آج کا شعر - 3

[فرخ منظور]

ہمیں سے رنگِ گلستاں ہمیں سے رنگِ بہار
ہمیں کو نظمِ گلستاں پہ اختیار نہیں

(ساحر)

 

[محمداحمد]

بھنور کے ساتھ اُلجھتی ہوئی صدا کو سُنا
پھر اُس کے بعد سماعت ہی ساتھ چھوڑ گئی
تم ایک شخص کے چھٹنے کے دکھ میں بیٹھے ہو
یہاں تو پوری جماعت ہی ساتھ چھوڑ گئی​

 

[پیاسا صحرا]

میں وہ آدم گزیدہ ھوں جو تنہائی کے صحرا میں
خود اپنی چاپ سن کر لرزہ بر اندام ھو جائے
بشیر بدر

 

[ابوشامل]

کوئی چہرہ حسیں نہیں ہوتا
اجنبیت حسین ہوتی ہے
(شاعر:نامعلوم)

 

[مغزل]

عدو تھے حلقہِ یاراں میں مثلِ موئے سپید
کہ ہم نے ایک نکالا ، تو دس نکل آئے
لیاقت علی عاصم

 

[سونیا]

رات بڑی مشکل سے سلایا خود کو
اپنی آنکھوں کو تیرے خواب کا لالچ دے کر

 

[فرخ منظور]

خواب ہی خواب کب تلک دیکھوں
کاش تجھ کو بھی اک جھلک دیکھوں

(عبیداللہ علیم)ا

 

[امیداورمحبت]

شریک سفر اس طرح بھی ہوسکتا ہوں
وہ مجھے مل نہیں سکتا تو میں کہیں کھو جاؤں ۔۔۔۔۔۔۔۔۔۔

 

[زینب]

زخم تازہ ہے بہر حال بھر جائے گا

یہ سانحہ بھی کسی طور گزر جائے گا

ٹھیک لکھا تھا میرے ہاتھ کی ریکھاؤں میں

تو اگر پیار کرے گا تو بکھر جائے گا

 

[زونی]

ہر بے زباں کو شعلہ نوا کہہ لیا کرو
یارو سکوت ہی کو صدا کہہ لیا کرو

اپنے لیے اب ایک ہی راہِ نجات ہے
ہر ظلم کو رضائے خدا کہہ لیا کرو



(قتیل شفائی)

 

[مغزل]

ٹھیک سے یاد تو نہیں لیکن
کوئی اپنا ضرور تھا میرا
محمد نعیم سمیر ( سمیر راج)

 

[محمداحمد]

بے سبب بات بڑھانے کی ضرورت کیا ہے
ہم خفا کب تھے منانے کی ضرورت کیا ہے

 

[مغزل]

شمع کیا بجھ سا گیا سارا جہانِ آواز
اس قدر زور سے چلائی شبِ تار کہ بس
لیاقت علی عاصم

 

[محمداحمد]

دیدہ و دل تو ترے ساتھ ہیں اے جانِ فراز
اپنے ہمراہ مگر خواب نہ لے جا میرے

 

[طالوت]

جس وقت ذبح کرے مجھ کو فرقہ ناری
رونا نہ سنے کوئی نہ آواز تمھاری

وسلام

 

[زینب]

ہم تو ہیں اجڑے ہوئے شہر کی مثال

آنکھیں بتا رہی ہیں ویران تم بھی ہو

 

[مغزل]

زنداں سے جو گئے و ہ گھروں میں اسیر ہیں
اچھا ہو اکہ میری سزا کم نہیں ہوئی ۔

نصیر کوٹی (لذتِ آزار)

 

[طالوت]

یہ نہ کہو کہ شمعیں نہ جلاؤ ہمیں اندھیروں سے محبت ہے
شمعیں کرو روشن ، مگر وہ ! جن سے دل کے اندھیرے چھٹ جائیں گے
کرو ضمیر روشن کہ بدل جاتی ہیں دیوانوں کی تقدیریں
ضمیروں کے روشن ہونے سے ظلم کے بادل چھٹ جائیں گے

وسلام

 

[مغزل]

مقابلہ تو زمانے کا خوب کرتا ہوں
اگرچہ میں نہ سپاہی ہوں نہ امیرِ جنود
غمیں نہ ہو کہ بہت دور ہیں ابھی باقی
نئے ستاروں سے خالی نہیں ہے سپرِ کبود

علامہ محمد اقبال ( ضربِ کلیم ) غالباً

 

[طالوت]

قہاری و غفاری و قدوسی و جبروت
یہ چار عناصر ہوں تو بنتا ہے مسلماں
جس سے جگر لالہ میں ہو ٹھنڈک وہ شبنم
دریاؤں کے دل جس سے دہل جائیں وہ طوفاں
(علامہ محمد اقبال)
وسلام