آج کا شعر

[فرخ منظور]

رنگ ہو یا خشت و سنگ، چنگ ہو یا حرف و صوت
معجزہ ِ فن کی ہے خون ِ جگر سے نمود
(اقبال)

 

[محمد وارث]

آخرِ شب کے ہم سفر فیض نجانے کیا ہوئے
رہ گئی کس جگہ صبا، صبح کدھر نکل گئی

 

[فرخ منظور]

وہ تو وہ ہے تمہیں ہو جائے گی الفت مجھ سے
اک نظر تم مرا محبوبِ نظر تو دیکھو
(فیض)

 

[محمد وارث]

شوق کو یہ لت کہ ہر دم نالہ کھینچے جائیے
دل کی وہ حالت کہ دم لینے سے گھبرا جائے ہے

(غالب)

 

[فرخ منظور]

انگڑائی بھی وہ لینے نہ پائے اٹھا کے ہاتھ
دیکھا جو مجھ کو چھوڑ دئیے مسکرا کے ہاتھ

دینا وہ اس کا ساغر ِمئے یاد ہے نظام
منہہ پھیر کر اُدھر، اِدھر کو بڑھا کے ہاتھ
(نظام رامپوری)

 

[زونی]

صاحبِ ساز کو لازم ھے کہ غافل نہ رھے
گاہے گاہے غلط آہنگ بھی ہوتا ھے سروش

(اقبال)

 

[محمد وارث]

غالب ندیمِ دوست سے آتی ہے بوئے دوست
مشغولِ حق ہوں بندگیِ بُو تراب میں

 

[زونی]

دشتِ نادیدہ کی تحقیق ضروری ھے مگر
پہلے جو آگ لگی ھے وہ بجھا دی جائے
صرف سورج کا نکلنا ھے اگر صبح تو پھر
اک شب اور میری شب سے ملا دی جائے

 

[زونی]

اس قدر نفرت ھے ان کو تیرگی کے نام سے
روزِ روشن میں بھی اب شمعیں جلا لیتے ہیں لوگ

(قتیل شفائی)

 

[فرحت کیانی]

یہ زندگی کچھ ایسی ہے جیسے الجھے ہوئے دھاگے
ٹوٹے ہوئے نکلے جنھیں سمجھا کہ سرے ہیں

 

[فرحت کیانی]

رنگ ہو یا خشت و سنگ، چنگ ہو یا حرف و صوت
معجزہ ِ فن کی ہے خون ِ جگر سے نمود
(اقبال)

آخرِ شب کے ہم سفر فیض نجانے کیا ہوئے
رہ گئی کس جگہ صبا، صبح کدھر نکل گئی

صاحبِ ساز کو لازم ھے کہ غافل نہ رھے
گاہے گاہے غلط آہنگ بھی ہوتا ھے سروش

(اقبال)

دشتِ نادیدہ کی تحقیق ضروری ھے مگر
پہلے جو آگ لگی ھے وہ بجھا دی جائے
صرف سورج کا نکلنا ھے اگر صبح تو پھر
اک شب اور میری شب سے ملا دی جائے

واہ۔۔۔بہت خوب

 

[فرحت کیانی]

میں تنہائی کا حاصل ہو گیا ہوں
بھری دنیا میں شامل ہو گیا ہوں
اسے آساں سمجھ لینے کی دُھن میں
میں اپنے آپ مشکل ہو گیا ہوں
بہت پتھر بنا ہوں ٹوٹنے کو
مگر اک چوٹ سے دل ہو گیا ہوں

(محسن نقوی)

 

[فرخ منظور]

تم ہمارے کسی طرح نہ ہوئے
ورنہ دنیا میں کیا نہیں ہوتا
(مومن)

 

[محمد وارث]

زندگی پیاری ہے لوگوں کو اگر اتنی ملال
کیوں مسیحاؤں کو زندہ نہیں رہنے دیتے

(صغیر ملال)

 

[زونی]

شہر طلب کرے جو تم سے علاجِ تیرگی
صاحبِ اختیار ہو آگ لگا دیا کرو

 

[سارا]

اے حسرتِ دیدار یہ کیا راز ہے آخر
وہ سامنے آتے ہیں تو دیکھا نہیں جاتا۔۔

 

[سارا]

ہمیں بجھا دے ہماری انا کو قتل نہ کر
کہ بے ضرر ہی سہی' بے ضمیر ہم بھی نہیں۔۔

 

[زونی]

شمار اس کی شرافت کا کیا کریں کہ وہ شخص
چراغ بانٹتا پھرتا ھے چھین کر آنکھیں

 

[زونی]

ہوا کے دوش پہ رکھے تھے چراغ ہم نے
جو بجھ گئے تو ہوا سے شکایتیں کیسی

(عبیداللہ علیم)

 

[شمشاد]

جو بے خبر کوئی گزرا تو یہ صدا دی ہے
میں سنگِ راہ ہوں مجھ پر عنایتیں کیسی
(عبیداللہ علیم)