‘زلف‘

[شمشاد]

​

پھر درِ دل پہ جنوں آکے پکارا،ہشیار!​

پھر وہی سلسلہء زلفِ پریشاںدیکھا​

(عابد لاہوری)​

 

[کاشفی]

زلفِ ہستی کو سنوارتے ترے گیسو کی طرح
کام تھا گرچہ بہت سخت مگر ہم نے کیا
(آل احمد سرور)

 

[معاویہ وقاص]

دل اس کی زلف میں الجھا ہے کب سے
ظفر اک روز سلجھایا تو ہوتا

بہادر شاہ ظفر

 

[شمشاد]

معاویہ وقاص صاحب اردو محفل میں خوش آمدید۔ اپنا تعارف تو دیں۔

 

[عمر سیف]

اُس زُلف کا کیا کہنا جو دوش پہ لہرائے
سمٹی تو بنی ناگن، پھیلی تو گھٹا چھائے

 

[شمشاد]

زلف کے بار سے کمر لچکے
کس قدر نازک اے میاں ہو تم
(میر مہدی مجروح)

 

[عمر سیف]

بہت مشکل ہے دُنیا کا سنورنا
تیری زُلفوں کا پیچ و خم نہیں ہے

 

[شمشاد]

کسی کی زلف بھی منت پذیرِ شانہ سہی
مگر میں گیسوئے گیتی تو پہلے سلجھاؤں
(احمد ندیم قاسمی)

 

[عمر سیف]

زُلف نےتری سلجھ کر جاناں
اور بڑھا دی دل کی اُلجھن

 

[راجہ صاحب]

رات مہکی ہوئی آتی ہے کہیں سے پوچھو
آج بکھرائے ہوئے زلفِ طرحدار ہے کون
(فیض)

 

[عمر سیف]

تیری زلفیں، تیری آنکھوں تیرے ابرو تیرے لب
اب بھی مشہور ہے دنیا میں‌مثالوں کی طرح

 

[راجہ صاحب]

چھلکتے ہوئے تھے جام پریشاں تھی زلفِ یار
کچھ ایسے حادثات سے گھبرا کے پی گیا
ساغر صدیقی

 

[عمر سیف]

جتنا سلجھاؤ گے یہ اور اُلجھ جائے گی
زندگی زُلف نہیں ہے جو سنور جائے گی

 

[راجہ صاحب]

رخِ تاباں جو تہہِ زلف گرہ گیر رہا
کفر و اسلام شب و روز بغل گیر رہا
بہادر شاہ ظفر

 

[عمر سیف]

کئی چاند تھے سر آسماں کہ چمک چمک کے پلٹ گئے
نہ لہو مرے ہی جگر میں تھا نہ تمھاری زلف سیاہ تھی

 

[راجہ صاحب]

صنم کی زلف میں کوچہ ہے سربستہ ہر اک مُو پر
نہ دیکھی ہوں گی تُو نے خضر یہ ظلمات میں گلیاں
نامعلوم

 

[عمر سیف]

مرے اشعار میں شامل تری خوشبو ہو جائے
دشتِ افکار میں اے کاش تو آہو ہو جائے
اس کی آنکھوں سے چھلکتا ہوا قطرہ قطرہ
زلفِ گیتی میں چمکتا ہوا جگنو ہو جائے

 

[راجہ صاحب]

قید میں ہے ترے وحشی کو وہی زلف کی یاد
ہاں! کچھ اک رنجِ گرانباریِ زنجیر بھی تھا
غالب

 

[عمر سیف]

تیری زلف میں پہنچی تو حسن کہلائی
وہ تیرگی جو مرے نامہ سیاہ میں تھی

 

[راجہ صاحب]

کیجے آہوئے ختن کو خضرِ صحرائے طلب
مشک ہے سنبلستانِ زلف میں گردِ سواد
غالب