گاؤں،شہر

[زیرک]

ہر ایک شخص کو دعوٰی ہے پارسائی کا
تو پھر یہ شہر میں سارا وبال کس کا ہے
عابد کمالوی​

 

[فلسفی]

بندگی سرکشی میں بدلنے لگی
لوگ بننے لگے ہیں خدا شہر میں

 

[فلسفی]

عقل حاوی ہے اہلِ جنوں پر بھی اب
کون جانچے کا تیری وفا شہر میں

 

[فلسفی]

شیخ کے مقتدی ہیں سبھی پارسا
فلسفیؔ رہ گیا ہے برا شہر میں

 

[زیرک]

بس ایک شخص کے ہنسنے سے کام چلتا تھا
ہمارے شہر میں پھولوں کی کوئی دکان نہ تھی​

 

[جاسمن]

ہم اس کی خاکِ پا کے تبرک سے بھی گئے
گاؤں میں کوئی راستہ، اب کچا نہیں رہا

 

[لاريب اخلاص]

ہے میرے گاٶں کی مٹی کو محبت مجھ سے
چلنے لگتا ہوں تو پیروں سے لپٹ جاتی ہے
شہزاد جاوید

 

[جاسمن]

یہ ضروری تو نہیں عشق ہو دلی میں فقط
شہرِ محبوب تو ملتان بھی ہو سکتا ہے

 

[زیرک]

میری وسعتوں کی ہوس کا خانہ خراب ہو
مِرا گاؤں شہر کے پاس تھا، سو نہیں رہا
محسن نقوی​

 

[زیرک]

شاہنامے لکھے ہیں کھنڈرات کی ہر اینٹ پر
ہر جگہ ہے دفن اک افسانہ تیرے شہر میں​

 

[رباب واسطی]

یہ ضروری تو نہیں عشق ہو دلی میں فقط
شہرِ محبوب تو ملتان بھی ہو سکتا ہے

ملتان شریف

 

[جاسمن]

یہ تیرا شہر تیرے لوگ روایات تیری
تم اگر گاؤں میں ہوتے تو ہمارے ہوتے...!!

 

[زیرک]

فصل تمہاری اچھی ہو گی جاؤ ہمارے کہنے سے
اپنے گاؤں کی ہر گوری کو نئی چُنریا لا دینا
رئیس فروغ​

 

[زیرک]

لبوں پہ آ گئی تھی اک بات حرفِ حق بن کر
خبر یہ پھیلی شہر میں کہ زبان دراز ہوں ميں​

 

[زیرک]

یہ تیری توجہ کا ہے اعجاز، کہ مجھ سے
ہر شخص تِرے شہر کا برہم ہے مِری جاں
حبیب جالب​

 

[زیرک]

اس کو کہتے ہیں، تِرے شہر سے ہِجرت کرنا
گھر پہنچ کر بھی یہ لگتا ہے کہ گھر جانا ہے​

 

[زیرک]

لوگ کہتے ہیں "محبت میں اثر ہوتا ہے"
کون سے شہر میں ہوتا ہے کدھر ہوتا ہے​

 

[زیرک]

جھوٹ کے شہر میں آئینہ کیا لگا، سنگ اٹھائے ہوئے
آئینہ ساز کی کھوج میں جیسے خلقِ خدا لگ گئی​

 

[زیرک]

ابھی یہ لوگ مگن ہیں حروف تولنے میں
ابھی تو شہر نے لہجہ مِرا سنا ہی نہیں​

 

[زیرک]

سچ نہ بولو کہ ابھی شہر میں موسم ہی نہیں
اِن ہواؤں میں چراغوں کا ہے جلنا مشکل​