ی۔ ہ۔ و ۔۔ نئی لڑی نمبر 20

[طارق شاہ]

مجھے آپ کی تشریحِ میوہ جات
شرحِ غلام رسول مہر سے خوب لگی

 

[شمشاد]

لانڈی سے لیکر لنڈی کوتل تک میری تشریح کی دھوم مچ گئی ہے۔

 

[طارق شاہ]

گرز، اور نقد انعام آپ کے لئے مختص ہُوا، جناب ! (لانڈھی پورے پاکستان میں صرف کراچی میں ہی ہے شاید)

 

[الف عین]

کراچی لاہور کے مقامات ہم ہندوستانی کیا جانیں، ہم تو دہلی ممبئی کولکاتا کے مشہور علاقے ہی جانتے ہیں۔

 

[شمشاد]

قبلہ اعجاز بھائی آپ کو تو لانڈھی اور لنڈی کوتل کا علم ہونا چاہیے۔

لنڈی کوتل افغانستان کے ساتھ پاکستانی علاقہ ہے اور لانڈھی کراچی کا ایک علاقہ ہے۔ لکھنے والے نے لانڈھی سے لنڈی کوتل میں قافیہ ملا کر پورے پاکستان کا احاطہ کر لیا ہے یعنی کہ پشاور سے کراچی تک۔

 

[طارق شاہ]

فدوی کے ذہن میں ایسے اور بھی محاورے ہیں ، جیسے
لال قلعہ سے لالو کھیت ،
کھویا پہاڑگنج میں اور ڈھونڈیں دریا گنج میں
محبوب نگر کی باتیں یا محبوب بازار کے چکر
وغیرہ وغیرہ

 

[شمشاد]

غالباً آپ محاوروں پر زور دے رہے ہیں جبکہ میں پورے پاکستان کی بات کر رہا تھا۔

 

[طارق شاہ]

عرض اس لئے کیا تھا صاحب! کہ "لانڈھی سے لنڈی کوتل" بھی
لال قلعہ سے لالو کھیت ، ہی کی طرز پر یعنی ایک جگہ سے دوسری
جگہ تک (لمبائی ،طوالت تا دُور تک، بات پہنچی تری جوانی تک) کے محاورے کی طرح ہے ۔
اور علاقوں کو اپنے بات کی دلیل یا مطابقت سے، دوسرے محاورے بھی

 

[الف عین]

فالتو محاورے اس قسم کے اردو میں بہت زیادہ ہیں۔

 

[زلفی شاہ]

ظاہر ہے ماضی کی طرح ایک دفعہ پھر میرے استاد مکرم سے بھول ہو گئی۔

 

[طارق شاہ]

طبیعت بخیر و خوشحال، زلفی شاہ صاحب !
بہت دن بعد نظر آئے بھائی
استاد اور مجھے بھی، کابلی بادام بھجوادیں کہ افاقہ کے ساتھ
لفظ کھانے کے بجائے بھیجی سوغات کھائی جائے
شمشاد بھائی نے تو چلغوزے مہنگے ہیں کہہ کر جان چُھڑوائی تھی
پچھلی فرمائش سے

 

[الف عین]

ضرور، نیکی اور پوچھ پوچھ۔ مجھے واقعی میووں کی بہت ضرورت ہے

 

[طارق شاہ]

صابر ہیں انتظار میں ہر چیز کی بہت !
ہر گز خیال آئے نہ ہم بُھول جائیں گے

بادام، ہمیں بادامی باغ کی طرح ہی یاد رہے گا، شاہ صاحب !

 

[شمشاد]

شاید آپ کو معلوم نہیں کہ بادام یادداشت کو بہتر تو کرتے ہیں بشرطیکہ اپنے پلے سے خرید کر کھائے جائیں۔ دوسروں کی جیب سے خرید کر کھائے گئے بادام بالکل بھی مدد نہیں کریں گے۔

 

[طارق شاہ]

سوہنے سرکار! اگر بادام پلے سے کھائیں گے تو یادداشت آئے نہ آئے
ہمارا ذہنی توازن ضرور جائے گا۔
آپ کی بالا بات نے اور زلفی شاہ صاحب کی خاموشی نے بادام کی آمد کو
آمدِ بہار کی طرح ہی مشکوک کردیا ہے

 

[شمشاد]

زلفی بھائی کے پلے سے کھا لیں، وہ بھی صحیح کام کریں گے۔ آپ کی یاد داشت بھی ٹھیک رہے گی اور ذہنی توازن بھی کہیں نہیں جائے گا۔

 

[الف عین]

ریڑھ لگ جانا بھی ایک محاورہ ہوتا ہے، کیا طارق شاہ اس سے واقف ہیں؟ دوسروں کے پلے سے بادام کھانے میں دماغ کی یہی حالت ہوتی ہے بقول شمشاد

 

[طارق شاہ]

ذکر ریڑھ پر یاد آیا کہ یہ ریڑھ لگنا اور ریڑھ مارنا
دونوں طرح سے استعمال کیا جاتا ہے
کسی کو مستعار دے ہوئی چیز صحیح حالت میں نہ ملنے پر شکایتاََ کہ
آپ نے اس کی ریڑھ ماردی ، اور اس کی ریڑھ لگادی بھی

 

[شمشاد]

ڈیڑھ گھنٹہ ہو گیا ہے مجھے دفتر آئے ہوئے اور ابھی تک صرف ایک دفعہ چائے آئی ہے۔

 

[جیہ]

دل دکھانے کی بات کی آپ نے