر رہے تھے اندر؟“

 

[شعیب گناترا]

دیوار پر نہایت خوبصورتی سے لکھا تھا؛
”دیوار پر لکھنا منع ہے۔“

 

[شعیب گناترا]

پاکستانی دولہا کی سب سے بڑی ٹینشن مولوی نکاح کے وقت کلمے نہ سُن لے۔

 

[شعیب گناترا]

شادی کی خوشیوں میں واحد شخص جس کے منہ پر ہوائیاں اڑ رہی ہوتی ہیں وہ دولہا ہوتا ہے۔

 

[شعیب گناترا]

جب خواتین میک اپ کے بعد منہ دھونے لگتی ہوں گی تو ان کی”انتر آتما“ان سے ایک سوال ضرور کرتی ہوں گی،
Are you sure you want to reset default factory settings?

 

[شعیب گناترا]

گھر میں جھاڑو دینے والا شخص لازمی نہیں نوکر ہی ہو، وہ ایک ”شوہر“ بھی ہو سکتا ہے۔

 

[شعیب گناترا]

ایک دوست نے دوسرے دوست کو جانور کہہ دیا تو وہ ناراض ہو گیا، پھر اس نے شیر کہہ کر منا لیا۔