آج کا شعر

[محمد وارث]

اب اسے لوگ سمجھتے ہیں گرفتار مرا
سخت نادم ہے مجھے دام میں لانے والا

(فراز)

 

[زونی]

لاکھوں ہی مسافر چلتے ہیں،منزل پہ پہنچتے ہیں دو ایک
اے اہلِ زمانہ قدر کرونایاب نہ ہوں،کم یاب ہیں ہم

 

[F@rzana]

کچی دیواروں پہ رکھ لیتی ہوں دکھ سکھ کے چراغ
آنکھ سے اونچی عمارات کو اوجھل کر کے
ٌ

 

[فرحت کیانی]

جلتے ہوئے ہاتھوں سے دُعا مانگ رہا ہوں
اس حبس کے موسم میں ہوا مانگ رہا ہوں
دے ایسی زمیں جس پہ کہ پانی کے شجر ہوں
میں خطہ کوئی برف نما مانگ رہا ہوں

 

[مغزل]

برگد کے سائے سے اٹھے اور مندر میں جا بیٹھے
گوری تونے کیا پہنا تھا، بھگون کیوں شرمائے تھے
(لیاقت علی عاصم)

 

[مغزل]

کل سامنے منزل تھی پیچھے مری آوازیں
چلتا تو بچھڑ جاتا، رکتا تو سفر جاتا۔۔۔
( عزم بہزاد)

 

[مغزل]

محترم فاتح الدین صاحب
آداب و سلامِ مسنون
آپ کی گفتگو پڑھنے کا شرف حاصل ہوا ۔۔ یقین جانیئے ایسا لگا جیسے میری دلی مراد پوری ہوگئی۔۔۔
ادب کا حقیر ساطالب ِ علم ہونے کے ناتے ۔۔۔ بہر کیف ۔۔۔

اس سلسلے میں ایک شعر مزید ملاحظہ کیجئے۔

سوچ کر جدا ہونا ، اب کے مل نہ پائو گے
کیوں کہ اس زمانے میں معجزے نہیں ہوتے
(شاعر کا نام اس وقت ذہن میں نہیں ہے)

 

[محمد وارث]

دکھ فسانہ نہیں کہ تجھ سے کہَیں
دل بھی مانا نہیں کہ تجھ سے کہیں

بے طرح حالِ دل ہے اور تجھ سے
دوستانہ نہیں کہ تجھ سے کہیں

(فراز)

 

[زونی]

چل پڑا ہوں شوقِ بے پرواہ کو مرشد مان کر
راستہ پرپیچ ھے یا پر خطر جیسا بھی ھے
سب گوارا ھے تھکن ساری دکھن ساری چبھن
ایک خوشبو کیلئے ھے یہ سفر جیسا بھی ھے

(انور مسعود)

 

[فرخ منظور]

گوری سووے سیج پہ مکھ پر ڈارے کیس
چل خسرو گھر آپنے سانجھ بھئی چوندیس

 

[محمد وارث]

ہمیں بھی یاد ہے مرگِ تمنّا
مگر اب فرصتِ ماتم نہیں ہے

فراز اس قحط زارِ روشنی میں
چراغوں کا دھواں بھی کم نہیں ہے

 

[فرخ منظور]

عیسیٰ نہ بن کہ اس کا مقدّر صلیب ہے
انجیل ِ آگہی کے ورق عمر بھر نہ کھول
(فراز)

 

[محمد وارث]

ہر کوئی ناوک و ترکش کی دکاں پوچھتا ہے
کسی گاہک کو مگر اپنا بدن یاد نہیں

وقت کس دشتِ فراموشی میں لے آیا ہے
اب ترا نام بھی خاکم بدہن یاد نہیں

(فراز)

 

[نوید صادق]

خشک قسمت سے اگر ہو بھی گیا بحرِ حیات
میں کسی اور سمندر میں اتر جاؤں گا

شاعر: یگانہ

 

[عیشل]

نکالا مجھ کو جنت سے فریبِ زندگی دے کر
دیا پھر شوق جنت کا،یہ حیرانی نہیں جاتی

 

[محمد وارث]

میں بے گلیم لائقِ دشنام تھا مگر
اہلِ قبا میں صاحبِ توقیر کون تھا

میزاں بدست کون لرزتا رہا فراز
منصف تھا کون، صاحبِ تقصیر کون تھا

 

[نوید صادق]

خبر یہ کیسی اڑا دی کسی نے گاؤں میں
اداس پھرتے ہیں ہم بیریوں کی چھاؤں میں

شاعر: باقی صدیقی

 

[فرخ منظور]

اب اداس پھرتے ہو سردیوں کی شاموں میں
اس طرح تو ہوتا ہے، اس طرح کے کاموں میں
(شعیب بن عزیز)

 

[عیشل]

تو جو بدلا تو بدل گئے ہم بھی
محبت کی تھی بندگی تو نہیں
وقت کٹ ہی جائے گا بہر صورت
تو کوئی شرطِ زندگی تو نہیں

 

[فرخ منظور]

یہ کیا کہ ایک طور سے گزرے تمام عمر
جی چاہتا ہے اب کوئی تیرے سوا بھی ہو
(نامعلوم)