کیا محفل جمود کا شکار ہے ؟

[حسن محمود جماعتی]

خواجہ آصف پارٹ ٹو۔

چوہدری صاحب تسی میرے حق اچ او ناں؟؟

 

[عبدالقیوم چوہدری]

بس اتنا خیال رکهیے کہ گپ شپ ہی لگے طعنے مینڑے نا بن جائیں۔

چوہدری صاحب تسی میرے حق اچ او ناں؟؟

 

[محمداحمد]

ایک روداد کا دوبارہ تذکرہ شاید انہوں نے مناسب نہ سمجھا ہو

ہمیں ادب کے ساتھ ادب دوست کے اس خیال سے اختلاف ہے

وہ خیال جو اُن تک ابھی پہنچا نہیں ہے۔ آپ نے اُس سے اختلاف بھی کر لیا۔

 

[ٹرومین]

وہ خیال جو اُن تک ابھی پہنچا نہیں ہے۔ آپ نے اُس سے اختلاف بھی کر لیا۔

لیکن (اگر یہی وجہ ہوتو) ہمیں ادب کے ساتھ ادب دوست کے اس خیال سے اختلاف ہے

 

[حسن محمود جماعتی]

بس اتنا خیال رکهیے کہ گپ شپ ہی لگے طعنے مینڑے نا بن جائیں۔

اللہ نہ کرے قبلہ ایسا ہو۔ مالک کی عطا سے اپنا ایسا ذوق ہے نہ کبھی نیت رہی ہے۔ ہم طعن زنی نہیں کے قائل نہیں۔۔۔ سدھی سدھی گولی مارو کھپ مکاؤ۔۔۔
یہ اب قاری پر ہے وہ اسے کیا سمجھ کر پڑھے بہر حال ہم نے نیک نیتی سے گزارش کی ہے۔ ایک دوسرے سے پیار کریں۔ دنیا میں پہلے کیا جنگ و جدل مار کٹائی کم ہے۔ دوسرے کی رائے کا احترم کریں۔ اور اس کی رائے کو ایک الگ ہستی ہونے پر ایک الگ رائے مان کر قبول کریں۔ پسند نا پسند ہر ایک کی اپنی ہے۔

 

[محمداحمد]

with no offense please
احباب کی کچھ باتیں پڑھ کر خود کو روک نہ پایا سوچا بھلی لگے یا بری کہہ دیتے ہیں۔
یونیورسٹی دور میں بہت انہماک اور شوق کے ساتھ دوستوں کو ٹیبل ٹینس والی بال، باسکٹ بال وغیرہ کھیلتے ہوئے دیکھتا تھے۔ انہیں اتنے اچھے طریقے سے کھیلتا دیکھ کر جی چاہتا کاش ہم بھی ایسا کھیل سکیں۔ اب چونکہ کھیلنا نہیں آتا تھا تو کوئی نہ کھلاتا تھا نہ ساتھ کھیلتا تھا۔ ٹیبل ٹینس ہمیں بہت پسند تھا۔ کافی احباب سے اصرار کیا کبھی ہمیں بھی کھیلنے کا موقع دیں۔ کہتے تمہیں کھیلنا ہی نہیں آتا۔ اور ویسے بھی ٹیبل اتنا مصروف رہتا کہ ہماری باری ہی نہیں آتی۔ لیکن اچھا کھیل دیکھ کر بھی ہم بہت محظوظ ہوتے۔ پھر یوں ہوا کہ احباب آگے کے سمسٹر میں چلے گئے تو ان کی مصروفیات بڑھ گئیں۔ اب ہمیں کبھی کبھی ٹیبل خالی ملنے لگا اور ہم لگے اپنے جوہر آزمانے۔ اب کوئی کھلاڑی آجاتا ہم اسے کہتے کہ ہمارے ساتھ کھیلے تو کہتا بھائی ہمارا کھیل خراب ہوجائے گا تمہارے ساتھ کھیل کے۔ ساتھ میں ہماری سست کھیل دیکھ کر اسے ہول آنے لگتے۔ وہ بھاگ جاتے۔ سلسلہ یہ رہا کہ ہم اناڑی آپس میں ہی کھیلتے رہے اور اناڑی ہی رہ گئے۔ کھلاڑیوں نے کھیلنا چھوڑ دیا۔ اب ہم اناڑی ہی وہاں کے کھلاڑی مانے جانے لگے۔
احباب! جب آپ اناڑیوں کے لیے خود جگہ خالی چھوڑیں گے اور میدان بالکل خالی ہوگا تو تماشائی بھی چاہیں گے بلے اور گیند کو چھو کر دیکھیں کیسی ہوتی ہے۔ ہاں کھلاڑی اگر وقت پر واپس آکر اپنا کھیل پیش کرتے رہیں تو تماشائی جھٹ سے باہر آ جائیں گے میدان خالی کر کے۔ وگرنہ خالی میدان دیکھ کر وہاں براجمان ہوجائیں گے۔ دوسروں پہ گلہ بہت آسان ہے کہ وہ لوگ "سطحی" خیالات کا اظہار کر رہے ہیں۔ محترم آپ کی کنٹریبیوشن کیا ہے؟ گنی چنی پوسٹ پر رائے دہی کرنا اور اس میں اکثر نزلہ دوسروں پر گرانا۔ کسی کو "سطحی" کا اعزاز اور کسی کو کچھ وغیرہ وغیرہ۔ یہ سیدھی باتیں ہر گز نہیں کرنی چاہیے تھیں اور نہ فقیر کا انداز ہے طعن زنی کا نہ اب مقصود ہے۔ لیکن ایک بار پہلے بھی عرض کیا تھا۔ آپ جسے سطحی فرما رہے ہیں وہ اس کے علم و معلومات کا عکاس ہے۔ وہ سامع و ناظر ہے۔ اس کا جی للچاتا ہے کہنے کو، لکھنے کو۔ جب اسے بتایا نہیں جائے گا فن اور ادب میں پہلا قرینہ ادب ہی ہے۔ وہ اپنی حیثیت اور سمجھ کے مطابق اظہار فن کر رہا ہے۔ احبابان علم و دانش جب تک انہیں اچھا پڑھنے کو نہیں دیں گے وہ یقینا بد ذوق ہی رہیں گے۔ ان کے تئیں ذوق کا معیار وہی ہوگا جو وہ پڑھ رہے ہیں۔ جب تک ہم انہیں اچھا پڑھنے کو نہیں دیں گے۔ یہ تو شدید پاکستانی ہونے کا ثبوت ہے کہ جو کام نہ خود کر رہے ہو نہ خود سے ہو رہا ہو، اس کا الزام دوسروں پہ تھوپ دو۔ زرداری دور میں جب لوڈ شیڈنگ بہت بڑی تو احباب کہتے سنائی دیے " بھائی کتنی کرپشن ہے۔ لوڈ شیڈنگ ہے، لوگ کیسے بے حس ہیں باہر کیوں نہیں نکلتے" جی "لوگ" باہر نہیں نکلتے۔ ان لوگوں سے کون افراد مراد ہیں؟؟ ہر ایک کے لیے اپنے سوا دوسرا؟ پھر یوں ہے تو یوں سہی۔ احباب اپنا طریقہ نہیں ہے۔ لیکن فقیر اپنی جملہ گزارشات پر ایک بار پھر معذرت خواہ ہے اگر کسی بات سےکسی کو چوٹ پہنچے۔ ہر گز مقصد و مدعا کسی پر تنقید و طعن نہیں ہے۔ نہ فقیر کا وطیرہ ہے۔ گزارشات ہیں۔ کہ محفل میں خود شرکت نہیں کریں گے۔ تو حال پاکستانی سیاست والا ہو گا۔ قابل ٹی وی دیکھ تبصرے کرتے رہیں گے اور۔۔۔۔۔۔
ہوتا ہے شب و روز تماشا مرے آگے

بکھر جائیں گے کیا ہم جب تماشا ختم ہو گا
میرے معبود آخر کب تماشا ختم ہو گا​

چراغِ حجرہ درویش کی بجھتی ہوئی لو
ہو ا سے کہہ گئی ہے اب تماشا ختم ہو گا​

کہانی میں نئے کردار شامل ہو گئے ہیں
نہیں معلوم اب کس ڈھب تماشا ختم ہو گا​

کہانی آپ اُلجھی ہے کہ اُلجھائی گئی ہے
یہ عقدہ تب کُھلے گا جب تماشا ختم ہو گا​

زمیں جب عدل سے بھر جاے گی نور علی نور
بنامِ مسلک و مذہب تماشا ختم ہو گا​

یہ سب کٹھ پتلیاں رقصاں رہیں گی رات کی رات
سحر سے پہلے پہلے سب تماشا ختم ہو گا​

تماشا کرنے والوں کو خبر دی جا چکی ہے
کہ پردہ کب گرے گا کب تماشا ختم ہو گا​

دلِِ ما مطمئن ایسا بھی کیا مایوس رہنا
جو خلق اُٹھی تو سب کرتب تماشا ختم ہو گا​

متفق ہوں۔

لیکن یہ بھی ہے کہ اگر کسی میدان میں خلا ہو تو نئے آنے والوں کے لئے جگہ بنانے کا اس سے اچھا موقع کوئی نہیں ہوتا۔

ایک کتاب کا دیباچہ پڑھ رہا تھا۔ یہ کتاب قرانِ فہمی سے متعلق تھی۔

مصنف کا کہنا تھا کہ (میری لفظوں میں) "یہ ایک بھاری ذمہ داری کا کام تھا اور میں خود کو اس کام کا اہل نہیں سمجھتا تھا۔ لیکن میں نے ہمت کی اور بساط بھر کوشش کرکے اس کام کو شروع کر دیا اور جو اللہ کہ حکم سے یہاں تک پہنچ گیا۔ وغیرہ وغیرہ۔"

جس کتاب کا ذکر میں کر رہا ہوں وہ اس کتاب کی تیسری یا چوتھی اشاعت تھی۔ یعنی یہ ایک کامیاب کتاب تھی اور اپنے موضوع پر پڑھنے والوں کے لئے بڑی اہمیت رکھتی تھی۔

اس بات سے یہ بات سمجھ آتی ہے کہ بہت سے عالم فاضل لوگ اپنی مصروفیات کے باعث کسی خاص کام کے لئے زندگی بھر وقت نہیں نکال پاتے اور وہ کام تشنہ رہ جاتا ہے اور طلباء کو رہنمائی کی سبیل کسی طرح نہیں ملتی۔ لیکن اگر کوئی شخص جو درجے میں اتنا زیادہ بلند نہ ہو اس کام کو کرنے کا بیڑہ اُٹھا لے تو کسی نہ کسی طرح کچھ نہ کام ہو ہی جاتا ہے اور طالب علموں کو کچھ نہ کچھ آسانی ہو جاتی ہے۔ مزید یہ کہ جب ایک نوعیت کا کام دیکھنے میں آتا ہے تو دیگر لوگ بھی اس کام کی طرف راغب ہو جاتے ہیں۔

مختصر یہ کہ ہمیں اپنی استعداد بڑھانے کی کوشش کرتے رہنا چاہیے اور اگر کوئی کام ہم چاہتے ہیں کہ ہو اور کوئی نہ کر رہا ہو تو پھر اللہ کا نام لے کر خود ہی وہ کام شروع کر دینا چاہیے۔

اُٹھ باندھ کمر کیا ڈرتا ہے
پھر دیکھ خدا کیا کرتا ہے​

 

[محمداحمد]

وہ ہم نے دیکھ لیا تھا لیکن ابھی موصوف کی طرف سے تائید یا تردید نہیں آئی۔

آپ نے آگے کا کام پہلے سے نکال کر رکھ دیا۔

 

[ٹرومین]

آپ نے آگے کا کام پہلے سے نکال کر رکھ دیا۔

اسی کو تو ’’مان‘‘ کہتے ہیں۔

 

[محمداحمد]

اسی کو تو ’’مان‘‘ کہتے ہیں۔

اللہ یہ محبتیں سلامت رکھے۔

 

[ٹرومین]

بھئی ہمیں اس سے سروکار ہی نہیں ہے۔ کس نے کیا لکھا ہے۔ اس معاملے میں داعش، القاعدہ، طالبان وغیرہم بھی ہمارے سامنے ہیچ ہیں۔ ہم اشد شدت پسند ہیں۔ بزور مراسلہ ہم ہر طریقہ استعمال کرکے انہیں مجبور کر دیں گے کہ وہ لکھیں۔ نہیں لکھیں گے تو پھر۔۔۔۔۔۔۔۔ یار اب ہم کیا کر سکتے ہیں۔ مرضی ان کی۔۔۔۔

سچ پوچھیں تو ان کی تحریر کے ہم بھی گرویدہ ہیں اور مذکورہ ملاقات کے احوال کی جس طرح منظر کشی انہوں نے کی ہے (خصوصاً غزلوں والے حصہ میں) اس کے پرلطف احساس سے ہم ابھی تک باہر نہیں آسکے۔ ہمیں دو ادھوری لڑیوں کے مکمل ہونے کا بے چینی بلکہ آپ جیسی شدت سے انتظار ہے۔ ایک کا ذکر تو آپ نے کرکے ہماری خواہش کو زبان بلکہ یوں کہنا مناسب ہوگا کہ الفاظ دے دیے ہیں جبکہ دوسری لڑی ابن سعید بھائی کی چھو منتر ہے۔ کاش کہ وہ اس کے لیے وقت نکال سکیں اور ایک شاہکار اپنی مکمل صورت میں سامنے آسکے۔
آپ کی جانب سے پہل کرنے سے مجھے بھی ہمت ہوئی ہے کہ ان دونوں صاحبان کے خلاف باقاعدہ ایک احتجاجی لڑی کھولی جائے جس میں محفلین سے درخواست کی جائے کہ مل کر ان کی تکمیل کے حق میں احتجاج ریکارڈ کروائیں۔
اس طرح محفل کا جمود بھی توڑا جاسکے گا۔ (اگر احتجاج تسلیم کرلیا گیا تب بھی ورنہ احتجاجی لڑی میں اچھی خاصی ہل چل تو مچ ہی جائے گی۔)

سرگوشی

اس سے پہلے کہ ابن سعید یا ادب دوست آکر میرے کان کھینچیں، یہاں سے کھسک لینے میں ہی عافیت ہے۔

 

[ٹرومین]

اللہ یہ محبتیں سلامت رکھے۔

آمین

 

[محمد تابش صدیقی]

سارا جمود اسی لڑی میں ٹوٹے گا.

 

[محمداحمد]

سارا جمود اسی لڑی میں ٹوٹے گا.

اسے کہتے ہیں بامقصد لڑی۔

 

[ٹرومین]

سارا جمود اسی لڑی میں ٹوٹے گا.

جو ہمت حسن محمود جماعتی کی پوسٹ سے نئی لڑی کھولنے کے لیے مجتمع کی تھی، وہ آپ کی اس پوسٹ سے جھاگ کی طرح بیٹھ گئی۔
ازراہ تفنن

 

[حسن محمود جماعتی]

لائے اس بت کو التجا کر کے
کفر ٹوٹا خدا خدا کر کے

سارا جمود اسی لڑی میں ٹوٹے گا.

 

[اے خان]

میرے خیال میں جمود ٹوٹ چکا ہوگا..

 

[محمد خرم یاسین]

اتنے دوستوں کے جواب سے لگتا ہے کہ آپ نے اس جمود کو عارضی خاتمہ کردیا ہے۔

 

[غدیر زھرا]

جھاتی مارنے کا مطلب ہوتا ہے سرسری سا جھانکنا۔ ویسے میں سُچی پنجابن کو آواز لگاتا ہوں شاید وہ کچھ بہتر مطلب بتا سکیں۔

ہم کہاں کے سُچے ویسے شاید آپ کہنا "سُتی" چاہتے تھے :پ
میں جھاتی تو مارتی ہوں لیکن وہ سرسری سی نہیں ہوتی یہ اور بات ہے کہ میں ذرا گپ شپ کے زمروں سے دور رہتی ہوں لیکن میری تانک جھانک بڑی بھرپور ہوتی ہے :پ
سیاست میرا مضمون ہے لیکن سیاست کے زمروں میں جاتی نہیں..باقی علمی مباحثوں میں میری کم علمی آڑے آتی ہے رہی بات اردو اور پنجابی شاعری کی تو وہ سنتے سناتے ہیں محفل ہمیں اسی طور جھیل رہی ہے مزید بھی جھیل لے گی..محفل کا جمود تو جلد ہی ٹوٹ جائے گا ان شاءاللہ آپ جیسے محفلین اسی جانفشانی سے سرگرم رہے تو

 

[حمیرا عدنان]

سارا جمود اسی لڑی میں ٹوٹے گا.

سیانے کہتے ہیں جیتھے کوئی لگا اے لگا رہن دیو
چلیں یہاں ہی سہی کچھ حرکت تو ہوئی ورنہ تو محفل کی حالت اس گھر جیسی تھی جہاں رہتے تو سارے تھے لیکن ایک دوسرے سے منہ واٹ کے اپنے من پسند ساتھی کا جواب دینا باقی سارے جائیں جہنم میں،
باقیوں کا کیا قصور ہے

 

[حمیرا عدنان]

میرے خیال میں جمود ٹوٹ چکا ہوگا..

اپنی لمبی غیر حاضری کی وجہ تو بیان کریں سرکار؟