آج کا شعر - 4

[کاشفی]

سودا

جس روز کسی اور پہ بیداد کرو گے
یہ یاد رہے ہم کو بہت یاد کرو گے
(سودا)​

 

[زھرا علوی]

اے شخص اب تو مجھ کو سبھی کچھ قبول ہے
یہ بھی قبول ہے کہ تجھے چھین لے کوئی

جون ایلییا

 

[مغزل]

مسکرائے ہم اس سے ملتے وقت
رو نہ پڑتے اگر خوشی ہوتی !!
جون ایلیا

 

[کاشفی]

مومن

دل مرے کہنے میں ہووے تو کچھ اب بھی نہ کہوں
پر بگڑ ہی گئی جب بات تو کیوں بات سہوں
(مومن)​

 

[مغزل]

گزارتا ہوں شبِ عشقِ بے معاش کے ساتھ
تو صبح اشک مرے ناشتے پہ گرتے ہیں‌ !!
صابر ظفر

 

[کاشفی]

کیوں ہوا عاشق؟ جفا پر گر نہ تجھ کو صبر تھا
اے دلِ بیتاب، کیا تجھ پر کسی کا جبر تھا
(امیر مینائی)​

 

[مغزل]

ہم سے پہلے تو یہان دشت دھڑکتا تھا کوئی
ہم نے گلزار بنا یا ہے دعا دو ہم کو
راشد عارف ( سانگلہ ہلز )

 

[کاشفی]

امیر مینائی

پچتا رہے ہیں خون مرا کر کے کیا حضور؟
اب اس پہ خاک ڈالئیے، جو کچھ ہوا ہوا
(امیر مینائی)​

 

[فرخ منظور]

جو گزری مجھ پہ مت اُس سے کہو، ہوا سو ہوا
بلاکشانِ محبت پہ جو ہوا، سو ہوا
(سودا)

 

[کاشفی]

ذوقؔ

نگہ کا وار تھا دل پر ، پھڑکنے جان لگی
چلی تھی برچھی کسی پر کسی پہ آن لگی​

(ذوقؔ)​

 

[کاشفی]

داغ دہلوی

کسی کا نہ ہوگا قیامت میں کوئی
زمین اور ہوگی فلک اور ہوگا
(داغ دہلوی)​

 

[فرحان دانش]

ایک شعر لوڈ شیڈنگ کے نام

مجھے یقین ہے کہ اندھیرا رہے گا اب نہ کہیں
کہ روشنی کے لیے میں نے گھر جلایا ہے​

 

[کاشفی]

حالی

اپنی جیبوں سے رہیں سادے نمازی ہشیار
اک بزرگ آتے ہیں مسجد میں خضر کی صورت
(حالی)​

 

[کاشفی]

آج کا شعر - کاشفی کا پسندیدہ شعر

اُن کا آنا حشر سے کچھ کم نہ تھا
اور جب پلٹے قیامت ڈھا گئے
(نثار احمد نثار)​

 

[کاشفی]

اک ایسا راز دیا ہے مجھے چھپانے کو
جسے وہ چاہیں تو خود بھی چھپا نہیں سکتے
(معین احسن جذبی)​

 

[کاشفی]

داغ

سب لوگ جدھر وہ ہیں، اُدھر دیکھ رہے ہیں
ہم دیکھنے والوں کی نظر دیکھ رہے ہیں

پہلے تو سُنا کرتے تھے عاشق کی مصیبت
اب آنکھ سے وہ آٹھ پہر دیکھ رہے ہیں
(داغ دہلوی )​

 

[فرخ منظور]

حادثہ ایک دم نہیں ہوتا
وقت کرتا ہے پرورش برسوں
(شاعر نامعلوم)

 

[یونس عارف]

داور ِ حشر ! مجھے تیری قسم !
عمر بھر میں نے عبادت کی ہے
تُو میرا نامہ ءِ اعمال تو دیکھ
میں نے انساں سے محبت کی ہے

احمد ندیم قاسمی​

 

[کاشفی]

عجب لذت بھری تلوار سے قاتل نے مارا ہے
مرا خون اُس کے سر پر، اس کا احساں میری گردن پر

گلا کٹوا ، مزے لے لے، کہ پھر اے دل کہاں یہ دن
کبھی گردن ہو خنجر پر کبھی خنجر ہو گردن پر
(امیر مینائی)​

 

[ام نور العين]

رُتوں کا قاعدہ ہے وقت پر ہی آتی جاتی ہیں
ہمارے شہر میں کیوں رک گیا فریاد کا موسم ؟