خرم شہزاد خرم
لائبریرین
مجھے تو پتہ ہی نہیں ہے کہ ٹیگ کیسے لگاتے ہیں
تیسری سالگرہ ہفتۂ شعر و سخن - محفل کی تیسری سالگرہ کا جشن
- صاحب لڑی محمد وارث
- تاریخ ابتداء
خرم شہزاد خرم
لائبریرین
خودی کے ساز میں ہے عمرِ جاوداں کا سراغ
خودی کے سوز سے روشن ہیں امتوں کے چراغ
یہ ایک بات کہ آدم ہے صاحبِ مقصود
ہزار گونہ فروغ و ہزار گونہ فراغ !
ہوئی نہ زاغ میں پیدا بلند پروازی
خراب کر گئی شاہیں بچے کو صحبتِ زاغ
حیا نہیں ہے زمانے کی آنکھ میں باقی
خدا کرے کہ جوانی تری رہے بے داغ
ٹھہر سکا نہ کسی خانقاہ میں اقبال
کہ ہے ظریف و خوش اندیشہ و شگفتہ دماغ
خودی کے سوز سے روشن ہیں امتوں کے چراغ
یہ ایک بات کہ آدم ہے صاحبِ مقصود
ہزار گونہ فروغ و ہزار گونہ فراغ !
ہوئی نہ زاغ میں پیدا بلند پروازی
خراب کر گئی شاہیں بچے کو صحبتِ زاغ
حیا نہیں ہے زمانے کی آنکھ میں باقی
خدا کرے کہ جوانی تری رہے بے داغ
ٹھہر سکا نہ کسی خانقاہ میں اقبال
کہ ہے ظریف و خوش اندیشہ و شگفتہ دماغ
خرم شہزاد خرم
لائبریرین
یہ آفتاب کیا ، یہ سپہرِ بریں ہے کیا !
سمجھا نہیں تسلسلِ شام و سحر کو میں
اپنے وطن میں ہوں کہ غریب الدیار ہوں
ڈرتا ہوں دیکھ دیکھ کے اس دشت و در کو میں
کُھلتا نہیں مرے سفرِ زندگی کا راز
لاؤں کہاں سے بندۂ صاحب نظر کو میں
حیراں ہے بو علی کہ میں آیا کہاں سے ہوں
رومی یہ سوچتا ہے کہ جاؤں کدھر کو میں
”جاتا ہوں تھوڑی دور ہر اک راہرو کے ساتھ
پہچانتا نہیں ہوں ابھی راہبر کو میں“
سمجھا نہیں تسلسلِ شام و سحر کو میں
اپنے وطن میں ہوں کہ غریب الدیار ہوں
ڈرتا ہوں دیکھ دیکھ کے اس دشت و در کو میں
کُھلتا نہیں مرے سفرِ زندگی کا راز
لاؤں کہاں سے بندۂ صاحب نظر کو میں
حیراں ہے بو علی کہ میں آیا کہاں سے ہوں
رومی یہ سوچتا ہے کہ جاؤں کدھر کو میں
”جاتا ہوں تھوڑی دور ہر اک راہرو کے ساتھ
پہچانتا نہیں ہوں ابھی راہبر کو میں“
خرم شہزاد خرم
لائبریرین
بہت شکریہ سعود بھائی میں نے ٹھیک کر دیا ہے اقبال صاحب کو
خرم شہزاد خرم
لائبریرین
آ کر گرا تھا ایک پرندہ لہو میں تر
تصویر اپنی چھوڑ گیا ہے چٹان پر
تصویر اپنی چھوڑ گیا ہے چٹان پر
خرم شہزاد خرم
لائبریرین
وہ دوریوں کا رہِ آب پر نشان کھلا
وہ رینگنے لگی کشتی وہ بادبان کھلا
مرے ہی کان میں سرگوشیاں سکوت نے کیں
مرے سوا کبھی کس سے یہ بے زبان کھلا
سمجھ رہا تھا ستارے جنہیں وہ آنکھیں ہیں
مری طرف نگران ہیں کئی جہان کھلا
مرا خزانہ ہے محفوظ میرے سینے میں
میں سو رہوں گا یونہی چھوڑ کر مکان کھلا
ہر آن میرا نیا رنگ ہے نیا چہرہ
وہ بھید ہوں جو کسی سے نہ میری جان کھلا
جزا کہیں کہ سزر اس کو بال و پر والے
زمیں سکڑتی گئی، جتنا آسمان کھلا
لہو لہو ہوں سلاخوں سے سر کو ٹکرا کر
شکیبؔ بابِ قفس کیا کہوں کس آن کھلا
وہ رینگنے لگی کشتی وہ بادبان کھلا
مرے ہی کان میں سرگوشیاں سکوت نے کیں
مرے سوا کبھی کس سے یہ بے زبان کھلا
سمجھ رہا تھا ستارے جنہیں وہ آنکھیں ہیں
مری طرف نگران ہیں کئی جہان کھلا
مرا خزانہ ہے محفوظ میرے سینے میں
میں سو رہوں گا یونہی چھوڑ کر مکان کھلا
ہر آن میرا نیا رنگ ہے نیا چہرہ
وہ بھید ہوں جو کسی سے نہ میری جان کھلا
جزا کہیں کہ سزر اس کو بال و پر والے
زمیں سکڑتی گئی، جتنا آسمان کھلا
لہو لہو ہوں سلاخوں سے سر کو ٹکرا کر
شکیبؔ بابِ قفس کیا کہوں کس آن کھلا
خرم شہزاد خرم
لائبریرین
شکیب کی ایک غزل جو مجھے بہت پسند ہے
جہاں تلک بھی یہ صحرا دکھائی دیتا ہے
مری طرح سے اکیلا دکھائی دیتا ہے
نہ اتنی تیز چلے سر پھری ہوا سے کہو
شجر پہ ایک ہی پتّا دکھائی دیتا ہے
برا نہ مانیے لوگوں کی عیب جوئی کا
انھیں تو دن کو بھی سایا دکھائی دیتا ہے
یہ ایک ابر کا ٹکڑا کہاں کہاں برسے
تمام دشت ہی پیاسا دکھائی دیتا ہے
وہیں پہنچ کے گرائیں گے بادباں اپنے
وہ دور کوئی جزیرا دکھائی دیتا ہے
وہ الوداع کا منظر، وہ بھیگتی پلکیں
پسِ غبار بھی کیا کیا دکھائی دیتا ہے
مری نگاہ سے چھپ کر کہاں رہے گا کوئی
کہ اب تو سنگ بھی شیشہ دکھائی دیتا ہے
سمٹ کے رہ گئے آخر پہاڑ سے قدم بھی
زمیں سے ہر کوئی اونچا دکھائی دیتا ہے
کھلی ہے دل میں کسی کے بدن کی دھوپ شکیبؔ
ہر ایک پھول سنہرا دکھائی دیتا ہے
جہاں تلک بھی یہ صحرا دکھائی دیتا ہے
مری طرح سے اکیلا دکھائی دیتا ہے
نہ اتنی تیز چلے سر پھری ہوا سے کہو
شجر پہ ایک ہی پتّا دکھائی دیتا ہے
برا نہ مانیے لوگوں کی عیب جوئی کا
انھیں تو دن کو بھی سایا دکھائی دیتا ہے
یہ ایک ابر کا ٹکڑا کہاں کہاں برسے
تمام دشت ہی پیاسا دکھائی دیتا ہے
وہیں پہنچ کے گرائیں گے بادباں اپنے
وہ دور کوئی جزیرا دکھائی دیتا ہے
وہ الوداع کا منظر، وہ بھیگتی پلکیں
پسِ غبار بھی کیا کیا دکھائی دیتا ہے
مری نگاہ سے چھپ کر کہاں رہے گا کوئی
کہ اب تو سنگ بھی شیشہ دکھائی دیتا ہے
سمٹ کے رہ گئے آخر پہاڑ سے قدم بھی
زمیں سے ہر کوئی اونچا دکھائی دیتا ہے
کھلی ہے دل میں کسی کے بدن کی دھوپ شکیبؔ
ہر ایک پھول سنہرا دکھائی دیتا ہے
خرم شہزاد خرم
لائبریرین
خموشی بول اٹھے، ہر نظر پیغام ہوجائے
یہ سناٹا اگر حد سے بڑھے کہرام ہوجائے
ستارے مشعلیں لے کر مجھ بھی ڈھونڈنے نکلیں
میں رستہ بھول جاؤں، جنگلوں میں شام ہوجائے
میں وہ آدم گزیدہ ہوں جو تنہائی کے صحرا میں
خود اپنی چاپ سن کر لرز براندام ہوجائے
مثال ایسی ہے اس دور ِخرد کے ہوش مندوں کی
نہ ہو دامن میں ذرّہ اور صحرا نام ہوجائے
شکیبؔ اپنے تعارف کیلئے یہ بات کافی ہے
ہم اس سے بچ کے چلتے ہیں جو رستہ عام ہوجائے
یہ سناٹا اگر حد سے بڑھے کہرام ہوجائے
ستارے مشعلیں لے کر مجھ بھی ڈھونڈنے نکلیں
میں رستہ بھول جاؤں، جنگلوں میں شام ہوجائے
میں وہ آدم گزیدہ ہوں جو تنہائی کے صحرا میں
خود اپنی چاپ سن کر لرز براندام ہوجائے
مثال ایسی ہے اس دور ِخرد کے ہوش مندوں کی
نہ ہو دامن میں ذرّہ اور صحرا نام ہوجائے
شکیبؔ اپنے تعارف کیلئے یہ بات کافی ہے
ہم اس سے بچ کے چلتے ہیں جو رستہ عام ہوجائے
محمد وارث
لائبریرین
میر تقی میر کا ایک لطیفہ بہت مشہور ہے۔
ان سے لکھنو میں کسی نے پوچھا، "کیوں حضرت آج کل شاعر کون کون ہے۔"
میر صاحب نے کہا، "ایک تو سودا ہے اور دوسرا خاکسار، اور پھر کچھ تامل سے بولے، آدھے خواجہ میر درد"۔
اس شخص نے کہا۔ "حضرت، اور میر سوز؟"
میر صاحب نے چیں بہ چیں ہو کر کہا، "میر سوز بھی شاعر ہیں؟"
اس نے کہا، "آخر بادشاہ آصف الدولہ کے استاد ہیں۔"
میر صاحب نے کہا، "خیر اگر یہ بات ہے تو پونے تین سہی۔"
انہی 'چوتھائی شاعر' سید محمد میر سوز کی ایک غزل پیش ہے:
یہ تیرا عشق کب کا آشنا تھا
کہاں کا جان کو میری دھرا تھا
وہ ساعت کونسی تھی یا الہٰی
کہ جس ساعت دو چار اس سے ہوا تھا
میں، کاش اس وقت آنکھیں موند لیتا
کہ میرا دیکھنا، مجھ پر بلا تھا
میں اپنے ہاتھ، اپنے دل کو کھویا
خداوندا، میں کیوں عاشق ہؤا تھا
ولے کیا آن تھی، اللہ اللہ
کہ جس غمزے سے چھاتی پر چڑھا تھا
وہ مجھ کو ذبح کرتا تھا چُھری سے
میں اس کی تیز دستی تک رہا تھا
نہ تھا اس وقت، جز اللہ، کوئی
ولے یہ سوز پہلو میں کھڑا تھا
ان سے لکھنو میں کسی نے پوچھا، "کیوں حضرت آج کل شاعر کون کون ہے۔"
میر صاحب نے کہا، "ایک تو سودا ہے اور دوسرا خاکسار، اور پھر کچھ تامل سے بولے، آدھے خواجہ میر درد"۔
اس شخص نے کہا۔ "حضرت، اور میر سوز؟"
میر صاحب نے چیں بہ چیں ہو کر کہا، "میر سوز بھی شاعر ہیں؟"
اس نے کہا، "آخر بادشاہ آصف الدولہ کے استاد ہیں۔"
میر صاحب نے کہا، "خیر اگر یہ بات ہے تو پونے تین سہی۔"
انہی 'چوتھائی شاعر' سید محمد میر سوز کی ایک غزل پیش ہے:
یہ تیرا عشق کب کا آشنا تھا
کہاں کا جان کو میری دھرا تھا
وہ ساعت کونسی تھی یا الہٰی
کہ جس ساعت دو چار اس سے ہوا تھا
میں، کاش اس وقت آنکھیں موند لیتا
کہ میرا دیکھنا، مجھ پر بلا تھا
میں اپنے ہاتھ، اپنے دل کو کھویا
خداوندا، میں کیوں عاشق ہؤا تھا
ولے کیا آن تھی، اللہ اللہ
کہ جس غمزے سے چھاتی پر چڑھا تھا
وہ مجھ کو ذبح کرتا تھا چُھری سے
میں اس کی تیز دستی تک رہا تھا
نہ تھا اس وقت، جز اللہ، کوئی
ولے یہ سوز پہلو میں کھڑا تھا
محمد وارث
لائبریرین
اکبر الٰہ آبادی کے تین قطعات
وفاتِ سر سید مرحوم پر
ہماری باتیں ہی باتیں ہیں سیّد کام کرتا تھا
نہ بھولو فرق جو ہے کہنے والے، کرنے والے میں
کہے جو چاہے کوئی میں تو یہ کہتا ہوں اے اکبر
خدا بخشے بہت سی خوبیاں تھیں مرنے والے میں
--------
ایک خط بنام منشی نثار حسین لکھنؤی
نامہ نہ کوئی یار کا پیغام بھیجیئے
اس فصل میں جو بھیجیئے بس آم بھیجیئے
ایسے ضرور ہوں کہ انہیں رکھ کے کھا سکوں
پختہ اگر ہوں بیس تو دس خام بھیجیئے
معلوم ہی ہے آپ کو بندے کا ایڈریس
سیدھے الٰہ آباد مرے نام بھیجیئے
ایسا نہ ہو کہ آپ یہ لکھیں جواب میں
تعمیل ہوگی، پہلے مگر دام بھیجیئے
-----------
دعوت نامہ بنام علامہ شبلی نعمانی
آتا نہیں مجھ کو قبلہ قبلی
بس صاف یہ ہے کہ بھائی شبلی
تکلیف اٹھاؤ آج کی رات
کھانا یہیں کھاؤ آج کی رات
حاضر جو کچھ ہو دال دلیا
سمجھو اس کو پلاؤ قلیا
(اکبر الٰہ آبادی)
وفاتِ سر سید مرحوم پر
ہماری باتیں ہی باتیں ہیں سیّد کام کرتا تھا
نہ بھولو فرق جو ہے کہنے والے، کرنے والے میں
کہے جو چاہے کوئی میں تو یہ کہتا ہوں اے اکبر
خدا بخشے بہت سی خوبیاں تھیں مرنے والے میں
--------
ایک خط بنام منشی نثار حسین لکھنؤی
نامہ نہ کوئی یار کا پیغام بھیجیئے
اس فصل میں جو بھیجیئے بس آم بھیجیئے
ایسے ضرور ہوں کہ انہیں رکھ کے کھا سکوں
پختہ اگر ہوں بیس تو دس خام بھیجیئے
معلوم ہی ہے آپ کو بندے کا ایڈریس
سیدھے الٰہ آباد مرے نام بھیجیئے
ایسا نہ ہو کہ آپ یہ لکھیں جواب میں
تعمیل ہوگی، پہلے مگر دام بھیجیئے
-----------
دعوت نامہ بنام علامہ شبلی نعمانی
آتا نہیں مجھ کو قبلہ قبلی
بس صاف یہ ہے کہ بھائی شبلی
تکلیف اٹھاؤ آج کی رات
کھانا یہیں کھاؤ آج کی رات
حاضر جو کچھ ہو دال دلیا
سمجھو اس کو پلاؤ قلیا
(اکبر الٰہ آبادی)
فرخ منظور
لائبریرین
دیکھنا ہر صُبح تجھ رخسار کا
ہے مطالعہ مطلعِ انوار کا
یاد کرنا ہر گھڑی اُس یار کا
ہے وظیفہ مجھ دلِ بیمار کا
آرزوئے چشمہء کوثر نہیں
تشنہ لب ہوں شربتِ دیدار کا
عاقبت کیا ہووے گا؟ معلوم نہیں
دل ہوا ہے مبتلا دِلدار کا
مسندِ غل منزلِ شبنم ہوئی
دیکھ رتبہ دیدہء بیمار کا
اے ولی کیوں سُن سکے ناصح کی بات
جو دِوانا ہے پری رخسار کا
(ولی دکنی)
ہے مطالعہ مطلعِ انوار کا
یاد کرنا ہر گھڑی اُس یار کا
ہے وظیفہ مجھ دلِ بیمار کا
آرزوئے چشمہء کوثر نہیں
تشنہ لب ہوں شربتِ دیدار کا
عاقبت کیا ہووے گا؟ معلوم نہیں
دل ہوا ہے مبتلا دِلدار کا
مسندِ غل منزلِ شبنم ہوئی
دیکھ رتبہ دیدہء بیمار کا
اے ولی کیوں سُن سکے ناصح کی بات
جو دِوانا ہے پری رخسار کا
(ولی دکنی)
فرخ منظور
لائبریرین
صحنِ گلشن میں جب خرام کیا
سرو آزاد کو غلام کیا
کاملیت کا تجھ کو تھا دعویٰ
حق نے دعویٰ ترا تمام کیا
غمزہء شوخ نے بہ نیم نگاہ
کام عشاق کا تمام کیا
تجھ دہن نے کہ میم معنی ہے
دلِ سیماب میں مقام کیا
تا کہے خلق تجھ کو ماہِ تمام
زلف تیری کو حق نے لام کیا
گل رخاں خوف سے ہوئے یکسو
تجھ نگہہ نے جب اہمتمام کیا
تام تیرا ولی نے اے اکمل
شوق سے ورد صبح و شام کیا
(ولی دکنی)
سرو آزاد کو غلام کیا
کاملیت کا تجھ کو تھا دعویٰ
حق نے دعویٰ ترا تمام کیا
غمزہء شوخ نے بہ نیم نگاہ
کام عشاق کا تمام کیا
تجھ دہن نے کہ میم معنی ہے
دلِ سیماب میں مقام کیا
تا کہے خلق تجھ کو ماہِ تمام
زلف تیری کو حق نے لام کیا
گل رخاں خوف سے ہوئے یکسو
تجھ نگہہ نے جب اہمتمام کیا
تام تیرا ولی نے اے اکمل
شوق سے ورد صبح و شام کیا
(ولی دکنی)
ابن سعید
خادم
عرصہ ہوا کوئی تک بندی محفل کی نذر کئے ہوئے۔ سوچا آج ایک حاضر خدمت کرتا ہوں۔ پر اس بار اسے اس کے مخصوص دھاگے میں پوسٹ نہ کرکے جشن محفل کی مناسبت سے یہاں پیش کر رہا ہوں۔ (گرچہ بلند و بالا شعرا کے کلام کے درمیان اس کا رکھنا بجائے خود بے ادبی ہے۔)
میراث
وہ اک ولائتی کتے کا پھول سا بچہ
کسی امیر کے گھر میں جو ہو گیا پیدا
عجیب ناز سے ہوتی ہے پرورش اس کی
اسے ملا ہے وراثت میں دودھ کا پیالہ!
وہ ایک جابر و ظالم امیر کا بیٹا
جوا شراب زنا قتل جس کا ہے شیوہ
کہ جس کے پاؤں کے نیچے غریب کی گردن
اسے ملا ہے وراثت میں جبر کا کوڑا!
ٹھٹھرتی رات میں فٹ پاتھ پہ پڑا بچہ
ہیں والدین کہاں اس کے یہ نہیں ہے پتہ
بدن پہ تار نہیں پیٹ میں خوراک نہیں
اسے ملا ہے وراثت میں ہاتھ پھیلانا!
وہ ایک لڑکی جو نازک تھی اک کلی کی طرح
سہانے خواب سنجوئے ہوئے جو بیٹھی تھی
جہیز جیسی بلا نے نگل لئے ارمان
اسے ملا ہے وراثت میں آنسؤں کا سفر!
اور ایک میں ہوں کہ ہر وقت سوچتے رہنا
اسی کا نام ہے میراث؟ خود سے یہ کہنا
عجب تضاد کوئی سوتا کوئی روتا ہے
مجھے ملا ہے وراثت میں سوچنے کا ہنر!
--
سعود عالم ابن سعید
کتبہ: 8 مارچ، 2007
میراث
وہ اک ولائتی کتے کا پھول سا بچہ
کسی امیر کے گھر میں جو ہو گیا پیدا
عجیب ناز سے ہوتی ہے پرورش اس کی
اسے ملا ہے وراثت میں دودھ کا پیالہ!
وہ ایک جابر و ظالم امیر کا بیٹا
جوا شراب زنا قتل جس کا ہے شیوہ
کہ جس کے پاؤں کے نیچے غریب کی گردن
اسے ملا ہے وراثت میں جبر کا کوڑا!
ٹھٹھرتی رات میں فٹ پاتھ پہ پڑا بچہ
ہیں والدین کہاں اس کے یہ نہیں ہے پتہ
بدن پہ تار نہیں پیٹ میں خوراک نہیں
اسے ملا ہے وراثت میں ہاتھ پھیلانا!
وہ ایک لڑکی جو نازک تھی اک کلی کی طرح
سہانے خواب سنجوئے ہوئے جو بیٹھی تھی
جہیز جیسی بلا نے نگل لئے ارمان
اسے ملا ہے وراثت میں آنسؤں کا سفر!
اور ایک میں ہوں کہ ہر وقت سوچتے رہنا
اسی کا نام ہے میراث؟ خود سے یہ کہنا
عجب تضاد کوئی سوتا کوئی روتا ہے
مجھے ملا ہے وراثت میں سوچنے کا ہنر!
--
سعود عالم ابن سعید
کتبہ: 8 مارچ، 2007
عمار ابن ضیا
محفلین
واہ سعود بھائی! کیا ہی اچھوتا خیال لائے ہیں۔۔۔ لاجواب
محمداحمد
لائبریرین
سعود بھائی
پہلی دفعہ آپ کی کوئی تحریر پڑھنے کا شرف حاصل ہوا اور اس تحریر نے دل موہ لیا، اتنا اچھا لکھتے ہیں آپ اُسے بھی تک بندی کہتے ہیں یہ آپ کی انکساری اور بڑا پن ہے۔
بہرحال بہت عمدہ خیال اور بہت بہترین انداز، دل خوش ہوا۔ اس ناچیز کی جانب سے نذرانہء تحسین حاضرِ خدمت ہے۔ قبول کیجے۔
اللہ آپ کو شاد و آباد رکھے (آمین)