"یاد" کے موضوع پر اشعار!

[عمر سیف]

یہ سخن جو ہم نے رقم کیے، یہ ہیں سب ورق تیری یاد کے
کوئی لمحہ صبح وصال کا کئی شام ہجر کی مدتیں

 

[نوید ملک]

خود کو تيری ياد سے رہائی نہ دی
الزام ہر بار نيا ملا مگر اپنی صفائی نہ دی
ہم سے پيار جتانے آئے بہت لوگ
مگر خود کو کسی سے آشنائی نہ دی

 

[عمر سیف]

سانس لینے ہی نہیں دیتا یہ وقفہ کام کا
کچھ ذرا فرصت ملے تو یاد آئے یار بھی

 

[نوید ملک]

یاد آتا ہے روز و شب کوئی
ہم سے روٹھا ہے بے سبب کوئی

 

[تیشہ]

سلگُ رہی ہیں اگربتیاں سی مجھ میں وصی
تمھاری یاد نے مہکا دیا،جلا بھی دیا ۔

 

[عمر سیف]

یونہی بےوجہ بھٹکنے کی ضرورت کیا تھی
دمِ رخصت میں اگر یاد نہ آیا ہوتا

 

[عیشل]

جانے کیوں ہر امتحان کے لیئے
زندگی کو ہمارا پتا یاد ہے

 

[عمر سیف]

ڈوبتی شام کا سایہ ہوں میں ڈھل جاؤں گی
تیری دُنیا سے کہیں دور نکل جاؤں گی
اس کی یادوں کو سجاؤں گی لہو سے شہناز
کر کے تعمیر حسیں تاج محل جاؤں گی

 

[نوید ملک]

وقت جوں جوں رائیگاں ہوتا گیا
زندگی کو کام یاد آنے لگے

 

[عمر سیف]

دِل میں ہر وقت چبھن رہتی ہے
تھی مجھے کس کی طلب یاد نہیں

 

[تیشہ]

مجھکو شام ہجر کی یہ جلوہ آرائی بہت
مہکی مہکی یاد تیری اور تنہائی بہت

ڈوب کر ان جھیل سی آنکھوں میں جب غزلیں کہیں
میرے ان شعروں میں تب آئی ہے گہرائی بہت

 

[عمر سیف]

اجنبی دوست ہمیں دیکھ کر
کچھ تجھے یاد دلانے آئے

 

[نوید ملک]

یاد سمندر پار جو کرنا پڑتا ہے
گویا انگاروں پہ چلنا پڑتا ہے

 

[عمر سیف]

میں‌ تری یاد کو اس دل میں لیے پھرتا ہوں
جیسے فرہاد نے سینے میں‌ لگائے پتھر

 

[نوید ملک]

بس ایک ہی مسئلہ میرا دل
بس ایک ہی حوصلہ تری یاد

 

[عمر سیف]

یہ کس نے آج جگائی ہے عہدِ رفتہ کی یاد
یہ کون دل کے قریں آج نوحہ خواں سا ہے

 

[نوید ملک]

اب یاد نہیں آتا مجھے کون ہوں کیا ہوں
دنیا کی عنایت ہے کہ سب بھول گیا ہوں

 

[عمر سیف]

بیٹھے بٹھائے آنکھ سے آنسو چھلک پڑے
پھر آج اُن کی یاد نے تڑپا کہ رکھ دیا

 

[تیشہ]

ہماری یاد کے جگنو سنبھال کے رکھئیے
کہیں تو رات پڑے گی جناب رستے میں

چلے ہیں آج تو پیروں میں گڑگئے کانٹے
کٹی ہے عمر کھلاتے گلاب رستے میں ۔

 

[عمر سیف]

یاد کے بےنشاں جزیروں سے
تیری آواز آ رہی ہے ابھی