آج کا شعر

[شمشاد]

پروین شاکر کا یہ نہایت عُمدہ اور نمائندہ شعر ہے لیکن شمشاد جی، کیا پہلے مصرعے میں 'حجر' کی بجائے 'ہجر' نہیں ہونا چاہئے ؟

جی آپ نے بالکل صحیح فرمایا، میں نے تصحیح کر دی ہے۔ بہت شکریہ۔

 

[محمد وارث]

احساس کے مے خانے میں کہاں اب فکر و نظر کی قندیلیں
آلام کی شدت کیا کہیے، کچھ یاد رہی کچھ بھول گئے

(ساغر صدیقی)

 

[فرخ منظور]

ستائش گر ہے زاہد اس قدر جس باغ ِرضواں کا
وہ اِک گلدستہ ہے ہم بیخودوں کے طاق ِنسیاں کا
(غالب)

 

[محمد وارث]

زندہ پھرنے کی ہے ہوس حالی
انتہا ہے یہ بے حیائی کی

 

[فرخ منظور]

زندگی کیا ہے؟ عناصر میں ظہور ِترتیب
موت کیا ہے؟ انہی اجزا کا پریشاں ہونا
(فی الحال شاعر کا نام یاد نہیں)

 

[محمد وارث]

زندگی کیا ہے؟ عناصر میں ظہور ِترتیب
موت کیا ہے؟ انہی اجزا کا پریشاں ہونا
(فی الحال شاعر کا نام یاد نہیں)

فرخ صاحب اس شعر کے خالق برج نرائن چکبست ہیں اور اسی غزل کا مطلع حاضرِ خدمت ہے۔

دردِ دل، پاسِ وفا، جذبۂ ایماں ہونا
آدمیت ہے یہی اور یہی انساں ہونا

 

[فرخ منظور]

بہت شکریہ وارث صاحب،
مستند ہے آپ کا فرمایا ہوا -

 

[زونی]

نقش فریادی ھے کس کی شوخئ تحریر کا
کاغزی ھے پیرہن ہر پیکرِ تصویر کا

 

[محمد وارث]

عالی جی اب آپ چلو تم اپنے بوجھ اٹھائے
ساتھ بھی دے تو آخر پیارے کوئی کہاں تک جائے

(جمیل الدین عالی)

 

[زونی]

تماشا کر اے محوِ آئینہ داری
تجھے کس تمنّا سے ہم دیکھتے ہیں

 

[عیشل]

ایک لمحے میں کٹا عمر بھر کا فاصلہ
میں ابھی آیا ہوں تصویریں پرانی دیکھ کر​

 

[محمد وارث]

بدل گئی ہے کچھ ایسی ہوا زمانے کی
کہ عام ہو گئی ہے عادت نظر چرانے کی

(نظیر صدیقی)

 

[عیشل]

درد جب حد سے بڑھا ضبط کے آنسو لکھے
ہم نے سیکھا ہی نہیں آنکھ سے رونا سائیں​

 

[زونی]

ہوئی جن سے توقّع خستگی کی داد پانے کی
وہ ہم سے بھی زیادہ خستئہ تیغِ ستم نکلے

 

[زونی]

تو ہی ناداں چند کلیوں پہ قناعت کر گیا
ورنہ گلشن میں علاجِ تنگئ داماں بھی ھے

 

[محمد وارث]

اتنا بھی مجبور نہ کرنا ورنہ ہم کہہ دیں گے
او عالی پر ہنسنے والے، تُو عالی بن جائے

(جمیل الدین عالی)

 

[شمشاد]

تو ہی ناداں چند کلیوں پہ قناعت کر گیا
ورنہ گلشن میں علاجِ تنگئ داماں بھی ھے

دوسرے مصرعے کے آخر میں " ہے " نہیں " تھا " ہے۔

 

[محمد وارث]

یہ شعرِ حافظِ شیراز، اے صبا کہنا
ملے جو تجھ سے کہیں وہ حبیبِ عنبر دست

"خلل پذیر بَود ہر بنا کہ می بینی
بجز بنائے محبت کہ خالی از خلل است"


(فیض، اے حبیبِ عنبر دست، زنداں نامہ)

 

[نوید صادق]

جو کھیل جانتے ہیں ان کے اور ہیں انداز
بڑے سکون،بڑی سادگی سے کھیلتے ہیں

شاعر: محبوب خزاں

 

[محمد وارث]

ہر زمانے کے مصائب کو ضرورت اس کی
ہر زمانے کے لیے دعوتِ ایثار حُسین

کربلا اب بھی لہو رنگ چلی آتی ہے
دورِ حاضر کے یزیدوں سے ہے دو چار حُسین

(شورش کاشمیری)