نتائج تلاش

کچھ غمِ زیست کے شکار ہوئے کچھ مسیحا نے مار ڈالے ہیں آخرِ شب کے ڈوبتے تارو! ہم بھی کروٹ بدلنے والے ہیں

ہم تری راہ سے پھرے ہی نہیں آستانے ہمیں بلاتے رہے

اے آفتابِ صبحِ بہاراں! سلام کر دیوانے آ رہے ہیں شبِ غم گزار کے

عمر بھر ہم سمجھ سکے نہ تجھے آج سمجھا رہی ہے تیری یاد زندگی کتنی تیز رو ہے مگر ساتھ ساتھ آ رہی ہے تیری یاد

آؤ اب ایک نئے دور کا آغاز کریں عہدِ رفتہ کی کوئی بات نہیں یاد مجھے

گرتے سنبھلتے جھومتے دارورسن کو چومتے اہلِ جنوں تیرے حضور آ ہی گئے کشاں کشاں

ٹھنڈے پڑے ہیں انجمنِ رنگ کے چراغ اک نغمہ بہار بطرزِ فغاں سہی

رفتہ رفتہ رنگ لایا جذبہ خاموشِ عشق وہ تغافل کرتے کرتے امتحاں تک آ گئے خود تمہیں چاکِ گریباں کا شعور آ جائے گا تم وہاں تک آ تو جاؤ ہم جہاں تک آ گئے آج قابل میکدے میں انقلاب آنے کو ہے اہلِ دل اندیشۂ سود و زیاں تک آ گئے

وہ ہر مقام سے پہلے وہ ہر مقام کے بعد سحر تھی شام سے پہلے سحر ہے شام کے بعد مجھی پہ اتنی توجہ مجھی سے اتنا گریز مرے سلام سے پہلے مرے سلام کے بعد چرغِ بزمِ ستم ہیں ہمارا حال نہ پوچھ جلے تھے شام سے پہلے بجھے ہیں شام کے بعد یہ رات کچھ بھی نہیں تھی یہ رات سب کچھ ہے طلوعِ جام سے پہلے...

انتخاب علامہ طالب جوہری چشمِ میگوں پہ ہیں سیہ پلکیں یا گھٹائیں شراب خانے پر

دن نکلتا ہے کس تمنا میں رات کس آسرے پہ آتی ہے جب وہ گیسو بکھیر دیتے ہیں زندگی راہ بھول جاتی ہے

نہیں یہ ہوش کہ کیونکر ترے حضور آیا بس اتنا یاد ہے ٹھکرا دیا تھا دنیا نے

عجیب چیز ہے خاکسترِ محبت بھی ذرا کسی نے چھوا اور آگ ابھر آئی

جانے کیا ہو پلک جھپکنے میں زندگی جاگتی ہی رہتی ہے جھوٹے وعدوں کی لذتیں مت پوچھ آنکھ در سے لگی ہی رہتی ہے

باغ تک پہونچی بیابانوں کی خاک تیرا دیوانہ کہاں ہے آج کل

درِ زنداں پہ کس نے دستک دی آج موسم بہار سا کیوں ہے

اپنے گلشن میں جب بہار آئی کوئی شائستہ بہار نہ تھا

راہ پرخار ہے اور رات اندھیری قابل دور تک کوئی چراغِ رخِ زیبا بھی نہیں

ہنسی معلوم ہوتی ہے فغاں معلوم ہوتی ہے محبت زندگی کی داستاں معلوم ہوتی ہے

بہت ہیں میکدے میں لڑکھڑانے جھومنے والے وقارِ لغزشِ پیرِ مغاں کچھ اور ہوتا ہے بہت دلچسپ ہیں ناصح کی باتیں بھی مگر قابل محبت ہو تو اندازِ بیاں کچھ اور ہوتا ہے