یہ اعولن فعولن کا چکر ہے مشکل
کوئی نسخہ ہو آساں تو مجھکو تو بتائیں
نہیں شارٹ کٹ کوئی علم و ادب میں
تمہیں اب سبق یاد کرنا پڑے گا
جو باتیں تمہاری ہیں اچھی ہیں لیکن
"نہیں وزن میں" اس لیے بس بُری ہیں
برا مت منانا کہ مقصد ہمارا
نہیں توڑنا دل کسی مبتدی کا
مگر کیا کریں ہیں نصیحت بھی کرنی
سکھانا بھی ہی وزن و بحر و ترنم
اگر شعر میں وزن ہی کچھ نہ ہو گا
تو کاہے کا شعر اور کیا شاعری ہے
تو اب یاد کر لو "فعولن" کا نغمہ
نہیں اس میں زیادہ کوئی اب تو مشکل
بس اک دو یہ مصرعے مرے اس سخن کے
بسا لو دماغ و دل و روح و جاں میں
ردائف، قیافی کو دل سے نکالو
ترنم کے رستے پہ اب خود کو ڈالو
جو مشکل لگے اب بھی با تیں یہ میری
تو علمِ عرو ض اور اوزاں کی کوئی
کتا ب آج یہ ڈھونڈ لو، یاد رکھو
نہیں شارٹ کٹ کوئی علم و ادب میں
