‘زلف‘

[عرفان سرور]

جئیں گے جو وہ دیکھیں گے بہاریں زلف جاناں کی
سنوارے جائیں گے گیسوئے دوراں ہم نہیں ہوں گے

 

[شمشاد]

لپٹے کبھی شانوں سے کبھی زُلف سے اُلجھے
کیوں ڈُھونڈھتا رہتا ہے سہارے تیرا آنچل
(محسن نقوی)

 

[عرفان سرور]

بکھرے ہے زلف اس رخِ عالم فروز پر
ورنہ بناؤ ہووے نہ دن اور رات کا

 

[شمشاد]

آنچل میں رَچے رنگ نکھاریں تیری زلفیں
اُلجھی ہوُئی زُلفوں کو سنوارے تیرا آنچل
(محسن نقوی)

 

[عرفان سرور]

جوگ لیا 'آشفتہ' ہم نے، دیکھ لٹک اُن زلفوں کی
گلیوں گلیوں حال پریشاں، بال بکھیرے پھرتے ہیں

عظیم الدین آشفتہ

 

[شمشاد]

اللہ رے سکونِ قلب اس کا، دل جس نے لاکھوں توڑ دئیے
جس زلف نے دنیا برہم کی وہ آپ کبھی برہم نہ ہوئی
(فانی بدایونی)

 

[عرفان سرور]

وہ تو یہ کہیئے خیال زُلف پیچاں آگیا
ورنہ دیوانے بھی رُکتے ہیں کبھی زنجیر سے۔۔۔!

 

[شمشاد]

حیات چیختی پھرتی برہنہ سر اور میں
گھنیری زلفوں کے سائے میں چھپ کے جی لیتا
(ساحر لدھیانوی)

 

[عرفان سرور]

یہ بھی کوئی ہوا تھی کے زُلفیں بکھر گئیں
تم سے ذرا سا روپ سنبھالا نہیں گیا۔۔۔!

 

[راجہ صاحب]

ہے ترا سلسلہء زلف بھی کتنا دل بند
پھنسنے سے پہلے بھی مشکل تھا چھٹانا دل کا
شیفتہ

 

[شمشاد]

اسی کے زلف و رُخ کا دھیان ہے شام و سحر مجھ کو
نہ مطلب کُفر سے ہے اور نہ ہے کچھ کام ایماں سے"
(چچا)

 

[راجہ صاحب]

بلائیں تیری زُلفوں کی لے رہا ہوں میں
کہیں یہ بلائیں میرے سر ہو نہ جائیں
کلیم عاجز

 

[شمشاد]

چہرے پہ میرے زلف کو پھیلاؤ کسی دن
کیا روز گرجتے ہو برس جاؤ کسی دن
(امجد اسلام امجد)

 

[راجہ صاحب]

کیجے آہوئے ختن کو خضرِ صحرائے طلب
مشک ہے سنبلستانِ زلف میں گردِ سواد
غالب

 

[شمشاد]

کیا کیا اُلجھتا ہے تری زلفوں کے تار سے
بخیہ طلب ہے سینہء صد چاک شانہ کیا؟
(حیدر علی آتش)

 

[کاشفی]

صبح وصال دور تو اتنی نہیں مگر
راتیں ہیں بیچ میں تری زلفِ سیاہ کی
(مرزا ذاکر حسین صاحب ثاقب قزلباش لکھنوی)

 

[عرفان سرور]

ذوق نے ہو زلف کو چھیڑا تو لے مجھ سے قسم
تونے خود چھیڑا اُسے اور برہم اتنا ہوگیا
(ذوق)

 

[کاشفی]

اس رخ و زلف کی تسبیح ہے یاں اکثر میر
درد اپنا یہی اب شام و سحر ہم نے کیا
(میر تقی میر)

 

[شمشاد]

​

اُلجھی ہوُئی زُلفوں کو سنوارے تیرا آنچل​

اسوقت ہے تتلی کی طرح دوشِ ہوَا پر​

محسن نقوی​

 

[کاشفی]

رُخ نہیں صبح سے کم، زلف نہیں رات سے کم
اُس پری کا نہیں عالم بھی طلسمات سے کم
(شاعر: مجھے معلوم نہیں)