ہمارے ارد گرد بکھرے موتیوں جیسے اقوال

[سید عمران]

منزل پر عافیت سے پہنچنے کے لیے انجان راستے کے بجائے ہمیشہ معروف راستہ استعمال کرو چاہے طویل ہی کیوں نہ ہو!!!

 

[محمد عدنان اکبری نقیبی]

کسی کا اعتبار وہ دولت ہے جسے پاکر انسان محبتوں کی دولت سے مالامال ہو جاتا ہے۔

 

[محمد عدنان اکبری نقیبی]

خاموشی ایک عظیم نعمت ہے،خاص طور پر اس وقت جب اختلافات بہت زیادہ ہوں،آوازیں بلند ہوں،علم کی کمی ہو اوردلیل کی کوئی اوقات نہیں ہو۔

 

[ام اویس]

حق کا ساتھ نہ دینا منافقت ہے

 

[ام اویس]

غم کا موسم طویل ہوتا ہے اور خوشی ہوا کے جھونکے کی مانند

 

[ام اویس]

زندگی کے بدلتے حقائق سے سمجھوتہ کرلینے اور ڈھل جانے میں سکون ، عافیت اور عزت ہے

 

[ایگریمین]

مشکل وقت میں کسی بزدل سے مشورہ لینا بہت بڑی غلطی ہے ۔۔۔

 

[محمد عدنان اکبری نقیبی]

زندگی سسکی سے شروع ہو کر ہچکی پر ختم ہونے والا مختصر سفر ہے۔

 

[عرفان سعید]

علم کی بلند و بالا موجیں ہمیشہ تخیل کے سمندر میں رقص کرتی ہیں۔

 

[حمیرا عدنان]

جہاں غیرت اٹھ جائے وہاں چاردیواری بھی پردہ داری سے معذور ہو جاتی ہے

 

[لئیق احمد]

اپنی سستی اور بے صبری کے نتائج پر قسمت کو قصوروار ٹھہرانے سے کچھ حاصل نہیں ہوتا سوائے مایوسی میں اضافے کے۔

 

[ہادیہ]

میری امی کی ایک بات جو ہمیشہ ہم بہن بھائیوں کو کہتی ہیں۔ آپ کچھ بھی سمجھ لیں نصیحت یا قول۔
"کبھی دسترخواں پر بیٹھ کر نعمت کی ناشکری مت کرنا کیونکہ بہت سے لوگ ہیں اس دنیا میں جنہیں یہ نعمتیں بھی نصیب نہیں ہوتی۔"

 

[محمد وارث]

میری امی کی ایک بات جو ہمیشہ ہم بہن بھائیوں کو کہتی ہیں۔ آپ کچھ بھی سمجھ لیں نصیحت یا قول۔
"کبھی دسترخواں پر بیٹھ کر نعمت کی ناشکری مت کرنا کیونکہ بہت سے لوگ ہیں اس دنیا میں جنہیں یہ نعمتیں بھی نصیب نہیں ہوتی۔"

بات تو سولہ آنے کھری ہے، لیکن ساری امیاں ایسی بات اُس وقت کرتی ہیں جب بچوں کو ان کی کوئی ناپسند کی ڈش کھلانی ہوتی ہے۔

 

[محمد وارث]

-

 

[ہادیہ]

بات تو سولہ آنے کھری ہے، لیکن ساری امیاں ایسی بات اُس وقت کرتی ہیں جب بچوں کو ان کی کوئی ناپسند کی ڈش کھلانی ہوتی ہے۔

ہاہاہا۔آپ نے وہی بات کی جو ہم اکثر جواب میں اپنی امی کو کہتے ہیں۔ خاص طور پر تب جب ساگ پکاہو
امی کہتی ہیں رزق کی ناشکری مت کرو اور دوسرا ضائع مت کرو۔ یہ بھی اچھی بات ہے نا ہمیں شکر ادا کرنا ہی سیکھاتی ہیں نخرا کرنا نہیں

 

[محمد عدنان اکبری نقیبی]

جس طرح شبنم كے قطرے مرجھائے پھولوں کو زندگی بخشتے ہیں ، اسى طرح اللہ كا ذكر دلوں كو روشنى بخشتا ہے۔

 

[محمد عدنان اکبری نقیبی]

گھڑی کی سوئی کی حرکت کو معمولی مت سمجھو،یہ زندگی کے درخت پر کلہاڑی کے وار ہیں۔

 

[لئیق احمد]

لیکن ساری امیاں ایسی بات اُس وقت کرتی ہیں

ساری امیاں نہیں۔

 

[سید عمران]

ذکر اللہ گناہوں سے بچنے میں بھی مدد دیتا اور دل کو ایسا سکون دیتا ہے جو پوری کائنات میں کہیں اور نہیں ملتا!!!

 

[محمد عدنان اکبری نقیبی]

بیٹیاں جوان ہوجائیں،تو شک کی دیوار اونچی کرنے کے بجائےمحبت کی رسی کو دراز کرلینا زیادہ بہتر ہوتا ہے کیونکہ محبت کی لگام تربیت پرآنچ نہیں آنے دیتی ہے۔