ط ایک حرف ہے جس کو ت نہیں کہہ سکتے۔
----
اگرچہ رنج و غم طاری ہونے سے انسان کو ایک طرح کی پستی محسوس ہوتی ہے لیکن میرا خیال ہے کہ اگر درد و غم اور رنج نہ ہوتے تو انسان اس مادی زندگی میں مست ہو کر روح کی گہرائیوں میں غوطہ نہ لگاتا اور نہ ہی اس میں دوسروں کے لیے درد دل پیدا ہوتا ، نہ اسے صبر سےتکمیل نفس کی مشق ہوتی۔
جن لوگوں کو مادی اسباب حیات کی فراوانی اور دنیاوی کامیابی سے ہمیشہ مسرت ہی محسوس ہوتی ہے ایسے لوگوں کا شعور نہایت سطحی ہوتا ہے اور وہ اسرار حیات سے بیگانہ ہوتے ہیں۔ محرومی و ناکامی سے دل پر چوٹ لگتی ہے جو چشم بصیرت کو وا کرتی ہے۔ چوٹ کھا کر دل زیادہ بصیر و علیم ہو جاتے ہیں غالبا درجہ حیات میں ان کی قیمت بڑھ جاتی ہے
تو بچا بچا کے نہ رکھ اسے تیرا آئینہ ہے وہ آئینہ
جو شکستہ ہو تو عزیز تر ہے نگاہ آئینہ ساز میں
غم و الم کی پستی بھی انسان کو بلند کرنے کا ایک لازمی ذریعہ ہے۔
بحوالہ : رین بسیرا ، الطاف سویرا
ابوالوفا حضرت صدیق احمد سیدوی رحمۃ اللہ علیہ کے خطوط و مضامین کا مجموعہ
ترتیب و تحقیق: لیفٹیننٹ کرنل الطاف محمود ہاشمی ، صفحہ 28
