گاؤں،شہر

[زیرک]

ہم تو چپ چاپ چلے آئے بحکمِ حاکم
راستہ روتا رہا شہر سے ویرانے تک
مقبول عامر​

 

[زیرک]

ایسے لاحق ہوا یہ شہر کا ویرانہ مجھے
روز اک خوف لپٹ جاتا ہے انجانہ مجھے
فرحت عباس شاہ​

 

[زیرک]

شہرِ بدن بس رَین بسیرا جیسا ہے
منزل پر کب رکتے ہیں بنجارے لوگ
راغب اختر​

 

[زیرک]

سہمے سے تھے پرند، بسیرا اداس تھا
جنگل کی طرح شہر میں خوف و ہراس تھا
عشرت قادری​

 

[زیرک]

یہ ساتھ گاؤں میں ایک چھوٹا سا کام ہے بس
مری اداسی، اداس مت ہو میں آ رہا ہوں
حسیب الحسن​

 

[زیرک]

پہلے بھی میرے گاؤں میں گھائل ہیں تین شخص
آزارِ آگہی کا میں چوتھا مریض ہوں
حسیب الحسن​

 

[زیرک]

بھرے شہر میں ایک ہی چہرہ تھا جسے آج بھی گلیاں ڈھونڈتی ہیں
کسی صبح اسی کی دھوپ کھلی، کسی رات وہی مہتاب ہوا
محسن نقوی​

 

[زیرک]

یار! پیڑوں کی اداسی نہیں دیکھی جاتی
مجھ سے مت ملنا، مگر گاؤں تو آنا جانا
راکب مختار​

 

[زیرک]

چراغ شہر کے سارے اسے تھما دوں گا
تمہارے جسم کی خوشبو اگر ہوا لائے
راکب مختار​

 

[زیرک]

مانا کہ دوا اور دعا دونوں نہیں ہیں
اس شہر میں کیا درد سنا بھی نہیں جاتا​

 

[زیرک]

ہر گلی اچھی لگی ہر ایک گھر اچھا لگا
وہ جو آیا شہر میں تو شہر بھر اچھا لگا​

 

[زیرک]

ٹوٹے ہوئے مکاں ہیں مگر چاند سے مکیں
اس شہر آرزو میں اک ایسی گلی بھی ہے
اختر ہوشیار پوری

 

[زیرک]

بادل تو بہت ہیں، مگر اس شہر میں ہم نے
آنکھوں کے سوا کچھ بھی برستے نہیں دیکھا​

 

[زیرک]

خبر تھی گھر سے وہ نکلا ہے مینہ برستے میں
تمام شہر لیے چھتریاں تھا رستے میں
احمد فراز​

 

[زیرک]

عظیم شہر حقیقت میں کتنا چھوٹا تھا
تمام قصر نشیں خانماں خراب ملے​

 

[فلسفی]

شہر میں تاریکیاں سرگوشیاں کرتی ہیں جب
روشنی کے سامنے زلفیں گرا دیتی ہے رات

 

[فلسفی]

فقیہِ شہر کے فتووں کی زد میں آ گیا کوئی
ہجومِ جہل نے پھر سے کوئی بستی جلائی ہے

 

[زیرک]

تمام شہر میں تھا سر پھری ہواؤں کا رقص
چراغ میری ہی بستی کے کیوں بجھے ہر شب​

 

[زیرک]

آج پھر ماں مجھے مارے گی بہت رونے پر
آج پھر گاؤں میں آیا ہے کھلونے والا​

 

[زیرک]

دعائیں تو ہم ساتھ لائے ہیں اپنے
مگر گاؤں میں اپنی ماں چھوڑ آئے
عطش اعظمی​