آج کا شعر - 4

[کاشفی]

میرے مرنے کی خبر سُن کر کیا مشکل سے ضبط
اُن کے ہونٹوں پر ہنسی بے اختیار آنے کو تھی

آسماں پھرتا رہا ہے مضطرب وعدے کی رات
کون سی مجھ تک خوشی پروردگار آنے کو تھی
(داغ دہلوی)

 

[محمداحمد]

گماں میں رہ گیا ہے جانے کیا کچھ
مجھے ایسا لگا تونے کہا کچھ

لیاقت علی عاصم

 

[کاشفی]

یہ بات بات میں کیا ناز کی نکلتی ہے
دبی دبی ترے لب سے ہنسی نکلتی ہے

بجائے شکوہ بھی دیتا ہوں میں دعا اُس کو
مری زباں سے کروں کیا یہی نکلتی ہے
(داغ دہلوی)

 

[mfdarvesh]

یہ بات بات میں کیا ناز کی نکلتی ہے
دبی دبی ترے لب سے ہنسی نکلتی ہے

بجائے شکوہ بھی دیتا ہوں میں دعا اُس کو
مری زباں سے کروں کیا یہی نکلتی ہے
(داغ دہلوی)

بہت خوب، کلاسک

 

[خوشی]

ویسے تو کٹھن ہوتی ھے ہر ایک مسافت
ھے ساتھ جو تیرا تو سفر مانگ رھے ھیں


طفیل عامر

 

[ش زاد]

تجھے کس نے کہا پیاسا نہیں تھا
بس اپنے ہاتھ میں کاسا نہیں تھا
زاہد کلیم (راولپنڈی)

 

[کاشفی]

مغربی تہذیب پھیلانے لگی اپنا اثر
ہم بھی اب کہنے لگے گُڈمارنگ مائی ڈئیر
(عشرت لکھنوی)

 

[کاشفی]

نعم البدل ہے داغ کا حالی کلامِ داغ
ذکرِ حبیب کم نہیں وصلِ حبیب سے
(مولانا حالی)

 

[فرحت کیانی]

اتنے پُرہول بھلا خواب کہاں ہیں انور
جاگتی آنکھوں نے کیا کیا نہیں منظر دیکھے
(انور مسعود)

 

[کاشفی]

دب سکی پستی بلندی کی زبردستی سے کب
جھونپڑے اکثر نظر آتے ہیں ایوانوں کے پاس
(احسن مارہروی مرحوم و مغفور شاگرد خصوصی استادِ بلبل ہند فصیح الملک حضرت داغ دہلوی مرحوم و مغفور رحمتہ اللہ علیہ)

 

[محمد وارث]

قلم توڑ دے تُو، سخن چھوڑ دے تُو
یہ زاغوں کی بستی چمن چھوڑ دے تُو

(خاکسار)

 

[کاشفی]

قلم توڑ دے تُو، سخن چھوڑ دے تُو
یہ زاغوں کی بستی چمن چھوڑ دے تُو
(خاکسار)

بہت ہی خوب۔۔

 

[کاشفی]

نہ بدلے آدمی جنت سے بھی بیت الحزن اپنا
کہ اپنا گھر ہے اپنا اور ہے اپنا وطن اپنا

نہ سیدھی چال چلتے ہیں، نہ سیدھی بات کرتےہیں
دکھاتے ہیں وہ کمزوروں کو تن کر بانکپن اپنا
) داغ دہلوی )

 

[کاشفی]

اللہ کا گھر کعبے کو سب کہتے ہیں لیکن
دیتا ہے پتا اور وہ ملتا ہے کہیں اور

یہ در ہے یہ سر ہے ، یہیں ہم جان بھی دیں گے
کیا جائیں گے مرنے کے لئے اُٹھ کے کہیں اور
(داغ دہلوی)

 

[ناعمہ عزیز]

سکندر خوش نہیں ہوتا لوٹ کر دولت زمانے کی
قلندر دونوں ہاتھوں سے لٹا کر رقص کرتا ہے۔

 

[ناعمہ عزیز]

چھلک چھلک گئیں یہ آنکھیں سوچ کر اکثر
میرے رب کی ہیں مجھ پر عنایتیں کیا کیا۔۔

 

[ام نور العين]

سانپ سے نہ دے آدمی کی مثال
ان میں کچھ بے ضرر بھی ہوتے ہیں

 

[ام نور العين]

اتنے پُرہول بھلا خواب کہاں ہیں انور
جاگتی آنکھوں نے کیا کیا نہیں منظر دیکھے
(انور مسعود)

کیا سچ کہا ہے !

 

[خوشی]

اچانک پھر بچایا ھے کسی نادیدہ ہستی نے
مگر کیسے ہوا یہ معجزہ معلوم کرنا ھے

تجھے کچھ یاد ھے کل کب تجھے میں یاد آیا تھا؟
مجھے اے ماں! ترا وقتِ دعا معلوم کرنا ھے

اعتبار ساجد

 

[کاشفی]

روشن کرے جہاں، میں وہ لو ہوں چراغ کی
کھلتی ہوئی کلی ہوں میں اردو کے باغ کی

کرتی ہوں طرزِ داغ پہ شبنم میں شاعری
دنیا سمجھ رہی ہے کہ بیٹی ہوں داغ کی
(شبنم ناز)