آج کا شعر - 3

[محمداحمد]

ترکَ تعلقات کوئی مسئلہ نہیں
یہ تو وہ راستہ ہے کہ بس چل پڑے کوئی

جون ایلیا

 

[مغزل]

احمد میرے بلاگ پر عاصم صاحب کی پہلی ویڈیو لگا دی گئی ہے جو منظر عام پر آئی ہے۔

شور ہے آندھیوں کے چلنے کا
اب مزا آرہا ہے جلنے کا

قیصر منور

 

[نوید صادق]

جو کھیل جانتے ہیں ان کے اور ہیں انداز
بڑے سکون، بڑی سادگی سے کھیلتے ہیں

(محبوب خزاں)

 

[ف۔قدوسی]

لگتا ہے بہت دیر رکے گی میرے گھر میں
اس رات کی آنکھوں سے شناسائی بہت ہے

 

[ش زاد]

لگتی ہے جسم پر منوں مٹی پڑی ہوئی
شائید طریر لوگوں نے دفنا دیا مُجھے

دانیال طریر​

 

[ف۔قدوسی]

میں خواب خواب جسے ڈھونڈتا رھا برسوں
وہ اشک اشک میری آنکھوں میں سمایا تھا

 

[مغزل]

وحدتِ درد میں تو کثرتِ اظہار میں تو
دل میں آیا تھا کہ آنے لگا اشعار میں تو

لحنِ داؤد پہ قربان مرے صوت و سخن
ہر طرف نغمہ سرا ہے مرے مضمار میں تو

ایک حمد سے (لیاقت علی عاصم)

 

[فرخ منظور]

رقصِ مستی دیکھتے، جوشِ تمنّا دیکھتے
سامنے لا کر تجھے اپنا تماشا دیکھتے

(اصغر گونڈوی)

 

[محمداحمد]

کیا خبر تھی حوصلہ یوں ہار کر جائے گا تو
ناؤ جب بن جائے گی دریا سے ڈر جائے گا تو

لیاقت علی عاصم

 

[مغزل]

ڈوبتی ناؤ تم سے کیا پوچھے
ناخداؤ تمھیں خدا پوچھے

ہم ہیں اس قافلے میں قسمت سے
رہزنوں سے جو راستہ پوچھے

ہے کہاں کنجِ گل چمن خورو
کیا بتاؤں اگر صبا پوچھے ؟

اٹھ گئی بزم سے یہ رسم بھی کیا
ایک چپ ہو تو دوسرا پوچھے

لیا قت علی عاصم

 

[سلیمان جاذب]

اس نے آخر دیا جلانا ہے
شام کو میں نے ڈوب جانا ہے
میری پرواز مین یہ حائل ہے
راہ سے آسماں ہٹانا ہے
ذوالفقار احسن

 

[مغزل]

شور ہے آندھیوں کے چلنے کا
اب مزا آرہا ہے جلنے کا

قیصر منور

 

[راجہ صاحب]

ہاتھ جن میں ہو جنون کٹتے نہیں تلوار سے
سر جو اٹھ جاتے ہیں وہ جھکتے نہیں للکا ر سے
اور بھڑکے گا جو شعلہ سا ہمارے دل میں ہے
سرفروشی کی تمنا اب ہمارے دل میں ہے

 

[محمداحمد]

ابھی خرید لیں دُنیا کہاں کی مہنگی ہے
مگر ضمیر کا سودا بُرا سا لگتا ہے

عبیداللہ علیم

 

[مغزل]

رات کے ساتھ ساتھ بڑھتا گیا
ان چراغوں پہ اعتبار مرا

کاشف حسین غائر
شعری مجموعہ :راستے گھر نہیں جانے دیتے

 

[زینب]

کتنا چپ چاپ ہے ماحول میری بستی کا
ماتمی خانہ بدوشوں کے بسیروں جیسا
کیا کہیں‌اب کے عجب عشق ہوا ہے محسن
سرد شاموں‌کی طرح،گرم سویروں جیسا

 

[مغزل]

کتنی چپ چاپ ہیں تری آنکھیں
جیسے منظر ہو شام ڈھلنے کا

قیصر منور (کراچی)

 

[زینب]

میں چاہتا ہی نا تھا لاجواب کرنا اسے
ورنہ جواب میرے پاس اس کے ہر سوال کا تھا
اس کی جیت سے ہوتی ہے خوشی مجھ کو
یہی جواز میرے پاس اپنی ہار کا تھا

 

[فرخ منظور]

میں چاہتا بھی یہی تھا وہ بے وفا نکلے
اسے سمجھنے کا کوئی تو سلسلہ نکلے

(نامعلوم)

 

[زینب]

حسن کے پھول ہمیشہ بے دردوں کے ہاتھ بکے
اور چاہت کے متوالوں کو دھول ملی ویرانوں کی

دل کے نازک جزبوں پر راج ہے سونے چاندی کا

یہ دنیا کیا قیمت دے گی سادہ دل انسانوں کی