آج کا شعر - 3

[محمد وارث]

یہ الگ بات کہ سنگ آ گیا ہاتھوں میں عدم
اُن کو منظور تو ویسے مری عزت ہوگی

 

[زینب]

کر رہا ہوں تلاش اپنوں کو

جب سے گم ہو گئے ہیں بےگانے

 

[مغزل]

دو ہی باذوق آدمی ہیں عدم
میں ہوا یا مرا رقیب ہوا

 

[عندلیب]

قربت یہ چاہتی ہے ملو، پر الگ رہو
ہوتے بہت ہیں دور جو رہتے ہیں پاس لوگ

 

[شہر زاد]

جسے خرید کر آزاد کردیا جائے
وہ بد حواس پرندہ پلٹ کے کیا دیکھے

لیاقت علی عاصم​

 

[زینب]

آس کی یہ ضد تھی کہ اپنا بنا کے چھوڑوں گا

اور اس نے اپنا بنا کے چھوڑ دیا

 

[مغزل]

چھڑا لاتا ہوں خود کو، ایک دو غزلیں سنا کر میں
لیا جاتا ہے مجھے سے بزم میں‌تاوانِ‌تنہائی۔

لیاقت علی عاصم

 

[محمد وارث]

فنا تعلیمِ درسِ بے خودی ہوں، اُس زمانے سے
کہ مجنوں لام الف لکھتا تھا دیوارِ دبستاں پر

(غالب)

 

[مغزل]

لام الف لکھنے کا جب پیش آیا کوئی مرحلہ
جتنی دیواریں تھیں زنداں کی دبستاں ہوگئیں۔

نوید غزالی

 

[مغزل]

لفظ کو پھول بنا نا تو کرشمہ ہے فراز
ہو نہ ہو کوئی تو ہے تیری نگارش میں شریک

 

[مغزل]

اتنا شرمندہ نہ کر اپنے گنہگاروں کا
اے خدا تو بھی رہا ہے میری خواہش میں شریک

لفظ کو پھول بنا نا تو کرشمہ ہے فراز
ہو نہ ہو کوئی تو ہے تیری نگارش میں شریک

 

[زھرا علوی]

"کیا غضب ہے کہ ہجر کے دن بھی
زندگی میں شمار ہوتے ہیں"۔۔۔

 

[پیاسا صحرا]

صدقے کی طرح سر سے اتارا ہوا دن ہے
ہر دن یہی لگتا ہے کہ گزارا ہوا دن ہے

 

[شہر زاد]

پرائے پن کی وسیع و عریض دُنیا میں
یہ اِک خوشی ہی بہت ہے کہ درد اپنا ہے

 

[محمد وارث]

انہیں سوال پہ زعمِ جنوں ہے، کیوں لڑیے؟
ہمیں جواب سے قطعِ نظر ہے، کیا کہیے؟

(غالب)

 

[زینب]

مجھ سے بچھڑ گیا جو گئے سال کی طرح

اس کا بھی حال ہو گا میرے حا ل کی طرح

آیا نہ وہ ،رہ گئے رستے سج ہوئے

یہ سال بھی گزر گیا ہر سال ی طرح

 

[شہر زاد]

دل کی خلش تو ساتھ رہے گی تمام عمر
دریائے غم کے پار اتر جائیں ہم تو کیا

(منیر نیازی)​

 

[زینب]

زندہ ہیں تو کیا ہے جو مر جایئں ہم تو کیا

دنیا سے خامشی سے گزر جایئں ہم تو کیا

 

[مغزل]

پھول پھینکے کوئی دیوار کے پیچھے سے اگر
پھر اٹھا کر اسے دیوار پہ رکھ دیتا ہوں۔۔
اختر عبدالرزاق (کراچی)

 

[پیاسا صحرا]

بس یہی بات کہ لوگوں کو نہ چاہو دل سے
تجربے اس کے سوا عمر کو کیا دیتے ہیں
ن م راشد