آج کا شعر - 3

[نایاب]

السلام علیکم
سدا سجی رہے یہ محفل اردو آمین

کب تک الفاظ تراشے اور سنوارے گا..
کب تک نشانہ خطا کرکے تیر بکھریں گے..
اگر کبھی ایک صفحہ خاموشی کے علم سے پڑھا ہوتا..
تَو تُو کہے سنے کی زیادتی (بے فائدگی) پر بہت ہنستا۔
شاعر: ابوسعید ابوالخیر
نایاب

 

[ارشد خان]

مجھے پتا ہے ۔ بتانے کی ضرورت نہیں ہے ۔ شکریہ

 

[زینب]

اپنے کرب کو چھپا کر ہنسنا مشکل ہوتا ہے

دھیمی دھیمی آگ میں جلنا مشکل ہوتا ہے

یوں تو ضبط بہت ہے ہم کو لیکن کیا بتلایئں

آنکھ تک آئے آنسو پینا مشکل ہوتا ہے

 

[فرحت کیانی]

بکھر گیا ہے کچھ اس طرح آدمی کا وجود
ہر ایک فرد کوئی سانحہ لگے ہے مجھے

جان نثار اختر

 

[راجہ]

نوا پیرا ہو اے بلبل کہ ہو تیرے ترنم سے
کبوتر کے تن نازک میں شاہیں کا جگر پیدا

 

[مغزل]

اتنے مجبور ہیں ہم اپنی انا کے ہاتھوں
ریزہ ریزہ ہوئے اور بکھرتے بھی نہیں

 

[نوید صادق]

دوریوں کا قلق ہو کل صاحب
فیصلہ سوچ کر اٹل، صاحب

شاعر: سید آلِ احمد

 

[مغزل]

بابا جی کہاں رہ گئے آپ شد و مد و جزم و زبر پیش سے آپ انتظار ہورہا ہے میری ’’ خرافات ‘‘ والی لڑی میں۔

مشورہ ضروری ہے ہر طرح مگر یارو
عشق میں بزرگوں سے رائے کون لیتا ہے
شاد عارفی

 

[محمداحمد]

ہجر کی رات اور وصال کی نیند
تم بھی سوتے ہو کس کمال کی نیند

لیاقت علی عاصم

 

[نوید صادق]

آج دو بوند لہو دیکھ کے تم چونک اٹھے
بہہ رہا ہے کسے معلوم یہ دریا کب سے

شاعر: شہرت بخاری

 

[محمداحمد]

درختِ جاں پر عذاب رُت تھی نہ برگ جاگے نہ پھول آئے
بہار وادی سے جتنے پنچھی ادھر کو آئے ملول آئے
وہ ساری خوشیاں جو اُس نے چاہیں اُٹھا کے جھولی میں اپنی رکھ لیں
ہمارے حصے میں عذر آئے، جواز آئے، اصول آئے

اعزاز احمد آذر​

 

[زینب]

مجھے اپنی چادر میں یوں ڈھانپ لو

زمیں آسماں کچھ دکھائی نا دے

ہنسو آج اتنا کہ اس شور میں

صدا سسکیوں‌کی سنائی نا دے

 

[نوید صادق]

جنگل کا پار کرنا کچھ آسان تو نہیں
رستوں کے درمیان سے رستا تراشنا

شاعر: شفیق سلیمی

 

[مغزل]

حق فتح یاب میرے خدا کیوں نہیں ہوا
تونے کہا تھا ، تیرا کہا کیوں نہیں ہوا
عرفان صدیقی ( ہند)

 

[محمد وارث]

ہے سنگ پر براتِ معاشِ جنونِ عشق
یعنی ہنوز منّتِ طفلاں اٹھائیے

(غالب)

 

[نوید صادق]

کچھ کام اس زمین پہ کرنے تو دے مجھے
اپنی بلندیوں سے اترنے تو دے مجھے

شاعر: ظفر اقبال

 

[مغزل]

’’ جگنو کو دن کے وقت پرکھنے کی ضد کریں
بچے ہمارے عہد کے چالاک ہوگئے ‘‘
پروین شاکر

 

[محمداحمد]

میں چپ رہا تو سارا جہاں تھا مری طرف
حق بات کی تو کون کہاں تھا مری طرف
میں نے ستمگروں کو پکارا ہے خود فرازؔ
ورنہ دھیان اُن کا کہاں تھا مری طرف

احمد فرازؔ​

 

[مغزل]

ملے تو مل لیے بچھڑے تو یاد بھی نہ رہے
تعلقات میں‌ایسی روا روی بھی نہ ہو !!!
احمد میاں !!!!!!!

 

[نوید صادق]

گھر سے نکل گیا تو بھنور سے نکل گیا
ڈوبا وہی جو دشتِ ہنر سے نکل گیا

شاعر: ظفر اقبال