گاؤں،شہر

[زیرک]

دل بھی آباد ہے اِک شہرِ خموشاں کی طرح
ہر طرف لوگ ہیں، پر عالمِ تنہائی ہے

 

[زیرک]

شہرِ دل اب بھی سراسر ہے محبت کے لیے
میں نے غصے کو مضافات میں رکھا ہوا ہے
فریحہ نقوی

 

[عبدالرحمن آزاد]

تمہارے شہر کا موسم بڑا سہانا لگے
میں ایک شام چرالو اگر برا نا لگے

 

[زیرک]

یہ شہر جو اب ہے نوحہ نوحہ
پہلے تو غزل غزل رہا ہے
قتیل شفائی

 

[عبدالرحمن آزاد]

دل تو میرا اداس ہے ناصرؔ
شہر کیوں سائیں سائیں کرتا ہے

 

[زیرک]

گجرے تمام شہر میں بانٹ آیا تو کھُلا
گھر میں بھی منتظر تھی کلائ مِرے لیے
محمد فیروز شاہ

 

[زیرک]

اک شہرِ آرزو سے کسی دشتِ غم تلک
دل جا چکا تھا اور یہ ہجرت عجیب تھی
پروین شاکر​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

اب تو ہر شہر میں اس کے ہی قصیدے پڑھیے
وہ جو پہلے ہی خفا ہے وہ خفا اور سہی​

 

[زیرک]

میں لاکھ محترم ہوئی، مگر ڈھونڈتی رہی
لذت جو تیرے شہر کی رسوائیوں میں تھی​

پروین شاکر
آج خوشبو کی شاعرہ کا جنم دن ہے

 

[زیرک]

ساز و رخت بھجوا دیں حدِ شہر سے باہر
پھر سرنگ ڈالیں گے ہم محل سراؤں میں​

پروین شاکر
آج خوشبو اور نازک احساسات کی ترجمان شاعرہ کا جنم دن ہے

 

[زیرک]

پتھرایا ہے دل یوں کہ کوئی اسم پڑھا جائے
یہ شہر نکلتا نہیں جادو کے اثر سے​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

میں اتنے سانپوں کو رستے میں دیکھ آئی تھی
کہ ترے شہر میں پہنچی تو کوئی ڈر ہی نہ تھا

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

شہرِ وفا میں دھوپ کا ساتھی نہیں کوئی
سورج سروں پہ آیا تو سائے بھی گھٹ گئے​

 

[زیرک]

منتظر جیسے تھے در شہر فراق آثار کے
اک ذرا دستک ہوئی در دم میں وا ہوتے گئے
منیرنیازی​

 

[زیرک]

حرف پردہ پوش تھے اظہارِ دل کے باب میں
حرف جتنے شہر میں تھے حرفِ لا ہوتے گئے
منیرنیازی​

 

[زیرک]

ایسا مکتب بھی کوئی شہر میں کھولے ناصر
آدمی کو جہاں، انسان بنایا جائے

 

[زیرک]

پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی
ناصر کاظمی

 

[زیرک]

یہ زرد شال میں لپٹی ہوئی حسیں لڑکی
ہمارے گاؤں کا موسم اداس کر دے گی

 

[نور ازل]

یہ کیا کہ سورج پہ گھر بنانا، پھر اس پہ چھاؤں تلاش کرنا
کھڑے بھی ہونا تو دلدلوں پہ، پھر اپنے پاؤں تلاش کرنا
نکل کے شہروں کو آ بھی جانا، چمکتے خوابوں کو ساتھ لے کر
بلند و بالا عمارتوں میں، پھر اپنے گاؤں تلاش کرنا

 

[زیرک]

پڑے ہیں شہرِ سفر میں سبھی کفن لے کر
کوئی بدن کی، کوئی روح کی تھکن لے کر​