"یاد" کے موضوع پر اشعار!

[تیشہ]

جانے کب ہاتھ لگے یاد کا موتی کوئی
جانے کب لفظ سجے نام تمھارے کی مثال

بےسبب کیسے طبعیت ہو سخن پر مائل
کوئی ترغیب تو ہو تیرے اشارے کی مثال

ہم کبھی ٹوٹ کے روئے نہ کبھی کھل کے ہنسے
رات شبنم کی طرح صبح ستارے کی مثال

نا سپاسی کی بھی حد ہے جو یہ کہتے ہو فراز
زندگی ہم نے گزاری ہے گزارے کی مثال ، ، ۔

 

[شمشاد]

زخم تمنا کا بھر جانا گویا جان سے جانا ہے
اس کا بھلانا سہل نہیں ہے خود کو بھی یاد آؤ گے
(احمد فراز)

 

[تیشہ]

کتنے خدشات تیری یاد تک آتے آتے
کھا گئے مات تیری یاد تک آتے آتے

ڈوب جاتے ہیں بلاخیز سمندر میں کہیں
میرے حالات تیری یاد تک آتے آتے

سینکڑوں رنگ بکھیر آتی ہے ویرانوں میں
تیری ہر بات تیری یاد تک آتے آتے ۔

 

[راجہ صاحب]

یہ میرے چاروں طرف کس لیے اجالا ہے
یہ تیری یاد ہے کہ دن نکلنے والا ہے
یقیں مانو میں کب کا بکھر گیا ہوتا
تمھاری یاد نے اب تک مجھے سنبھلا ہے

 

[عمر سیف]

شعر لوگوں کے بہت یاد ہیں اوروں کے لیے
تو ملے تومیں تجھے شعر سناؤں اپنے

 

[تیشہ]

زلفُ تیری تیرے چہرے سے اچانک ہٹ گئی
یوں لگا جیسے اماوس ٹکڑیوں میں بٹ گئی

میں نے چاہا تھا سمیٹوں ایک بکھرے شخص کو
کتنے ٹکڑوں میں نہ جانے ذات میری بٹ گئی

اک تمھاری یاد ہی بس پاس اپنے رہ گئی
اک محبت تھی منانے روٹھنے میں کٹ گئی

ہر حسین منظر پہ دیکھوں اِک خزاں سی چھاگئی
اکِ تیرے جانے سے دل کی ہر تمنا گھٹ گئی

جب بھی سوچا بھول جاؤن میں اُسے ارشد
یاد اُسکی میری سوچوں کے مقابل ڈٹ گئی ۔۔ ۔۔

 

[راجہ صاحب]

روزِ غم میں کیا قیامت ہے شبِ عشرت کی یاد
اشکِ خوں سے آ گئیں رنگینیاں صحبت کی یاد

میری حالت دیکھ لو تغیر کتنی ہو چکی
وصل کے دن دمبدم کیوں شیشہ ساعت کی یاد



(مصطفٰی خان شیفتہ)

 

[شمشاد]

سَو حوالوں سے تجھے یاد کروں جانِ فراز
جانِ جاں، جانِ جہاں، جانِ سخن، جانِ کلام
(احمد فراز)

 

[راجہ صاحب]

پھر اس کی یاد چلی یوں ہاتھ تھام کے
میلے میں‌اس جہان کے کھونے نہیں دیا

 

[تیشہ]

موسم ِگلُ میں بھلا کیسے اسے یاد کریں
وہ جو اِک شخص عذابوں میں نہیں ملتا

لفظ بے رنگ لبادوں میں اُڑے پھرتے ہیں
اب کوئی حرف حجابوں میں نہیں ملتا

 

[راجہ صاحب]

دشتِ تنہائی میں اے جانِ جہاں، یوں رکھا ہے
اس وقت دل کے رخسار پہ تیری یاد نے ہاتھ
یوں گماں ہوتا ہے، گرچہ ہے ابھی صبحِ فراق
ٹھل گیا ہجر کا دل ، آ بھی گئی وصل کی رات


(فیض احمد فیض)

 

[عمر سیف]

کیسے رہا کرے گا اب اپنے اسیر کو
زنجیر تیری یاد ہے، زنداں تیرا خیال ۔۔

 

[راجہ صاحب]

آئی مجھے انکی یاد میرا دل ٹھہر گیا
دعوی غم ِ فراق کا باطل ٹھہر گیا

 

[کاشفی]

یاد

رہتا ہے عبادت میں ہمیں موت کا کھٹکا
ہم یادِ خدا کرتے ہیں، کر لے نہ خدا یاد
(داغ دہلوی)

 

[شمشاد]

زخم تمنا کا بھر جانا گویا جان سے جانا ہے
اس کا بھلانا سہل نہیں ہے خود کو بھی یاد آؤ گے
(فراز)

 

[کاشفی]

یاد

چھلکتے نہ دیکھی جو ساغر میں صہبا
سنا آج ساقی کو ہم یاد آئے
(بہزاد لکھنوی)

 

[شمشاد]

بچا لے گا تجھے صحر کی تپتی دھوپ سے تیمور
کسی کی یاد کا سایا، غلط فہمی میں مت رہنا
(تیمور)

 

[راجہ صاحب]

یادوں کے اضطراب نے ریکھائیں کھینچ دیں
ورنہ میرے سکُون کا کاغذ سفید تھا

 

[شمشاد]

محبتوں نے کسے کی بُھلا رکھا تھا اُسے
ملے وہ زخم کہ پھر یاد آ گیا اِک شخص
(عبد اللہ علیم)

 

[راجہ صاحب]

یاد بھی ہیں اے منیر اس شام کی تنہائیاں
ایک میدان ، اک درخت اور تو خدا کے سامنے

منیر نیازی