آج کا شعر

[شمشاد]

سر مقتل بھی صدا دی ہم نے
دل کی آواز سنا دی ہم نے

پہلے اک روزن در توڑا تھا
اب کے بنیاد ہلا دی ہم نے
(ناصر کاظمی)

 

[زونی]

تمہارے شہر کی ہر چھاؤں مہرباں تھی مگر
جہاں پہ دھوپ کڑی تھی وہاں شجر ہی نہ تھا

(پروین شاکر)

 

[فرخ منظور]

یوں کسطرح کٹے گا کڑی دھوپ کا سفر
سر پر خیالِ یار کی چادر ہی لے چلیں
(ناصر کاظمی)

 

[شمشاد]

بہت اچھا شعر ہے۔ شکریہ۔

 

[شمشاد]

شامِ فراق اب نہ پوچھ آئی اور آ کے ٹل گئی
دل تھا کہ پھر بہل گیا، جان تھی کہ پھر سنبھل گئی
(فیض)

 

[عیشل]

اک عمر نمو کی خواہش میں موسم کے جبر سہے تو کھلا
ہر خوشبو عام نہیں ہوتی،ہر پھول گلاب نہیں ہوتا
کبھی عشق کرو اور پھر دیکھو اس آگ میں جلتے رہنے سے
کبھی دل پہ آنچ نہیں آتی کبھی رنگ خراب نہیں ہوتا

 

[ثناءاللہ]

يوں ہاتھ نہيں آتا وہ گوہر ِ يک دانہ
يک رنگي و آزادي، اے ہمت ِ مردانہ
يا سنجر و طغرل کا آئين ِ جہانگيري
يا مرد ِ قلندر کے انداز ِ ملوکانہ
يا حيرت ِ فارابي، يا تاب و تب ِ رومي
يا فکر ِ حکيمانہ، يا جذب ِ کليمانہ
يا عقل کي روباہي، يا عشق ِ يد اللٰہي
يا حيلہ ِ افرنگي، يا حملہ ِ ترکانہ
يا شرع ِ مسلماني، يا دير کي درباني
يا نعرہ ِ مستانہ، کبوہ ہو کر بت خانہ
اميري ميں، فقيري ميں، شاہي ميں، غلامي ميں
کچھ کام نہيں بنتا بے جراٴت ِ رندانہ
علامہ محمد اقبال​

 

[محمد وارث]

ہمیشہ بادہ خواروں پر خدا کو مہرباں دیکھا
جہاں بیٹھے گھٹا اٹھی، جہاں پہنچے بہار آئی

(نوح ناروی)

 

[عیشل]

جن درختوں کی جڑیں دل میں اُتر جاتی ہیں
اُن کا آندھی کی درانتی سے بھی کٹنا مشکل

 

[محمد وارث]

ہے رشک ایک خلق کو جوہر کی موت پر
یہ اس کی دین ہے جسے پروردگار دے

(محمد علی جوہر)

 

[فرخ منظور]

گل ِنرگس کا گلدستہ بدستِ غیر کیوں بھیجا
جو آنکھیں ہی دکھانا تھی تو خود آکر دکھا جاتے

(اگر کوئی دوست شاعر کا نام اور پوری غزل پوسٹ کر سکیں تو عنائت ہوگی)

 

[محمد وارث]

مہجورِ ہر انجمن ہیں ہم لوگ
اپنے وطن میں جلا وطن ہیں ہم لوگ

(رئیس امروہوی)

 

[فرخ منظور]

زباں سے بیاں ہو نہیں سکتے وہ اے ہمدم
مزے جو ہم نے کسی کی نظر بچا کے لیے
(نامعلوم)

 

[شمشاد]

بہت زبردست شعر ہے یہ۔

 

[شمشاد]

ممکنہ فیصلوں میں اک ہجر کا فیصلہ بھی تھا
ہم نے تو ایک بات کی، اُس نے کمال کر دیا
(پروین شاکر)

 

[عیشل]

کلِھتے ہیں کشتِ جاں میں ابھی آہٹوں کے پھول
ہر چند انتظار کے موسم گذر گئے

 

[فرخ منظور]

سلگتے جاتے ہیں چُپ چاپ ہنستے جاتے ہیں
مثالِ چہرہِ پیمبراں گلاب کے پھول
(مجید امجد)

 

[چاند بابو]

تم جو ہر بات پہ دیتے ہو پرندوں کی مثال
اس کا مطلب ہے تیرے شہر سے جانا ہو گا​

 

[تلمیذ]

ممکنہ فیصلوں میں اک حجر کا فیصلہ بھی تھا
ہم نے تو ایک بات کی، اُس نے کمال کر دیا
(پروین شاکر)

پروین شاکر کا یہ نہایت عُمدہ اور نمائندہ شعر ہے لیکن شمشاد جی، کیا پہلے مصرعے میں 'حجر' کی بجائے 'ہجر' نہیں ہونا چاہئے ؟

 

[فرخ منظور]

پروین شاکر کا ایک چوری شدہ شعر جو اصل میں میرا بائی کا ہے - اصل شعر ذرا ہندی سے مملو ہے جو مجھے یاد نہیں - لیکن پروین کا وہ چوری شدہ شعر پیشِ خدمت ہے -
اس شرط پہ کھیلوں گی پیا پیار کی بازی
جیتوں تو تجھے پاوں، ہاروں تو پیا تیری