آج کا شعر - 4

[فرخ منظور]

اب یہ بھی کام کرنے کی کوشش کروں گا میں
اللہ کو رام کرنے کی کوشش کروں گا میں

(رشید ندیم)

 

[عاشق چانگ]

دائرہ ہے کہ ٹوٹتا ہی نہیں !!!
خود سے نکلوں تو تجھسے پیار کروں​

 

[راجہ صاحب]

ہم سے دلچسپ کبھی سچّے نہیں ہوتے ہیں
اچّھے لگتے ہیں مگر اچّھے نہیں ہوتے ہیں


جاوید اختر

 

[ایم اے راجا]

تجھے مناؤں کہ اپنی انا کی بات سنو
الجھ رہا ہے مرے فیصلوں کا ریشم پھر​

( پروین شاکر)

 

[کاشفی]

جو بھلے ہیں وہ بُروں کو بھی بھلا کہتے ہیں
نہ بُرا سُنتے ہیں اچھے نہ بُرا کہتے ہیں
(داغ دہلوی رحمتہ اللہ علیہ)​

 

[راجہ صاحب]

اک شہنشاہ نے دولت کا سہارا لے کر
ہم غریبوں کی محبت کا اڑایا ہے مذاق

ساحر

 

[اعجازالحسینی]

ایمان و عمل ، عزم ویقیں ، جرات و ایثار
ملت اسلام کے ہر فرد کاہے معیار

ذکی کیفی

 

[فرخ منظور]

کُھلائے گو کہ شانے سے تم اپنی زلف کے عقدے
نہ سمجھے یہ کسی دل میں ہزاروں ہیں گرہ پڑیاں

(سودا)

 

[مغزل]

شکست و فتح نصیبوں سے ہے ولے اے میرؔ
مقابلہ تو دلِ ناتواں نے خوب کیا ۔
خدائے سخن ( میر تقی میر ؔ )

 

[مغزل]

بلائے جان ہیں یہ تسبیح و زُنّار کے پھندے
دل ِ حق بِیں کو ہم اس قید سے آزاد کرتے ہیں
پنڈت برج نرائن چکبست

 

[راجہ صاحب]

ہے عجب فیصلے کا صحرا بھی
چل نہ پڑیے تو پاؤں جلتے ہیں

جون ایلیا

 

[محمود احمد غزنوی]

تم مجھے بھول بھی جاؤ تو یہ حق ہے تم کو
مری بات اور ہے، میں نے تو محبت کی ہے​

 

[راجہ صاحب]

یک ذرہ زمیں نہیں بیکار باغ میں
یاں جادہ بھی فتیلہ ہے لالے کے داغ میں


( غالب )

 

[فرخ منظور]

کون جانے مرے امروز کا فردا کیا ہے
قربتیں بڑھ کے پشیمان بھی ہو جاتی ہیں

دل کے دامن سے لپٹی ہوئی رنگیں نظریں
دیکھتے دیکھتے انجان بھی ہو جاتی ہیں

(ساحر لدھیانوی)

 

[کاشفی]

شب ِ وصل ایسی کھلی چاندنی
وہ گھبرا کے بولے سحر ہوگئی
(داغ رحمتہ اللہ علیہ)​

 

[کاشفی]

تم مرے پاس ہوتے ہو گویا
جب کوئی دوسرا نہیں ہوتا
(مومن)​

 

[کاشفی]

ہے دوستی تو جانبِ دشمن نہ دیکھنا
جادو بھرا ہوا ہے تمہاری نگاہ میں
(مومن)​

 

[کاشفی]

ساتھ نہ چلنے کا بہانہ تو دیکھ
آکے مری نعش پہ وہ رو گیا
(مومن)​

 

[راجہ صاحب]

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے

زندہ رہنے کی تمنا ہو تو ہو جاتے ہیں
فاختاؤں کے بھی کردار عقابوں والے


نامعلوم

 

[ظفری]

وہ جن کی خاطر ہم نے تمام سرحدیں توڑیں
آج انہی نے کہا ہے کہ " اپنی حد میں رہو " ​