ی۔ ہ۔ و ۔۔ نئی لڑی نمبر 20

[سیما علی]

کائی کو پنجابی میں اُلی کہتے ہیں ۔۔؛؛
اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔
ی۔ ہ۔ و ۔۔ نئی لڑی نمبر20

 

[سیما علی]

قلم سے ناتا بہت مضبوط ہے لکھنے والے کا؀
ہم پہ واجب ہوا قلم کا جہاد
اور قلم میں بلا کی قوت ہے

 

[سیما علی]

فجر کی نماز کے بعد جو سکون ملتا ہے وہ بیان سے باہر ہے۔ویسے تو پانچ وقت کی نماز اللہ پاک کی وہ نعمتِ عظمیٰ ہے ۔جو ہمارے پیارے اور آخری نبی صلَّی اللہ علیہ واٰلہٖ وسلَّم کو تحفے میں ملی ہے ۔۔

 

[عبدالقدیر 786]

فجر کی نماز کے بعد جو سکون ملتا ہے وہ بیان سے باہر ہے۔ویسے تو پانچ وقت کی نماز اللہ پاک کی وہ نعمتِ عظمیٰ ہے ۔جو ہمارے پیارے اور آخری نبی صلَّی اللہ علیہ واٰلہٖ وسلَّم کو تحفے میں ملی ہے ۔۔

غفلت کی نیند سوئے ہوئے ہیں بہت سے لوگ ابھی تک یہ نعمت بھی ہر کسی کے نصیب میں نہیں ۔

 

[یاسر شاہ]

عبد القدیر بھائی آپ شکر ادا کریں کہ آپ کو نیک توفیق ہو گئی ۔

 

[محمد عبدالرؤوف]

ظاہر ہے یہ توفیق من جانب اللہ ہی ہے۔

 

[محمد عبدالرؤوف]

طائرانِ بلادِ اردو محفل، السلام علیکم و رحمۃ اللہ وبرکاتہ

 

[یاسر شاہ]

ضروري ہے وعلیکم السلام

 

[یاسر شاہ]

صبح سویرے اٹھنا کیسا لگتا ہے روفی بھائی؟

 

[محمد عبدالرؤوف]

صبح کیسی ہے آپ کے ہاں۔ یعنی کہ موسم اور آپ کا حال چال؟

 

[محمد عبدالرؤوف]

صبح سویرے اٹھنا کیسا لگتا ہے روفی بھائی؟

شام ہو یا صبح ہر ایک کا اپنا مزا ہے لیکن صبح تو جیسے انسان کی بیٹری کو چارج کر دیتی ہے۔

 

[یاسر شاہ]

شب کے بعد صبح کا آنا ایک نعمت عظمیٰ ہے۔باطن پر بھی گہرا اثر ڈالتی ہے۔

 

[یاسر شاہ]

سویرااترتا ہے باطن میں ورنہ رات بھر جاگنے، فجر سے قبل سو جانے اور دوپہر میں اٹھنے سے انسان کے تخیل پہ بھی تاریکی اور دھوپ منڈلاتی ہے۔

 

[محمد عبدالرؤوف]

سویرے سویرے اگر کچھ بادل ہوں تو پھر آپ آسمان پر طرح طرح کی پیٹنگز بھی دیکھ سکتے ہیں 😊

 

[یاسر شاہ]

زبردست کینوس معلوم ہوتا ہے آسمان

 

[یاسر شاہ]

روتی باتیں یوں ہی نہ کرتے تھے میر صاحب:

عہد جوانی رو رو کاٹا پیری میں لیں آنکھیں موند
یعنی رات بہت تھے جاگے صبح ہوئی آرام کیا

 

[محمد عبدالرؤوف]

رہیں نہیں وہ باتیں اب۔ ورنہ بچپن میں بادلوں میں کبھی کسی بوڑھے کو لاٹھی ٹیکتے دیکھتے تھے اور کبھی کسی بھیڑ بکری کو 😄

 

[یاسر شاہ]

ذیشان قول ہے بزرگوں کا
صبح کی ہوا۔لاکھ کی دوا

 

[محمد عبدالرؤوف]

ذکر کرتے ہی بچپن کا جیسے من کے اندر ایک کھڑکی سی کھل جاتی ہو۔ اور وہاں ہلکی ہلکی ٹھنڈی ٹھنڈی ہوا چلنے لگتی ہو

 

[یاسر شاہ]

ڈھول اتار دیا آپ نے ماضی کے کنویں میں تو اقبال کی نظم یاد آگئی۔آپ کی کیفیت کی ترجمان،پڑھیے اور سر دھنیے :

عہدِ طفلی (بانگ درا سے)

تھے دیارِ نو زمین و آسماں میرے لیے
وسعتِ آغوشِ مادر اک جہاں میرے لیے
تھی ہر اک جنبش نشانِ لطفِ جاں میرے لیے
حرفِ بے مطلب تھی خود میری زباں میرے لیے

درد ، طفلی میں اگر کوئی رلاتا تھا مجھے
شورشِ زنجیرِ در میں لطف آتا تھا مجھے

تکتے رہنا ہائے! وہ پہروں تلک سوئے قمر
وہ پھٹے بادل میں بے آواز پا اس کا سفر
پوچھنا رہ رہ کے اس کے کوہ و صحرا کی خبر
اور وہ حیرت دروغِ مصلحت آمیز پر