”فعولن فعولن فعولن فعولن“ کا کھیل

[محمد اسامہ سَرسَری]

بچا کر گناہوں سے ہم کو اے مولا
تو دامانِ رحمت میں ہم کو چھپا لے

یہی ایک امید کی ہے کرن بس
کہ خالق ہمارا تو ستار بھی ہے

 

[متلاشی]

یہی ایک امید کی ہے کرن بس
کہ خالق ہمارا تو ستار بھی ہے

وہ ستّار بھی ہے وہ غفّار بھی ہے
یقینا وہ سب کا مددگار بھی ہے

 

[الف عین]

یہاں اجتماعی سی حمدیں کہیں گے
الف عین سمجھو کہ تیار بھی ہے

 

[محمد اسامہ سَرسَری]

یہاں اجتماعی سی حمدیں کہیں گے
الف عین سمجھو کہ تیار بھی ہے

الف عین صاحب! سلام آپ کو اب
ہوا دل بہت خوش کہ آپ آگئے ہیں
سنائیں ہیں کیسے مزاجِ مبارک

 

[الف عین]

یہاں خیریت ہے بس الحمد للہ
سناؤ ادھر کی کہ حالات کیا ہیں
بتائیں تو اتنا کہ ذوق اور شوق اب
کبھی نیٹ پر بھی کہیں چھپ رہا ہے؟
مجھے اس کی ان پیج فائل ہی دے دیں
تو برقی کتابوں میں شامل کیا جائے

 

[محمد اسامہ سَرسَری]

یہاں خیریت ہے بس الحمد للہ
سناؤ ادھر کی کہ حالات کیا ہیں
بتائیں تو اتنا کہ ذوق اور شوق اب
کبھی نیٹ پر بھی کہیں چھپ رہا ہے؟
مجھے اس کی ان پیج فائل ہی دے دیں
تو برقی کتابوں میں شامل کیا جائے

شمارہ نہیں آیا ہے نیٹ پر تو
میں سب ساتھیوں سے کروں مشورہ پھر
بتاوں گا برقی کتب کے لیے میں

 

[مجیب]

ہے دلچسپ یوں تو مگر مشکل بہت ہے ۔

 

[محمد اسامہ سَرسَری]

نہیں ہے یہ مشکل مجیب آپ پر کچھ
ذرا سی توجہ کی بس ہے ضرورت

 

[مجیب]

ذرا سی لگن اور محنت ذرا سی
بھلائی ہماری ہی تو مشق میں ہے

 

[محمد اسامہ سَرسَری]

بہت خوب سوچا بہت عمدہ لکھا

 

[الف عین]

یہاں ایک دھاگا تھا بسمل نے کھولا
جہاں سب ہی با وزن کرتے تھے باتیں

 

[محمد اسامہ سَرسَری]

یہاں ایک دھاگا تھا بسمل نے کھولا
جہاں سب ہی با وزن کرتے تھے باتیں

مگر اس میں ہر بحر کی تھی اجازت
یہ دھاگا فقط ہے برائے فعولن

 

[شہزاد احمد]

ارے یہ بھی کیا خوب دھاگہ ہے صاحب!

 

[محمد اسامہ سَرسَری]

ارے یہ بھی کیا خوب دھاگہ ہے صاحب!

یہاں آئے ، آداب اور خیر مقدم
ہماری طرف سے ہے اہلا وسہلا
پسندیدگی پر ہوں ممنون بے حد

 

[الف عین]

خوشی ہے کہ با ذوق لوگ آ رہے ہیں
اگرچہ وہ کہتے ہیں شاعر نہیں ہیں
(کہ جیسے مجیب اور شہزاد احمد

 

[محمد اسامہ سَرسَری]

مجھے بھی خوشی ہے یہاں سب ہیں آتے
دے رب سب کے علم و عمل میں ترقی

 

[مجیب]

دعا میں اثر آپ کی ہو خدا رہ
ملے ہم کو طاقت سکھائےہنر جو

 

[محمد اسامہ سَرسَری]

دعا جب یہ دیکھی مجیب! آپ کی۔۔۔۔۔مرا دل پکارا ہے: ”آمین آمین!“

 

[مجیب]

اگرچہ یہ سچ ہے ہوں شاعر نہیں میں
مگر آپ کی سرپرستی کی امید بہت ہے
الف عین

 

[محمد اظہر نذیر]

ہمیں بھی بتاو، ہمیں بھی سکھاو​

بڑے علم والو، بڑا نام پاو​

​

​

زمانے کے سردو گرم راستوں پر​

چلے کیوں ہو تنہا، ہمیں بھی چلاو​

​

​

نہیں شاں مسلماں کی تفریق کرنا​

کھلاو سبھی کو، وہی خود جو کھاو​

​

​

کرو کھیل مستی، بھلانا نہیں ہے​

اگر وقت آئے تو مسجد کو جاو​

​

​

کرو یاد لوگوں کے افعال اچھے​

بُرا جو کیا تھا، وہ سب کچھ بھلاو​

​

​

نہیں کام مشکل بھلائی کے لوگو​

ذرا سی بھی فرصت میں نیکی کماو​

​

​

بھلائی کا بدلہ بھلائی سے دینا​

بھلائی کے دم سے بُرائی مٹاو​

​

​

نہیں میرا مقصد ہے تبلیغ اظہر​

تُمہاری ہے مرضی جو ننگا نہاو​