آج کا شعر

[زونی]

واہ شمشاد بھائی آپ نے خوب شعر سے شعر ملا دیا


کئی ستاروں کو میں جانتا ہوں بچپن سے
کہیں بھی جاؤں میرے ساتھ ساتھ چلتے ہیں

(بشیر بدر)

 

[شمشاد]

میں نے شعر نہیں ملایا، بلکہ یہ اسی غزل کا اگلا شعر ہے جو آپ نے لکھا تھا۔

 

[شمشاد]

آپ نے مقطع لکھا، یہ لیں اسی غزل کا مطلع عرض ہے :

اداس آنکھوں سے آنسو نہیں نکلتے ہیں
یہ موتیوں کی طرح سیپیوں میں پلتے ہیں
(بشیر بدر)

 

[فرخ منظور]

ہوا کے دوش پہ رکھے تھے چراغ ہم نے
جو بجھ گئے تو ہوا سے شکایتیں کیسی

(عبیداللہ علیم)

ًمحترمہ زونی صاحبہ صحیح شعر یوں ہے -
ہوا کے دوش پہ رکھّے ہوئے چراغ ہیں ہم
جو بجھ گئے تو ہَوا سے شکایتیں کیسی

مکمل غزل اور عبیداللہ علیم کے انتخابِ کلام کے لیے یہاں‌ دیکھیے -

 

[شمشاد]

میں نے پلکوں سے درِ یار پہ دستک دی ہے
میں وہ سائل ہوں جسے کوئی صدا یاد نہیں
(ساغر صدیقی)

 

[ثناءاللہ]

میری راتیں تیری یادوں سے سجی رہتی ہیں
میری سانسیں تیری خوشبو میں بسی رہتی ہیں
​

میری آنکھوں میں تیرا سپنا سجا رہتا ہے
ہاں میرے دل میں تیرا عکس بسا رہتا ہے
​

اس طرح میرے دل کے بہت پاس ہو تم
جس طرح پاس ہی شہ رگ کے خدا رہتا ہے
تم کو معلوم بھی شاید یہ کبھی ہو کہ نہ ہو

میرے آنگن میں لگے پھول گواہی دیں گے
میں نے عرصے سے کسی پھول کو دیکھا بھی نہیں
تجھ کو سوچا ہے تو پھر تجھ کو ہی سوچا ہے فقط
تیرے سوا کسی اور کو سوچا بھی نہیں
تم کو معلو م بھی شاید یہ کبھی ہو کہ نہ ہو​

 

[زونی]

میں نے شعر نہیں ملایا، بلکہ یہ اسی غزل کا اگلا شعر ہے جو آپ نے لکھا تھا۔

سر جی میرا بھی تو یہی مطلب تھا

 

[زونی]

ًمحترمہ زونی صاحبہ صحیح شعر یوں ہے -
ہوا کے دوش پہ رکھّے ہوئے چراغ ہیں ہم
جو بجھ گئے تو ہَوا سے شکایتیں کیسی

مکمل غزل اور عبیداللہ علیم کے انتخابِ کلام کے لیے یہاں‌ دیکھیے -

شکریہ سخنور بھائی تصحیح کیلئے ،دراصل میری ڈائری میں بھی اسی طرح مس کوٹ ہوا ھےخیر آپکا بہت شکریہ،عبیداللہ علیم کا دوسرا کلام بھی خوبصورت ھے۔

 

[زونی]

اِک وہم ہے یہ دُنیا اس میں
کچھ کھوؤ تو کیا اور پاؤ تو کیا

ہے یوں بھی زیاں اور یوں بھی زیاں
جی جاؤ تو کیا مر جاؤ تو کیا

(عبیداللہ علیم)

 

[زونی]

وہ ایک بار مرے جن کو تھا حیات سے پیار
جو زندگی سے گریزاں تھے روز مرتے تھے
یہ ارتقاء کا چلن ھے کہ ہر زمانے میں
پرانے لوگ نئے آدمی سے ڈرتے تھے

(احمد ندیم قاسمی)

 

[شمشاد]

کچھ دن تَو بسو مری آنکھوں میں
پھر خواب اگر ہو جاؤ تو کیا

کوئی رنگ تو دو مرے چہرے کو
پھر زخم اگر مہکاؤ تو کیا
(عبید اللہ علیم)

 

[فرخ منظور]

خواب ہی خواب کب تلک دیکھوں
کاش تجھ کو بھی اک جھلک دیکھوں
(عبید اللہ علیم)

 

[زونی]

میں نے مانا کہ کچھ نہیں غالب
مفت ہاتھ آئے تو برا کیا ھے

 

[محمد وارث]

ہم فقیروں کی صورتوں پہ نہ جا
ہم کئی روپ دھار لیتے ہیں

(ساغر صدیقی)

 

[فرخ منظور]

بنا کر فقیروں کا ہم بھیس غالب
تماشائے اہلِ کرم دیکھتے ہیں‌
(غالب)

 

[زونی]

ہر چند سبک دست ہوئے بت شکنی میں
ہم ہیں تو ابھی راہ میں ہیں سنگِ گراں اور

 

[زونی]

ادھر کی آگ ادھر بھی پہنچ نہ جائے کہیں
ہوا بھی تیز ھے جنگل قریبِ شہر بھی ھے
کڑی ھے جنگ کہ اب کے مقابلے پہ فراز
امیرِ شہر بھی ھے اور خطیبِ شہر بھی ھے

 

[ثناءاللہ]

تیری یاد
آئے جب مجھ کو
میں لوٹ آؤں گا
وہ بھیگی رات
اور بارش ہوئے
میں بھیگ جاؤں گا

فاصلے
سمٹ نہ سکے
راستے
جومٹ نہ سکے
ان فاصلوں کو
سمٹنا ہے
ان راستوں پہ چلنا ہے

یہ دل کی بات
کوئی جانے نہ جانے
میں کہہ جاؤں گا
وہ تیرے ساتھ
گزارے لمحے
نہ بھول پاؤں گا

جو سپنے
سجائے مل کے
خوشی کے پل
بیتائے مل کے
کیا پا یا میں نے
کیا کھویا
کب جاگا ہوں میں
کب سویا

تیری ہر بات
رلائے جب مجھ کو
میں کھو جاؤں گا
وہ تیری چال
ستائے جب مجھ کو
میں ڈول جاؤں گا


​

 

[محمد وارث]

جہلِ خرد نے دن یہ دکھائے
گھٹ گئے انساں بڑھ گئے سائے

(جگر مراد آبادی)

 

[زونی]

اب تیرا ذکر بھی شاید ہی غزل میں آئے
اور سے اور ہوئے درد کے عنواں جاناں

ہوش آیا تو سبھی خواب تھے ریزہ ریزہ
جس طرح اڑھتے ہوئے اوراقِ پریشاں جاناں