‘زلف‘

[شمشاد]

لتھڑی ہوئی تھی خون میں ہر زلفِ آرزو
جوشِ جنوں میں ہم مگر سنوارے چلے گئے
خالد حفیظ

 

[عرفان سرور]

اُسکی زُلفیں بہت گھنیری ہیں
ایک شب کا قیام اور سہی۔۔۔!
بشیر بدر

 

[شمشاد]

آنکھ ہے ترک زلف ہی صیاد
دیکھیں دل کا شکار کون کرے
داغ دہلوی

 

[عرفان سرور]

ادھر خیال میرے دل میں زُلف کا گزرا
اُدھر وہ کھاتا ہوا دل میں پیچ و تاب آیا۔۔۔!
بہادر شاہ ظفر

 

[شمشاد]

تو جو اے زلف پریشان رہا کرتی ہے
کس کے اجڑے ہوئے دل میں ہے ٹھکانا تیرا
داغ دہلوی

 

[عرفان سرور]

ذرا اُن کی شوخی تو دیکھیے لیے زُلف خم شدہ ہاتھھ میں
میرے پہچھے آئے دبے دبے مُجھے سانپ کہہ کے ڈرا دیا۔۔۔!
بہادر شاہ ظفر

 

[شمشاد]

زلف بل کھا رہی ہے ماتھے پر
چاندنی سے صبا لڑی ہو گی
ساغری صدیقی

 

[عرفان سرور]

ہو آئیں خضر بھی اس راہ میں تو ہوں گمراہ
ہیں ان کے زلفوں کی راہوں میں پیچ و خم سو سو

 

[شمشاد]

میں روندنے کی چیز تھا کسی کے پاؤں سے مگر
کبھی کبھی تو زلف میں سجا لیا گیا مجھے
قتیل شفائی

​

 

[عرفان سرور]

زلف سے بے وجہ خطِ سبز ہم پہلو نہیں
ہے لہکتا عشق پیچاں سنبلِ پُر خم کے پاس

 

[شمشاد]

اڑتی ہوئی زلف یوں پریشاں
جیسے کوئی راہ بھول جائے
(ناصر کاظمی)

 

[عرفان سرور]

زلف میں بل اور کاکل پر خم پیچ کے اوپر پیچ پڑا
وہ ہوئی سرکش یہ ہوئی بر ہم پیچ کے اوپر پیچ پڑا

 

[شمشاد]

آئینہ سے بنے گا رُخ یار کا بناؤ
شانے سے ہو گئ زلفِ شکن در شکن درست
(حیدر علی آتش)

 

[عرفان سرور]

الفت جو زلف سے ہے دلِ داغ دار کو
طاؤس کو یہ عشق نہ ہو گا سحاب کا

 

[شمشاد]

دل پیچ میں تقدیر کے پابند پھرو اس پر
طرہ ہے تری زلف کا خم اور زیادہ
(داغ دہلوی)

 

[عرفان سرور]

مرا دل تو دیوانہ پیچھے بنا ہے
بنی تھی تری زلف زنجیر پہلے

 

[شمشاد]

​

کیا ہی چین خوابِ عدم میں تھا، نہ تھا زلفِ یار کا کچھ خیال​

سو جگا کے شور ظہور نے مجھے کس بلا میں پھنسا دیا​

(نیاز بریلوی) ​

 

[عرفان سرور]

موج نسیم صبح کے قربان جائیے
آئی ہے بوئے زُلف معنبر لیے ہوئے۔۔۔!

 

[شمشاد]

​

کبھی کبھی مرے دل میں خیال آتا ہے

کہ زندگی تری زلفوں کی نرم چھاؤں میں
گزرنے پاتی تو شاداب ہو بھی سکتی تھی

یہ تیرگی جو مری زیست کا مقدر ہے
تری نظر کی شعاعوں میں کھو بھی سکتی تھی
(ساحر لدھیانوی)

 

[راجہ صاحب]

نیند اُس کی ہے، دماغ اُس کا ہے، راتیں اُس کی
تیری زلفیں جس کے بازو پر پریشاں ہو گئیں
غالب