یوں

[عمر سیف]

علم نے خیر نہ چاہی کبھی انسانوں کی
ذرے برباد یونہی نہیں ویرانوں کے

 

[عیشل]

ہم تو وہ لوگ ہیں جو
نہ کسی کے دستِ شمار میں ہیں
نہ کسی کی نگاہ کے حصار میں ہیں
یوں
جیسے کوئی ہو صدیوں کا بے انت سفر
صحرا صحرا پھرتا کوئی خاک بسر
کیا پوچھتے ہو کہ ہم کون ہیں
ہم تو جگنو بھی نہیں ہیں
کہ کسی کی آنکھ میں چمکتے
کسی کو سنوارتے
ہم تو آنسو کی طرح ہیں
آنکھ سے ٹپکے اور ڈوب گئے
محبت کی آس میں
گھر سے نکلے اور بے سمت مسافت میں
در بدر پھرتے ہوئے
کسی بے نام شام کی نذر ہوئے۔۔۔۔

بہت خوب ۔۔۔

شکریہ

 

[عیشل]

ہم تو وہ لوگ ہیں جو
نہ کسی کے دستِ شمار میں ہیں
نہ کسی کی نگاہ کے حصار میں ہیں
یوں
جیسے کوئی ہو صدیوں کا بے انت سفر
صحرا صحرا پھرتا کوئی خاک بسر
کیا پوچھتے ہو کہ ہم کون ہیں
ہم تو جگنو بھی نہیں ہیں
کہ کسی کی آنکھ میں چمکتے
کسی کو سنوارتے
ہم تو آنسو کی طرح ہیں
آنکھ سے ٹپکے اور ڈوب گئے
محبت کی آس میں
گھر سے نکلے اور بے سمت مسافت میں
در بدر پھرتے ہوئے
کسی بے نام شام کی نذر ہوئے۔۔۔۔

خوب۔!!

شکریہ

 

[سارہ خان]

یوں اُداس اُداس پِھرنا، یہ کسی سے کچھ نہ کہنا
یوں بے سبب نہیں ہے، کوئی حادثہ تو ہو گا

 

[عمر سیف]

وہ زمانوں کے لیے روشنی کر جاتے ہیں
لوگ جل بجھتے ہیں یونہی شراروں کی طرح

 

[سارہ خان]

نہ اب وہ یادوں کا چڑھتا دریا، نہ فرصتوں کی اداس برکھا
یوں ہی ذرا سی کسک ہے دل میں، جو زخم گہرا تھا بھر گیا وہ

(ناصر کاظمی)

 

[عمر سیف]

یوں تو ہم آگاہ تھےصیاد کی تدبیر سے
ہم اسیرِ دام گل اپنی خودی سے ہو گئے

 

[عیشل]

یہ کشش تھی میرے خیال کی جو یوں تھم گئے ہیں تیرے قدم
یہ تیری ادائے دلبری میری چاہتوں کی اسیر ہے

 

[شمشاد]

یوں بعدِ ضبطِ اشک پھروں گرد یار کے
پانی پیے کسو پہ کوئی جیسے وارکے
(غالب)

 

[عمر سیف]

اسے گماں ہی نہ تھا جیسے میرے ہونے کا
میرے قریب سے یوں بے خبر گیا کوئی

 

[شمشاد]

جوں اعتماد نامہ و خط کا ہو مہر سے
یوں عاشقوں میں ہے سببِ اعتبار داغ
(غالب)

 

[عمر سیف]

یوں اپنے شہر میں گُم ہو گیا ہوں
کہ ہر رستہ نیا لگنے لگا ہے

 

[شمشاد]

مہر بجائے نامہ لگائی بر لبِ پیکِ نامہ رساں
قاتلِ تمکیں سنج نے یوں خاموشی کا پیغام کیا
(غالب)

 

[عمر سیف]

یوں تو دن دھاڑے بھی لوگ لوٹ لیتے ہیں
لیکن اُن نگاہوں کی اور ہی سیاست تھی

 

[شمشاد]

سدِّ اسکندر ہو از بہرِ نگاہِ گُل رخاں
گر کرے یوں امر نہئیِ بو تراب آئینے پر
(غالب)

 

[عمر سیف]

شب کو رہنے دو یوں ہی شام و سحر کا پیوند
ڈر کے ظلمات سے بنیادِ جدائی نہ رکھو

 

[شمشاد]

برگِ گل کا ہو جو طرفانِ ہوا میں عالم
اُس کے جولاں میں نظر آئے ہے یوں دامنِ دیں
(غالب)

 

[عمر سیف]

آنکھوں سے پَوچنے سے لگا آنچ کا پتہ
یوں چہرہ پھیر لینے سے چھپتا نہیں دھواں

 

[شمشاد]

کبھی نہ امتحاں لینا یوں پیار میں سچوں کا
محبت نے جھکایا ہے سر اچھے اچھوں کا

 

[عمر سیف]

دم نظارہ میری حیرتوں پہ غور نہ کر
کہ میری آنکھ ازل سے یوں ہی سوالی ہے