کیا آپ نے کبھی کسی کو چھیڑا

[جیہ]

مجھے تو اس بیچارے کا حشر یاد آ رہا ہے جس نے کالج سے آتے ہوئے مجھے چھیڑنے کی کوشش کی تھی۔ اب بھی جب یاد کرتی ہوں اپنی جرآت پر حیرت ہوتی ہے۔

 

[dxbgraphics]

مجھے تو اس بیچارے کا حشر یاد آ رہا ہے جس نے کالج سے آتے ہوئے مجھے چھیڑنے کی کوشش کی تھی۔ اب بھی جب یاد کرتی ہوں اپنی جرات پر پر حیرت ہوتی ہے۔

اس کو ہسپتال کس نے پہنچایا بھی کہ نہیں؟

 

[جیہ]

خیر ہسپتال پہنچانے والی تو کوئی بات نہیں تھی۔ البتہ میرا ایک سینڈل اس میں جان بحق ہو گیا تھا

 

[dxbgraphics]

نوکیلا نہیں تھا شاید

 

[جیہ]

بھئی آپ کیوں بال کی کھال نکالنے میں لگ گئے ہیں

 

[مغزل]

میں‌یہی دیکھنے آیا تھا کہ جیہ اس لڑی میں‌کیا کررہی ہے ، پتہ چلا کہ چھیڑنے اور چھوڑنے کہ بحث چل رہی ہے ۔ خیر ، ہم گئے ، آمنہ جاگ گئی ہے ،

 

[فیصل عظیم فیصل]

لیجئے حضرت جہاں پر چھیڑنے کی بات ہو
ہم وہاں پہنچا کیئے لیکن برائے گفت گو ۔۔!

میری زندگی چھیڑنے چھڑنے سے عبارت ہے ۔ بچپن میں سات برس کی عمر میں گلی کی خالہ کو چھیڑا جس کا واقعہ کچھ اس طرح کا ہے کہ ایک دن انہوں نے بڑی محبت سے پوچھا '' وے توں بندہ ایں کہ نائی ایں'' اس کا مفہوم سادہ اور سلیس اردو میں یہ بنتا ہے کہ تم آدمی ہو یا حجام تو میں نے سنی سنائی بات وہیں دہرا دی '' جی نائیاں دا جوائی آں'' یعنی حجاموں کا داماد ہوں ۔ تو ایک ساڑھے ڈھائی چھٹانک کا ہاتھ اڑتا ہوا ہماری کمر ناہنجار پر پڑا اور جوابی فقرے نے رہی سہی کسر نکال دی '' چل دفع ہو کنجرا ۔ نائیاں دیاں کڑیاں وادھو آئیاں نیں'' دفعان ہو جاؤ ناہنجار نائیوں کی لڑکیاں کوئی فالتو آئی ہوئی ہیں ۔ یاد رہے کہ خاتون محلے کےایک مشہور حجام کی نصف بہتر تھیں ۔ مزید قصص سے پھر کبھی روشناس کراؤں گا۔

 

[dxbgraphics]

بال کی کھال ؟؟ سنا ہوا جملہ لگتا ہے
اور پھر تجسس تو ہر کسی کو ہوتا ہے پورا واقعہ سننے کو ۔ آدھا واقعہ ذہن کو الجھا دیتا ہے

 

[جیہ]

یہ تو وہی بات ہوئی کہ ۔۔۔

مرا مزاج لڑکپن سے عاشقانہ ہے

 

[جیہ]

بال کی کھال ؟؟ سنا ہوا جملہ لگتا ہے
اور پھر تجسس تو ہر کسی کو ہوتا ہے پورا واقعہ سننے کو ۔ آدھا واقعہ ذہن کو الجھا دیتا ہے

یس محفل پر میرے انٹرویو والے دھاگے میں شاید تفصیل ہوگی اس واقعے کی

 

[dxbgraphics]

یس محفل پر میرے انٹرویو والے دھاگے میں شاید تفصیل ہوگی اس واقعے کی

دھاگہ ہی بھیج دیں ۔ اب روزے کی حالت میں کہاں کہاں در بدر تلاش کرتے پھریں گے

 

[جیہ]

میں کہاں ڈھونڈوں 2 سال پرانے دھاگے کو

 

[فیصل عظیم فیصل]

اب دھاگوں کی تلاش جاری رکھنی ہے یا پھر اور قصے سننے ہیں ۔۔۔

 

[فہیم]

میں کہاں ڈھونڈوں 2 سال پرانے دھاگے کو

کون سا یہ دھاگہ

 

[جیہ]

آپ تو نا ہی سنائیں۔ غضب خدا کا۔۔۔۔ آپ سے تو کسی کو چھیڑنے کی امید ہی نہ تھی

 

[فیصل عظیم فیصل]

جب بھی چھیڑا جسے بھی چھیڑا بچپن میں ہی چھیڑا ۔ جب سے عقل آئی کوشش ہمیشہ یہی کی کہ نہ چھیڑوں نہ چھڑوں اپنی دنیا میں مگن رہوں ویسے بھی بچپن کی یادیں تازہ کرنے میں کوئی حرج تو نہیں ۔

 

[شمشاد]

بیان جاری رہے، ہم سُننے کے منتظر ہیں۔

 

[dxbgraphics]

آرڈر آرڈر۔ ملزم اپنا بیان جاری رکھے۔ جبکہ باقی سارے خامشی سے سنیں

 

[فیصل عظیم فیصل]

کس کو کہ رہے ہو شمشاد بھائی

 

[فیصل عظیم فیصل]

کون ہے ملزم یہاں پر کون محو عدل ہے
کس کو کس کی گفتگو پر شائیبہِ جدل ہے